Gegetongo 14:2 - Ma Jou ai Demo-demo o Totobelohoka

² De manga gari ma ilingi ihailiye hiadono idadi o gurubungu ma demo ma amoko o Musa de o Harunika. Abe ona yotemo ato, “Koaho ngomi ma dihiraino de mihonenge o Mesiiroka la ufa ma kangela naa imiohana! De ngaro o tonaka ma kakaahaka naa de mikokihonenge ma enangohi irahai de nako miwohama o Kanani ma tonakika gea!

Gegetongo 14:2 Iomraidhean Croise

1 Kokoano 19:4

De o Elia ai hawana dika hiadono womatengoka ka hiadono o tonaka ma kakaahaika de wotagi-tagi ko womahiai-ainua o wange moiino ma dekana. De ahao o Elia wogogeruku o gota moi ma timiuku ma romanga o Babarihi. De genangoka womagahoko Ma Jouiye la wohonenge dika, wato, “Ngohi naa tomangaku Ngonaika Ma Jou o Yawe, ngohi naa duru ko tomatongohonokaua. Togahoko la Ngona nohihigunoa la ngohi tohonenge dika angamoi ahi totofora to ona manga wowango ma datoro de to ngohi ka imakadaene dika.” Hokogea o Elia ai daiana ma demo Ma Jouika.

Higiriiri 106:24

De ma oraha ona nagau o behehongo ma tonaka ma batingoka, De ona ko yomahinganonua Ma Jou ai buturungika de yoluku yowohama, Abe manga ngongaku ai behehongika ko yagou-goungua ho ka yoluku dika, Ona ko yowohamua angamoi yomafikiri Ma Jou ko wakunua wapaliara.

Higiriiri 106:25

De ona yokurubungu dika manga tau o ngoerino ma goronaka, De ko iwihingounua abe Ma Jou o Yawe ai ilingi yoluku ihigihene.

Higiriiri 106:45

De Ma Jou womahihohininga ai behehongika abe wahibehehongoka, Abe ma dihira wato, “Ngohi ahi nyawa tapaliara ka hiado-adonika,” Ho ai hohowono gea ko wohigila-gilaua angamoi ai dora onangika ko itoakua.

Huhupu 14:11

De yomulaengoo iwingamo o Musaika ho de manga gurubungu ma demo o Musaika ato, “Naa ngona ma titi hiadono ngomi miboditoka! Ho, o kia ma titi hiadono ngona nomiao nenangoka? Marai nato bote ko imiwedonua o lungunu ma ngi o Mesiiroka? De nomiribuutu misobo ma titi o kia?

Huhupu 15:24

De ahao o Isiraele ma nyawa gea duru yohuha hiadono duru iwihigurubungu o Musaika ato, “Ho naa done ngone ka o kia haokere?”

Huhupu 17:3

Masara manga ngomaha yodudunguholi ho ka ihikaika yokurubungu ato, “Adodoa ho ngona nomihihupu o Mesiiri ma tonakino? Ngona duru itorou nomiao nenangino naa. Marai mihonenge ngomi de mia ngofa-ngofaka de mia aewanioo ka ma moi mikokihonenge nenangoka!” Hokogea manga gurubungu ma demo o Musaika.

Yunusu 4:3

Ho o Yunusu wohidungonoka de wato, “Ho naa, Ma Jou o Yawe, nako hokogea naduhunu nanga musu, koaho ngohi tohonengoka la ibooto tohohininga abe naa naduhunoka onangika. Ngohi towango ko toigokaua, ho koaho tohonenge dika toigo.”

Yunusu 4:8

De ahao o wange ma gurutiyeoka de Ma Jou wohiboaino o hidaloko abe o wange ma hiwariha italoko ho o wange duru kohahauku. De o Yunusu iwidahauku hiadono ai hininga ihihihanga ho duru woigo la wohonenge dika hiadono womatemo wato, “Nako ka towango-wangohi eko tohonenge, ngohi tato koaho tohonenge dika.”

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 11:15

Nako ka ihikaika hokonaa dika Ngona nohihidogunoaika ahi kangela ma goronaka de toigo dika Ngona nohihohonenge la ibooto ahi huha naa.” Hokogea o Musa ai hininga ma huha womahingahu Ma Jou o Yaweika.

Gegetongo 11:5

Ei, de nako ngone o Mesiiroka ma nawoko gea ena ka haolomo abe ngaro ufa dika de hofangu masara holomo dika ka hiadono inapunuhu. De naga o timu, de o hamaaka, de o bawanga ma doka-dokara, de o bawanga ma gare-garehe, de o bawanga ma ago-agomo ho duru nanga hafini itagi ma inomika gea.

Gegetongo 14:1

Ona gea yatailako o Kanani ma tonaka yolio manga nyawaika de naga yangimoi ko yotogu-togumua yaade-ade manga gogianongoruika de o hihawana ma demo. Ka de hokogea yoihene manga hidimono yangimoiino manga demo de o Isiraele ma nyawa manga doomu ma amokika duru manga hininga ma huha hiadono o futu gea yoari ihiboa-boaka ka hiadono yahidetebiniye.

