Gegetongo 14:8 - Ma Jou ai Demo-demo o Totobelohoka

⁸ De nako Ma Jou o Yawe ai hininga isanangi ngoneino de ahao Una duru wonahidoaka o tonaka gea ngoneino. Abe Una ma hirete ahao wonahihira-hira ma oraha howohama ma tonakika gea abe o inomo duru kohangoe genangoka.

Gegetongo 14:8 Iomraidhean Croise

2 Samuele 22:20

de Una wohihihira-hira o dame ma ngiika, angamoi Una wohisanangi ngohino ho hiadono wohiduhunu.”

1 Kokoano 10:9

De Ma Jou o Yawe, abe to ngona ani Jou, Una duru wonisanangi ngonaika de wonihigogere o koano ma kaderaka la ngona wonipake ai nyawa nahipareta. De angamoi Ma Jou duru ka ihikaika wadora o Isiraele ma nyawaika hiadono Una wahiaturu de wonihidadi to ona manga koano la ngona nahikoano de o totiai de abe naurusu enangoo duru itiai.” Hokogea o ngo koano o Siebaino ami horomati de ami higiriiri ma demo o Saloomoika.

Higiriiri 22:8

De manga demo ko iwa ma horomati Ma Jou o Yaweika ato, “Sarakia, una naa abe duru womahinganono Ma Jou o Yaweika? Nako igoungu hokogea de abeika hinoaika dika genangoka! Abe nako itaana Ma Jou o Yawe igoungu duru widora unangika, Ahao una wodadi Ma Jou o Yawe ai tagongo. Ho abeika nako Ma Jou o Yawe woigo wihihupu ai kangelaino naa.” Hokogea manga hohedu ma demo.

Huhupu 3:8

Mangale gea, Ngohi o Horogaka de tauku touti la ona gea tahihupu o Mesiiri ma nyawa manga kuahaino. De ona tahihupuoka o Mesiirino de ahao Ngohi tao o tonaka moiikali abe duru ilamoko de ma joro duru ikutufuru genangoka. Ho manga inomo duru kohangoe ma tonakoka gea abe tahigogere genangoka. Naga o nyawa utu yogogere o tonakoka gea manga romanga o Kanani ma nyawa, de o Hete ma nyawa, de o Amori ma nyawa, de o Ferisi ma nyawa, de o Hewi ma nyawa, de o Yebusi ma nyawa.

Gegetongo 13:27

De hokonaa yoade-ade onangika, ato, “Ngomi mimahiadono ma tonakika abe ngini nimihidingoto la miatailako de igoungu o tonaka gea irahai abe ma joro duru ikutufuru genangoka ho duru kohaamoko ma hasili. Abeika ma hofoko miaoino naa abe duru imihitaana miagou-goungu!

Gegetongo 16:14

Ho naa moi miolukoka mininiiki angamoi ngona ko nomihingohamua o tonakika gea abe ma joro duru ikutufuru genangoka ho nanga inomo duru kohaamoko ma tonakoka gea. De o kiaka mia oara gea abe nomihibehehongoka nato ahao miamake o redi ma rorahai de o angguru ma redi kohangoe? De done ngona, Musa nomibudi hiadono ngomi ko mihioriki ma dugaua to ngona ani hininga ma dodagi ho marai ngomi o nau-nauru naa nomitoomuino la duga-duga nomielu-eluku dika ho ngomi miato ngaro nomibehehongo ma, ko miboakaua!” Hokogea o Datana de o Abirama manga dadae ma demo o Musaika.

Roma 8:31

De naa abeika honganonoli abe ma titi Ma Jou ai duduhunu kohaamoko de kohangoe abe ngoneino. De ai duduhunu gea mata-mata duru itaana abe Una ai hiningaka de duru wosanangi wonaduhunu ngone naa. De naa tonaleha, nako Ma Jou Una ma hirete wonatobaduhunu de ai hiowa gea mata-mata, done ka onagona yakunu inalawana de hiadono inahikala?