Gegetongo 16:13 - Ma Jou ai Demo-demo o Totobelohoka

¹³ Marai ngona nato o kiali nodiai ngomino? Marai ngona ko iniwedonuahi nomihikangela ngomino e? Abeika mia kangela ma ngoeoka ma titi ngona nomihihupu o Mesiiri ma tonakino abe genangoka ma joro duru ikutufuru ho nanga inomo duru kohaamoko. Masara ngona! Ngona nato nomiao o tonaka ma kakaahaino naa la ka idadi nomihohonenge nenangoka. De naa nato nomihipareta de ma buturungu hiadono nomihulo-huloko hokonaa.

Gegetongo 16:13 Iomraidhean Croise

Huhupu 1:11

Hokogea o Firaunu ai demo ai poparetaika. De ahao ona yomulaenge yomahikaaturu de yahikarajaanga o Isiraele ma nyawaika. De duru de ma dubuho yahipareta onangika abe yaribuutu yahikarajaanga hiadono yahidadi manga huhuloko ma ko iwa manga hewa. Ho hiadono o Isiraele ma nyawa kiani o Firaunu ai kota hinooto iwidiai la genangoka ai kiahonanga ma gogogono. O kota hinooto gea ma romanga o Pitomo de o Ramese.

Huhupu 1:22

De ahao o Firaunu wahuloko ai kokawaahaika wato, “O nauru mata-mata yomaboa o Ibarani ma nyawaino kiani niaoraino de niaumo o Nili ma akeruku! Ma nako manga ngofa-ngofaka o ngofeka mata-mata nianoaika la yowangohi.” Hokogea o Firaunu ai huhuloko.

Huhupu 16:3

Ho manga hininga imulaenge itipoko de yokurubungu ato, “Adodoa ho ngini nimiao nenangino? Nako Ma Jou o Yawe woigo womihohonenge koaho ka o Mesiirokahi dika de womihohonengoka. Angamoi doka o Mesiiroka miakelengauku mia hidogoronaka o bohoko aoma-omangiye de o aewani ma roehe de naga o roti ho miolomo ka hiadono duru imipunuhoka. Masara abeika nenangoka abe nimiaoino, o kiaka nanga inomo? Ngini nimiao nenangino la ngomi mata-mata mikokihonenge ma titi o hafini.” Hokogea yahigurubungu o Musa de o Harunika.

Huhupu 17:3

Masara manga ngomaha yodudunguholi ho ka ihikaika yokurubungu ato, “Adodoa ho ngona nomihihupu o Mesiiri ma tonakino? Ngona duru itorou nomiao nenangino naa. Marai mihonenge ngomi de mia ngofa-ngofaka de mia aewanioo ka ma moi mikokihonenge nenangoka!” Hokogea manga gurubungu ma demo o Musaika.

Huhupu 2:14

De o nyawa gea wipaluhu o Musaika wato, “Ngona naa, onagona inigoraka hiadono inihidadi mia baluhu de nato ka idadi nomihohowono hiadono naa nohitaere ngohi? De marai nato ngohioli nohitoma, hoka o Mesiiri ma nyawa gea kanugono nitomaka.” Ka de ai demo gea o Musa woihene de doka ai hiningaka womatemo wato, “Ei, marai o nyawa ihihiorikoka gea todiaioka.” De genangoka de wohawanoka.

Huhupu 2:23

Ho de o taongo muruono ipopahaika ma dekana de o Mesiiroka manga koano o Firaunu una gea wohonengoka. Masara o Isiraele ai totoforauku gea ka yaribuutuohi yahikarajaanga hiadono ikiriakaholi ona ihigogururihi ma titi manga kangela ko yapoaua ma dubuho. De ona ka ihikaika o duduhunu yomagahoko Ma Jouiye.

Gegetongo 11:20

Ngini ahao kiani niaolomo o roehe o mede moi ma dekanino ka hiadono ma roehe gea nialahiroo ma ko idadiokaua de ka de nialahiri de initaamika de nihingunanga. Hokogea nia inomo o roehe tinihidoaka angamoi Ngohi naa Ma Jou o Yawe abe nihioluku. Ngohi naa abe tinihihupu o Mesiiri ma tonakino de togogere duru ti ngini nia hidogoronaka masara ngini ka nikurubungohi niato, “Ngomi mimatoduba o Mesiiri ma tonaka mianoaka. Ka de ngini nitemo hokogea de duru imaketero hoka nihioluku Ngohino!”’ Hokogea Musa kiani nahingahu onangika.”