Gegetongo 14:22

De Ngohi naa tagou-goungu, ona gea ko yowohamokaua o behehongo ma tonakika gea! Abe ona ihingamo Ngohino hiadono duru yoluku yowohama ma tonakika abe tahibehehongoka, ho ona gea ko moiua yowohama o tonakika gea abe yaolukoka! De ona gea ma dekanoka ihihioriki abe Ngohi naga ahi dararono ma goronaka de tomanoa nginioka. De to Ngohi ahi dodunguu onangoo yamake ahi heherangino abe ma oraha ka yogogerohi o Mesiiri ma tonakoka de ma oraha yotagi-tagi o tonaka ma kakaahaika naa. Masara ona ka ihikaika ihitaili Ngohino abe yoluku ihigihene ahi demoika. Igoungu manga totoforaika tahibehehongoka tato ma tonaka gea tahidoaka onangika masara ma oraha naa Ngohi tato ngaro de manga lako dika ma, ko yamakeokaua o behehongo ma tonaka gea. O nyawa moioo de ko iwa onangoka abe Ngohi ka tahigunoahi la yowohama o tonakika gea, angamoi ona gea ihiemono Ngohino. Ho naa ona ko yamakeuali.

Gegetongo 16:13

Marai ngona nato o kiali nodiai ngomino? Marai ngona ko iniwedonuahi nomihikangela ngomino e? Abeika mia kangela ma ngoeoka ma titi ngona nomihihupu o Mesiiri ma tonakino abe genangoka ma joro duru ikutufuru ho nanga inomo duru kohaamoko. Masara ngona! Ngona nato nomiao o tonaka ma kakaahaino naa la ka idadi nomihohonenge nenangoka. De naa nato nomihipareta de ma buturungu hiadono nomihulo-huloko hokonaa.

Gegetongo 16:41

Masara ma dawangeino dika de o Isiraele ma nyawa manga doomu ma amokika ona yomulaenge yahigurubungoli o Musa de o Harunika hiadono yahingahu manga himangika ato, “Ngini inihinooto abe duru niatomaka Ma Jou o Yawe ai nyawa!”

Gegetongo 17:6

Ho o Musa wahingahu o Isiraele ma nyawaika abe hokokia manga dodunguu ma tutukunu yomahidiai. Ho manga hihira manga tutukunu ihidiaioka de ahao ona o dutu yangimoi de yahinooto gea yoboa de iwihidoaka o Musaika manga tutukunu homoi-homoiika. Ho o Harunoo ai tutukunu waoino de wihidoaka o Musaika.

Gegetongo 20:2

De ma oraha ona ka yogogerohi o Kadesoka gea, de ko iwaka manga akere manga doomu ma amokika. De ma titi gea hiadono o nyawa manga ngoe ato ko yaniikokaua o Musa de o Harunu ho yoiki onangika de yomatoomuino onangoka.

Gegetongo 20:3

De gea ona o Musa iwihigurubungoli ato, “Koaho ma dihira gea de ngomi mihonengoka dika Ma Jou o Yawe ai himangoka hoka mia gogianongoruoli abe ka itodokanino de Ma Jou wahipoha de o hone-honenge hiadono yohonengoka.

Gegetongo 20:4

Ngone naa Ma Jou o Yawe wonahidadi to Una ai nyawa ho adodoa ho ngona nomiao o tonaka ma kakaahaino nenanga la ahao ngone de nanga aewani ka ma moi hokokihonenge nenangoka?

Gegetongo 21:5

De angamoi yokangela manga dodagi ma gurutinoka de manga ngomaha yodudungu de manga inomo o mana dika ho hiadono yomulaengoli iwihigurubungu Ma Jouika de o Musaikaoo. Ho yotemo o Musaika ato, “Adodoa ho ngona nomihihupu o Mesiirino? Marai nomiao o tonaka ma kakaahaino naa la mikokihonenge dika e? O akere nenangoka ma ko iwa, de o inomo ka o mana dika de duru miodebeturoka hiadono miaemono o inomika gea.” Hokogea ihigurubungu Ma Jou ai hidailakoika.

1 Korintusu 10:10

De ufa ngone hihidemo abe imaketero hoka ona gea utu ma dihira iwihidemo, de ona gea Ma Jou wahibinaaha de ai malaekata womatengo abe iwihiromanga o hone-honenge ma malaekata.

Higalioli 1:27

De ma oraha gea ngini ka nimagoo-gogere dika nia hijai-jai ma tauoka de niwihigurubungu Unangika. Abe nia gurubungu ma demoino de ngini niato, ‘Maraioka nanga Jou duru wonadohata ngone. Angamoi Una bote wonahihupu o Mesiiroka de aino la ka idadi wonahidoaka dika o Amori ma nyawaika, la ona ahao inahibinaaha dika!

Ibarani 3:16

De naa tonaleha gea onagona honanga abe ma dodihiraino yoihenoka ai hingahu ma demoino masara ka iwilawa-lawanohi Ma Jouika? De mode ona gea abe o Musa wahihira-hira de wahihupu o Mesiiri ma tonakoka de aino de ona gea iwilawana Ma Jouika? Igoungu, ona gea. Abe ona ko o homoaua ma nyawa, masara gea Ma Jou ai nyawa ma hirete abe ma dodihiraino iwinii-niiki Unangika masara ma bahauku de ona yorehenoka ai demoino.

Yudasa 1:16

De ma demo gea duru yahitaana de ona gea abe yomahisapuru nginika, angamoi ona ka ihikaika yokurubungu de yabobeto o nyawaika, de abe manga wowangoka yatobaniiki to ona ma hirete manga badanga ma hafini. De nako manga uruoka ona duru yomagorakiye ona ma hirete, de nagali abe ona yahigiriiri o nyawa utuika de manga demo ma ilingi ma mutiti la ato ma utumu yomamake onangino gea. Ho gea to Henoko ai demo ma dodihiraino duru yahitaana onangika abe ma titi to ona manga hohowono hokokia ahao yamake Ma Jouoka de aino.