Gegetongo 21:5 - Ma Jou ai Demo-demo o Totobelohoka

⁵ De angamoi yokangela manga dodagi ma gurutinoka de manga ngomaha yodudungu de manga inomo o mana dika ho hiadono yomulaengoli iwihigurubungu Ma Jouika de o Musaikaoo. Ho yotemo o Musaika ato, “Adodoa ho ngona nomihihupu o Mesiirino? Marai nomiao o tonaka ma kakaahaino naa la mikokihonenge dika e? O akere nenangoka ma ko iwa, de o inomo ka o mana dika de duru miodebeturoka hiadono miaemono o inomika gea.” Hokogea ihigurubungu Ma Jou ai hidailakoika.

Gegetongo 21:5 Iomraidhean Croise

Huhupu 14:11

De yomulaengoo iwingamo o Musaika ho de manga gurubungu ma demo o Musaika ato, “Naa ngona ma titi hiadono ngomi miboditoka! Ho, o kia ma titi hiadono ngona nomiao nenangoka? Marai nato bote ko imiwedonua o lungunu ma ngi o Mesiiroka? De nomiribuutu misobo ma titi o kia?

Huhupu 15:24

De ahao o Isiraele ma nyawa gea duru yohuha hiadono duru iwihigurubungu o Musaika ato, “Ho naa done ngone ka o kia haokere?”

Huhupu 16:15

Ho de o Isiraele ma nyawa yamake gea de ko ihiorikua o wani o kia gea hiadono yomakokeleha ato, “O mana?” Abe de to ona manga demo ma titi, “Ka o wani o kia naa?” De o Musa wahingahu onangika wato, “Gea ena Ma Jou wonahidoaka to ngone nanga inomo.

Huhupu 16:31

De manga inomo gea o Isiraele ma nyawa ihiromanga o mana angamoi ko ma moiuahi yamake ho ko ihiorikua ena o wani o kia. De o mana gea iarehe hoka o baru ma ketoko de imutiti hoka o roti abe naga de ma hisapuru o ofungu ma gula.

Gegetongo 11:20

Ngini ahao kiani niaolomo o roehe o mede moi ma dekanino ka hiadono ma roehe gea nialahiroo ma ko idadiokaua de ka de nialahiri de initaamika de nihingunanga. Hokogea nia inomo o roehe tinihidoaka angamoi Ngohi naa Ma Jou o Yawe abe nihioluku. Ngohi naa abe tinihihupu o Mesiiri ma tonakino de togogere duru ti ngini nia hidogoronaka masara ngini ka nikurubungohi niato, “Ngomi mimatoduba o Mesiiri ma tonaka mianoaka. Ka de ngini nitemo hokogea de duru imaketero hoka nihioluku Ngohino!”’ Hokogea Musa kiani nahingahu onangika.”

Gegetongo 16:41

Masara ma dawangeino dika de o Isiraele ma nyawa manga doomu ma amokika ona yomulaenge yahigurubungoli o Musa de o Harunika hiadono yahingahu manga himangika ato, “Ngini inihinooto abe duru niatomaka Ma Jou o Yawe ai nyawa!”

Gegetongo 17:12

Ho mata-mata gea ibooto de ahao o Isiraele ma nyawa yoari yomahingahu o Musaika ato, “Ngomi naa imaketero hoka mikokihonengoka! Duru imaketero de ngomi imihihangoka de marai ka hiadono ngomi mata-mataika miboditoka!

1 Korintusu 10:9

De ngone ufa hataili nanga Baluhu idodutu ai dora ngoneino abe ma titi ka de hahowono Unangika de hidimoaka hato Una gea ko wonahohowonua. Abe gea imaketero hoka ona utu ma dihira gea iwitaili. Abe ona iwitaili Ma Jou de ahao Una wahibinaaha ona gea de o dodiha.