Gegetongo 16:4 - Ma Jou ai Demo-demo o Totobelohoka

⁴ Ka de o Musa woihene manga demo gea de womangumo o tonakuku womamotumuku womaniata.

Gegetongo 16:4 Iomraidhean Croise

Gegetongo 14:5

De ahao o Musa de o Harunu duru yomamotumuku o tonakoka o Isiraele ma nyawa manga doomu ma himangoka.

Gegetongo 16:22

Masara o Musa de o Harunu duru yomangumo yomamotumuku o tonakoka de duru manga gogianongoru gea yagahoko Ma Jouika ato, “Ma Jou, o wowango mata-mata ihititi Ngonaka de aino ho o nyawa mata-mataika manga nyawa to Ngona. Ho done sarakia Ngona nato nangamo ona mata-mataika naa ma titi womatengo dika ai howono?” Hokogea manga niniata ma demo.

Gegetongo 16:45

“Musa, kiani ngona de o Harunu nimataiti nimatitokoka o nyawa mata-mataino gea! Ngohi naa tato ka itodokanino dika de tahibinaahaka ona mata-mata ka ma moi.” Hokogea Ma Jou wohuloko masara o Musa de o Harunu ko yoarua. Ona duru yomangumo o tonakuku de yomamotumuku yomaniata.

Gegetongo 16:5

Ka de womaokoinoli de wahidetemo o Koraika de onangika abe o Kora iwinii-niiki, wato, “Itebini o ngorumino de ahao Ma Jou o Yawe wonahidumutu ngoneino la hahioriki ona gea abe wato ona duru to Una ai nyawa. De Ma Jou wihidumutoli onaguna abe duru unangohi womadingakoka abe ka una dika ka idadi woboa womahitobahitigi Unangika. Ho womatengo gea abe wiirikoka ahao una ka idadi ngini niwikokimake ma oraha Ma Jou o Yawe wihiboa ai himangino.

Gegetongo 20:6

De o Musa de o Harunu yosobo o nyawa manga himangoka de yoiki Ma Jou ai Tau o Ngoerino. Ho ka de yomahiadono o Hikamake ma Tau ma ngoranika gea de yomamotumuku de yomahuba Ma Jouika. De gea Ma Jou o Yawe ai medebini ma dararono womahimatoko ona yahinootoika gea.

Yosua 7:6

De ma oraha yomahiadonino o Isiraele ma nyawa manga ngiino de o Yosua woihene abe idadi kangano de duru wohuha. De ahao una de o Isiraele manga baluhu yoiki Ma Jou o Yawe ai Behehongo ma Petika de genangoka manga pakeanga yakakihi de yomaoku-okutuku de o tonaka ma kafo manga mumukuku la ihitunguu manga hininga ma huha. De yomakokimotumuku o tonakoka Ma Jou o Yawe ai Behehongo ma Peti ma himangoka. De genangoka yomamotumuku ka hiadono yofutu.