Gegetongo 22:1 - Ma Jou ai Demo-demo o Totobelohoka

¹ De o Isiraele ma nyawa yosoboli yogila-gila o Moaba ma tonaka ma dolaika abe idateke o Yorodani ma akerika de doka ma honongaka o Kanani ma tonakoka. Ho ona de o Yeriko ma kota ko ikurutikakaua de genangoka ihigoko manga doomu ma tau mata-mata o Moaba ma dolaka gea.

Gegetongo 22:1 Iomraidhean Croise

Gegetongo 21:20

De ahao o loku-loku genangoka yosoboli de yoiki o dolaika o Moaba ma tonakoka de yogila-gila hiadono yodoa o Belaka ma loku ma tubu-tubuiye abe ihikokaika itou-touniye. De o Belaka ma lokuoka gea naga ma tubu-tubu muruono abe moi ma romanga o Pisaga ma tubu abe genangoka ka idadi yomalega ma timiuku o dola abe duru ko kia-kiaua yowango genangoka de gea ena ma romanga o Tonaka ma Kakaaha ma Dorou.

Gegetongo 32:19

De minihibehehongoo ma titi ma tonaka abe doka o Yorodani ma akere ma honongaka. Abe mangale ma titi ngomi miamakeoka mia tonaka o akere ma honongaka naa abe o wange ma hiwariha idateke, ho ngomi duru ko mimaleua de ko miodafongua o tonaka o kia dika abe doka ma honongaka la idadi mia oara ma tonaka. Hokogea ngomi minihibehehongo nginika.”

Gegetongo 35:1

De ahao Ma Jou o Yawe wotemohi o Musaika abe ma oraha gea ona mata-mata ka yomadodogumohi o Yorodani ma akere ma datekoka de o Yeriko ma himangoka, abe gea o Moaba ma dolaka. Ho Una wihingahu o Musaika wato,

Gegetongo 36:13

De hokogea Ma Jou o Yawe ai huhuloko de ai hiaturu ma demo abe wihidoaka o Musaika la una wadofanga o Isiraele ma nyawa mata-mataika. Abe ma oraha gea de ona ka yomahidodogumohi o Moaba ma dolaka de o Yorodani ma akere ma datekoka. De gea manga dodogumu ma ngi duru o Yeriko ma kota ma himangoka.

Higalioli 3:8

“Ho ma oraha gea de ngone homahitongone o Amori ma nyawa manga koano yahinooto manga tonaka. Abe manga tonaka gea imanoa o Yorodani ma akere ma honongaka abe o wange ma hiwariha idateke. De gea ma tonaka abe o Arono ma akeroka ka hiadono dau o Heromono ma lokuku.”

Higalioli 34:1

O Isiraele ma nyawa o Musa wahiowa ibooto de ko itedekanua de o Musa ona wanoa o Moaba ma tonaka ma dolaka de una womatengo dika woiki wodoa o belaka ma doku abe ma tubu moi ma romanga o Nebo ma loku de genangiye wodoa o Musa. De nagali ma tubu moioli ma romanga o Pisaga de genangiye o Musa wogila-gila wodoa ka hiadono o Pisaga ma tubuiye womahiadonoka. De o Pisaga ma tubu imarihimanga de o kota o Yeriko abe doka o Yorodani ma akere ma honongaka o Kanani ma tonakoka. De o Musa dakenangoka waiye de Ma Jou wihidumutu unangika o tonaka gea mata-mataika. Ho ngaro ma tonaka ma dobiki abe ma digi-digino abe ihiromanga o Gileada ma tonaka ka hiadono ma dobikuku abe ahao idadi o Daana ai totoforauku manga tonaka masara gea mata-mataika o Musa wamake.

Higalioli 34:8

Ka de o Isiraele ma nyawa iwihioriki abe o Musa igoungu wohonengoka de ona duru kahumutaigarika hiadono o Musa iwigari manga dekana manga wange moruange o Moaba ma tonaka ma dolaka gea.

Yosua 3:16

o Yorodani ma akere itoaka! Dina ma gurutiha abe genangoka o ngi moi ma romanga o Adama, de genangino itoaka ma akere abe ma tonaka genangoka ihiromanga o Saratana. Ho o Yorodani ma akere genangoka de ihahuru ka imahidataoko hiadono igila-gilaoko daioko. Ho jai-jai dika de ko ihahurokokaua o Gahi ma Honengoko, de abeika manga dodobongino iowahoka! Ho o Isiraele ma nyawa ka idadi yogila-gila yomahihora doka o Yorodani ma akere ma honongaika abe doka manga himangoka ko ikurutikakaua naga genangoka o Yeriko ma kota.