Gegetongo 20:2 - Ma Jou ai Demo-demo o Totobelohoka2 De ma oraha ona ka yogogerohi o Kadesoka gea, de ko iwaka manga akere manga doomu ma amokika. De ma titi gea hiadono o nyawa manga ngoe ato ko yaniikokaua o Musa de o Harunu ho yoiki onangika de yomatoomuino onangoka. Faic an caibideil |
Gegetongo 20:2
14 Iomraidhean Croise
“Musa, Ngohi toihenoka o Isiraele ai totoforauku manga gurubungu ma demo gea. Ho naa ngona nahingahu onangika ahi demo naa, nato, ‘Ngini bootino o wange ilobioka de ahao niamake o roehe de gea ena ka idadi niaolomo. De ahao itebini o ngoru-ngoruminoli niamake o roti abe ka idadi niaolomo hiadono ka idadi inikokipunuhoka. Hokogea Ngohi Ma Jou tomahitaana nginika abe Ngohi naa Ma Jou o Yawe ti ngini nia Jou.’ Ho ngona Musa kiani ahi demo gea nahingahu onangika.”
De ahao o ngorumino de ngini niakokimake Ma Jou o Yawe ai medebini ma dararono abe wonahimatoko ngoneino. Ngini nimihigurubungu ngomino masara ngini o wange naa nenangoka ko ma titiua ngomioka de aino. Ho igoungu nia gurubungu ma demo ma dumutu Ma Jou o Yaweika angamoi gea Una winiao nenangino de nia gurubungu ma demo gea woihene.
De manga gari ma ilingi ihailiye hiadono idadi o gurubungu ma demo ma amoko o Musa de o Harunika. Abe ona yotemo ato, “Koaho ngomi ma dihiraino de mihonenge o Mesiiroka la ufa ma kangela naa imiohana! De ngaro o tonaka ma kakaahaka naa de mikokihonenge ma enangohi irahai de nako miwohama o Kanani ma tonakika gea!
Ho ufa ngone naa hilawana Ma Jou o Yaweika! De ngaro o nyawa gea ko manga lago-agomo de ko manga bobuturungu ma tonakoka gea, masara Ma Jou o Yawe ka ihikaika naga ngoneoka ho ufa ngone hamodongo onangika. Abe ona gea ahao yatomomonoka de ko yakunua yomaduhunu abe ma oraha hangohama manga tonakika. De Ma Jou wonaduhunu ka hiadono manga dadatoko imaketero hoka ko iwaka ho ufa ngone hamodongo onangika!” Hokogea o Yosua de o Kalebe manga domoroini ma demo.
Ho o Kora wohiaturu la iwinii-niiki mata-mata yongodumu la genangoka yalawana o Musa de o Harunika o Hikamake ma Tau ma himangoka. De mangale o Kora wahigaro o Isiraele ma nyawa mata-mataika la iwilawana o Musaika hiadono onangoo ko manga ngoe yoboa de yomahitigika Ma Jou ai Tau o Ngoerino. Ona yomatoomuino Ma Jou ai Tau ma ngorana ma himangoka la onangoo yomanguningi abe hokokia ahao idadi genangoka. Ho ona mata-mata gea naga genangoka de ahao Ma Jou o Yawe womahimatoko ai medebini ma dararono la hiadono ona mata-mataika ka idadi yamake abe Unangoo naga genangoka.
Ho o Kora, de o Datana, de o Abirama, de o Ono, de o Isiraeloka manga hihira yaratuhu hinooto de yamoritoa, gea ona mata-mata yokokiloiki yatutumu o Musa de o Harunika. De yahingahu onangika ato, “Ngini ma dihiraino nimihipareta masara naa ti ngini nia pareta ma kuaha ma hiaturu duru niatilakuroka! Abeika Ma Jou o Yawe wonairiki ngone o Isiraele ma nyawa mata-mataika la wonahidadi to Una ai nyawa abe duru womadingakoka Unangino. Ho Una naga to ngone nanga hidogoronaka de ko moiua ngoneoka abe ko womadingakua. Ho done sarakia de ngini ka inihinooto dika de niato ka ti nginiohi nia gogere ikurutiye Ma Jou o Yawe ai himangoka?” Hokogea manga ngamo ma demo o Musa de o Harunika.
De ona yodogo-dogo yomatoomuino la ato yomarihimanga de o Musa de o Harunu de manga lawana ma demo. Masara naga abe idadi hiadono yomalega manga gumurukika de manga dumutu Ma Jou ai Tau o Ngoerino angamoi genangoka o lobi ma lou iutioli hiadono yatamunu ma tau de Ma Jou o Yawe ai medebini ma dararono womahimatoko o lobi ma goronaka.
De angamoi yokangela manga dodagi ma gurutinoka de manga ngomaha yodudungu de manga inomo o mana dika ho hiadono yomulaengoli iwihigurubungu Ma Jouika de o Musaikaoo. Ho yotemo o Musaika ato, “Adodoa ho ngona nomihihupu o Mesiirino? Marai nomiao o tonaka ma kakaahaino naa la mikokihonenge dika e? O akere nenangoka ma ko iwa, de o inomo ka o mana dika de duru miodebeturoka hiadono miaemono o inomika gea.” Hokogea ihigurubungu Ma Jou ai hidailakoika.
Sanasan