Gegetongo 11:4

De ahao naga o nyawa yomulaengoli yokurubungoli. De gea imulaenge o homoa ma nyawaka abe naga o homoa ma nyawa yorupa-rupa abe yomadionikika o Isiraele ma nyawa manga doomuika. Ona gea duru yohafini o inomo ma rahai abe ma dihira iwoe o Mesiiri ma tonakoka hiadono o Isiraele ma nyawaika imahora-hora manga hafini. De onangoo yokurubungu ato, “Iti ngone naga o roehe haolomo!

Gegetongo 11:5

Ei, de nako ngone o Mesiiroka ma nawoko gea ena ka haolomo abe ngaro ufa dika de hofangu masara holomo dika ka hiadono inapunuhu. De naga o timu, de o hamaaka, de o bawanga ma doka-dokara, de o bawanga ma gare-garehe, de o bawanga ma ago-agomo ho duru nanga hafini itagi ma inomika gea.

Gegetongo 13:27

De hokonaa yoade-ade onangika, ato, “Ngomi mimahiadono ma tonakika abe ngini nimihidingoto la miatailako de igoungu o tonaka gea irahai abe ma joro duru ikutufuru genangoka ho duru kohaamoko ma hasili. Abeika ma hofoko miaoino naa abe duru imihitaana miagou-goungu!

Gegetongo 14:2

De manga gari ma ilingi ihailiye hiadono idadi o gurubungu ma demo ma amoko o Musa de o Harunika. Abe ona yotemo ato, “Koaho ngomi ma dihiraino de mihonenge o Mesiiroka la ufa ma kangela naa imiohana! De ngaro o tonaka ma kakaahaka naa de mikokihonenge ma enangohi irahai de nako miwohama o Kanani ma tonakika gea!

Gegetongo 14:3

Ho adodoa ho Ma Jou o Yawe womihiboa o tonakino naa? Gea woigo la womihohonenge dika o parangi ma goronaka, eko sarakia Musa? Done ahao nanga musu yolaku de yataoko to ngone nanga feka-fekata de nanga ngofa-ngofaka ato ona yodadioka to ona manga parangi ma hasilino ho yao de yahidadi manga huhuloko! Ho naa, Musa, ibootoka! Kiani ngone holio dika nanga poretika ka hiadono o Mesiiri ma tonakika homahiadonoka!” Hokogea manga gurubungu ma demo o Musa de o Harunika.

Gegetongo 16:12

De ahao o Musa wato kiani wataere o Rubene ma nyawaikaoo abe ona o Kora iwinii-niiki ho o Datana de o Abirama wabehehongo la yoboa unangino masara manga demo dika ihidingoto la yadofanga o Musaika ato, “Ngomi duru mioluku miboa ngonaika Musa!

Lukasa 19:14

“Hokogea wahibehehongo de ahao una wosoboka. Masara to una ai kokawaaha ona gea iwidohata unangika, ho yahidingoto manga nyawa yamuruono naga la onangoo yomataiti yoiki ma kokoano manga koano wokokurutiyeika gea. Ho ona iwiadono de yomagahoko ato, ‘Ngomi naa abe migogere mia tonakoka duru ko mioigoua la una gea nihidadi to ngomi mia koano, angamoi tanu koaho ufa una womihikoano ngomi.’”

Hidingoto 7:35

Ho una gea abe ma dihiraino de ai gogianongoru iwioluku unangika, duru una gea abe Ma Jou wihidingotoli ma oraha naa. Abe ma dihiraino gea de ai gogianongoru iwitaere o Musaika ato, ‘Ngomi naa ko minigorakua la nodadi to ngomi mia hihira de ko mioigoua la ngona nomitailako de nomiurusu mia liliara naa!’ Ho gea Ma Jou wipake ai malaekata womatengoino la o Musa wihidingoto ai nyawaika. Abe ai malaekata gea womahimatoko o gota ma dodipokouku ma uku ma goronaino de o Musa wihidingoto la wodadi ai nyawa manga hihira de manga duduhunu abe manga kokangelaino.