Gegetongo 22:3 - Ma Jou ai Demo-demo o Totobelohoka

³ De ma oraha o Moaba ma nyawa yamake o Isiraele ma nyawa manga doomu kohaamoko abe yogogerika to ona manga tonaka ma dolaka, de utuohi yamodongo o Isiraele ma nyawaika. Ho manga hawana ma huha manga kokawaaha mata-mataika duru kohagiria.

Gegetongo 22:3 Iomraidhean Croise

Huhupu 1:12

De ngaro o Mesiiri ma nyawa yahikarajaanga hiadono o Isiraele ma nyawa manga kangela ihidogo ma dubuho, masara imakiniiki de manga ngoe ho ka de manga kangela ihidogo de manga ngoeoo yodogo. De angamoi ka ihikaika o Isiraele ma nyawa ka yodogo-dogo ho o Mesiiri ma tonaka ma amokika yomahikokabarihika de hiadono o Mesiiri ma nyawa duru yamodongo onangika ma titi ko manga ngoe o Isiraele ma nyawa.

Huhupu 15:15

De abeika o Edomo ma nyawa manga dimo-dimono, Onangoo ma yatomomonoka ma titi gea Ngona nodiai, De yahidulufungoka o hawana o Moaba manga dimo-dimono, Ka de miboa manga tonakika de duru yofafara onangoo. Hokogea o Kanani ma nyawa manga buturungu ihihangoka.

Huhupu 23:27

“De o tonaka mata-mataika abe genangika tinihiboa ma ko nimahiadonuahi genangika de Ngohi tohitihira o hawana kohaamoko onangika de tahikapusaka hiadono ka de inimake de inikokiporetoka hiadono ona mata-mata inidokaowaroka.

Higalioli 2:25

Angamoi duru o wange naa dika de ahao tokarajaanga o nyawa mata-mata manga hiningaka la naga manga modongo ma amoko nginika. Ho ma oraha ona yoihenino ma ade-ade ma titi ngini naga niboa manga tonakino de ahao duru yofafara mangale manga hawana de manga modongo nginika.’”

Yosua 2:24

Abe iwihingahu o Yosuaika ato, “Mia baluhu, duru igoungu, Ma Jou o Yawe wonahidoakoka ma tonaka mata-mataika gea! Hoka ma tonaka gea idadioka to ngone nanga kuahaka igogere angamoi o nyawa mata-mata gea doka ona inamodongoka ngoneino naa ka hiadono yatomomonoka. Hokogea mia baluhu ngomi miamake abe mia dodagi ma goronaka.” Hokogea o nauru yahinooto gea iwihingahu o Yosuaika.

Yosua 9:24

De ona iwipaluhu ato, “Marai ngomi duru mihawana hiadono mia demo hokogea nginika. Angamoi naga o nyawa imihingahu de duru imihitararono abe ma dihiraino de nia Jou o Yawe wihuloko ai duduhunu o Musaika ma titi ma tonaka naa. Abe Una wato kiani o Musa winihidoaka ma tonaka naa mata-mata nginika, de abe ma tonaka naa ma nyawa bari kiani niahibinaaha mata-mataika la ko moiokaua. Ho gea hiadono to ngomi mia budi ma demo itagi nginika, angamoi duru mia hawana ilamokoholi done ka nimihibinaaha dika.