Gegetongo 17:7 - Ma Jou ai Demo-demo o Totobelohoka

⁷ De ahao o Musa wao ma tutukunu ngimoi de hinooto gea hiadono Ma Jou o Yawe ai himangika ai Tau o Ngoerino ma goronaka. De genangoka wakelenga ma tutukunu mata-mata o Behehongo ma Peti ma himangoka hoka Ma Jou o Yawe wihibehehongo unangika.

Gegetongo 17:7 Iomraidhean Croise

Gegetongo 14:10

Masara o Isiraele manga doomu ma amokika yomakoketemo ato, “To ona manga demo ngaro ufa dika de hohigihene abe utuohi irahai hahohowono onangika! Kiani o Kalebe de o Yosua hakokihakaru ka hiadono ona yokokihonenge!” Hokogea ka yomahiketehigarohi de duru ka itodokanino ona yatodokana de o dararono ma amoko. Abe Ma Jou o Yawe wohimatoko ai medebini ma dararono ai Tau o Ngoeroka abe ihiromanga o Hikamake ma Tau. De hokogea ma amoko ai dararono hiadono o Isiraele ma nyawa mata-mataika ka idadi yamake.

Gegetongo 17:4

De ahao manga tutukunu ngimoi de hinooto gea ngona Musa, nao ka ma moi o Hikamake ma Tau o Ngoerino ma goronaika de nakelenga o Behehongo ma Peti ma himangoka abe biaha genangoka ngona de Ngohi homakoketemo.

Gegetongo 17:6

Ho o Musa wahingahu o Isiraele ma nyawaika abe hokokia manga dodunguu ma tutukunu yomahidiai. Ho manga hihira manga tutukunu ihidiaioka de ahao ona o dutu yangimoi de yahinooto gea yoboa de iwihidoaka o Musaika manga tutukunu homoi-homoiika. Ho o Harunoo ai tutukunu waoino de wihidoaka o Musaika.

Hidingoto 7:44

De o Setefanusu wogila-gila wotemo wato, “De igoungu abe ma oraha nanga totofora yomanoa o tonaka ma kakaahaka de naga onangoka Ma Jou ai Tau o Ngoerino abe doka ma goronaka de naga to Una ai Pareta abe wahibehehongo onangika. De ma oraha yodiai ai Tau o ngoerino gea de duru yaniiki itiai Ma Jou ai hidumutu ma demo abe wihimatokoka o Musaika la ihioriki hokokia ma tau gea ihigoko.