Gegetongo 16:22 - Ma Jou ai Demo-demo o Totobelohoka

²² Masara o Musa de o Harunu duru yomangumo yomamotumuku o tonakoka de duru manga gogianongoru gea yagahoko Ma Jouika ato, “Ma Jou, o wowango mata-mata ihititi Ngonaka de aino ho o nyawa mata-mataika manga nyawa to Ngona. Ho done sarakia Ngona nato nangamo ona mata-mataika naa ma titi womatengo dika ai howono?” Hokogea manga niniata ma demo.

Gegetongo 16:22 Iomraidhean Croise

Dodadi 18:32

De ahao duru o Abarahaama womahilooa Ma Jouika wato, “Ahi Jou duru togahokoli la ufa nohingamo ngohino, ma togahoko nohihigunoali la tonilehali de ahi leleha ma baha naa. Done namake ona genangoka abe manga datoro itotiai yangimoi dika?” De Ma Jou wipaluhu imaketero hoka kanganoli wato, “Nako Ngohi tamake yangimoi o Sodomo ma kotaka abe manga datoro itiai de ahao o kota gea ko tohibinaahauali.”

Yesaya 57:16

Angamoi Ngohi naa ahi ngamo nginika ko ihikaikaua itagi, de ahi dadae ma demo nginika naga de ma batingoka. Abe nako hoka ko iwa ahi ngamo ma batingi, gea de ahao o nyawa manga womaha ka ikokitoaka dika, de ona mata-mata tatulaadauku manga womaha agorakoka.”

Gogao 4:3

“De hokonaa ma hiaturu nako una wahowono abe ti ngini nia hidemo manga haeke wokokurutiye abe ka unangohi iwihitunguuoka hokogea de wabaluhu o hidemo mata-mataino. Nako una gea wahowono, gea to una ai howono yakokidaene o Isiraele ma nyawa mata-mataika. Ho unangoo kiani wao Ngohi Ma Jou o Yaweino ai huhuba o hapi ma nauru ma baluhu abe ko iwa ma heluku eko ma nabo la idadi to una o hidemo wokurutiye ai huhuba Ngohino.

Gegetongo 14:5

De ahao o Musa de o Harunu duru yomamotumuku o tonakoka o Isiraele ma nyawa manga doomu ma himangoka.

Gegetongo 16:23

De ahao Ma Jou o Yawe wipaluhu o Musaika, wato,

Gegetongo 16:4

Ka de o Musa woihene manga demo gea de womangumo o tonakuku womamotumuku womaniata.

Gegetongo 16:45

“Musa, kiani ngona de o Harunu nimataiti nimatitokoka o nyawa mata-mataino gea! Ngohi naa tato ka itodokanino dika de tahibinaahaka ona mata-mata ka ma moi.” Hokogea Ma Jou wohuloko masara o Musa de o Harunu ko yoarua. Ona duru yomangumo o tonakuku de yomamotumuku yomaniata.

Gegetongo 27:16

“Ngona Ma Jou o Yawe, duru tonganono ahi duruuru naga. Ngona Ma Jou abe o nyawa nakokitulaada ho Ngona ka idadi womatengoli niiriki abe ka idadi nihitagongo la unangoli wahihira-hira ani nyawa manga doomuoka naa.

Roma 5:18

De abe imaketero hoka ma dodihiraka de o Adama wahowonoka de ma titi ai howono ihira-hiraino gea de ngone o nyawa mata-mata nanga hohowono inadaene, hokogenangoo de o Yesusu ai datoro moiino de naga ma hofoko inadaene ngone mata-mataino. Abe nako ma oraha o Yesusu wohonenge o gotaka, gea ai datoro ma totiai moiino dika de hiadono ngone mata-mata ka idadi Ma Jou wonahihohe nanga hohowonino la howango ka hiado-adonika.

1 Korintusu 13:7

De abe o nyawa de manga doraka, ona ngaro hokokia dika o nyawa yahikangela onangika ma, ko yomahibalahua. Abe ngaro moi hokokia dika ma manga ngongaku nagahi, de ka yomahinganonohi Ma Jouika, de manga dongohono ko ihihangua ngaro hokokia dika naga iboa. Hokogea o dora ma hofoko.

Ibarani 12:9

De ngaro to ngone homoi-homoi nanga baba o duniaka naa, ma onangoo inadotoko ngoneino, de gea hahoromati onangika. Ho gea nako ka idadi hahoromati nanga babaika o duniaka naa, hongoli kiani Unangikahi hihoromati de hihingounu nanga Baba o Horogaka la gea duru howango irahai Unangoka.