Gegetongo 14:11 - Ma Jou ai Demo-demo o Totobelohoka11 De Ma Jou o Yawe witemo o Musaika wato, “Abeika ona naa hoka ihiemono Ngohino hiadono duru ko ihihigihenua e? Kohangoe ahi heheranga todiai manga himangoka masara ko ihingakuahi Ngohino. Done sarakia ma dekanohi hokonaa manga lawana? Faic an caibideil |
Gegetongo 14:11
29 Iomraidhean Croise
Ho o Musa de o Harunu yoikoli o Firaunu ai tauika la iwitemoli ato, “Mia koano, Ma Jou o Yawe abe o Ibarani ma nyawa manga Jou, hokonaa wonileha ngonaika wato, ‘Muruonoka de ngona nahigunoa ahi nyawa yohupu o Mesiiri ma tonakino la ka idadi yomahuba Ngohiye? Ngona kiani nomahitipokouku ahi himangoka la ibootohi nohilawana Ngohi Ma Jou o Yaweino.
“Ei, ngini initotopongonoka ma totiaiika! De abeika nginioo abe duru nitobahohedu, hokokia ma dekanohi niatobahohedu o nyawaika la nia sosanangi niamake o hohedu ma demoino dika? Ho muruonoka de nitoba nia hohedu ma demoino gea? De hokokia ma dekanohi nia hininga ma lawana itagi o tobahiorikika ho hiadono ngohi o ngo Sosawaro ahi dodotoko niaoluku? Marai ngini duru ka niosanangi dika nigogere nia bodo ma goronaka e?
De una gea wotemo ibooto de o Yesusoli wotemo o nyawa yowoe-woeika wato, “Adoo! Ngini naa mata-mata ko iwahi nia ngongaku Ngohino! De ngini ka ihikaika nirehene Ma Jou ai ngekomoka de aino! De hiokoo ngini, angamoi nako Ngohi ko ahi dekanohi nginioka de ngaro hokogea ma bote ngini ko nihingakuahi Ngohino! Ho mode muruonoka de ahao nihingaku? Abeika to una ai ngofaka niwiaoino Ngohino.”
De gea ihidohata ngaro ahi buturungu Ngohi tomahitunguuoka manga himangoka de o heheranga ma ngoe abe ko ma moiuahi o nyawa utu yodiai. Nako hokogenangua tomahitunguu de gea naga ma titi abe ka idadi yomademo la manga hohowono yakuranga. Ma angamoi yamakeoka o heheranga abe ihihitaana Ngohi naa, de ona ka ihidohatohi de ahi Babaoo iwidohata, ho manga hohowono ko idadiua yakuranga.
Abe nia dodagi ma goronakahi gea de Una woiriki nia dodogumu ma ngi abe ka enangohi irahai la nimahidodogumu genangoka. De nagali Una ka ihikaika winihihira-hira abe nako o wange-wange naga o lobi ma lou ho ka idadi ngini nihidoduruika ai poretino, de nako o futu-futu de ma lobi ma lou gea idadi hoka o uku ihololomiye abe genangino de winihihira-hira nia dumutika. De ngaro hokogea mata-mata ai duduhunu nginika ma dodihiraka gea masara ngini ka niolukohi nimahinganono nia Jou o Yaweika.’”
De naa tonaleha gea onagona honanga abe ma dodihiraino yoihenoka ai hingahu ma demoino masara ka iwilawa-lawanohi Ma Jouika? De mode ona gea abe o Musa wahihira-hira de wahihupu o Mesiiri ma tonakoka de aino de ona gea iwilawana Ma Jouika? Igoungu, ona gea. Abe ona ko o homoaua ma nyawa, masara gea Ma Jou ai nyawa ma hirete abe ma dodihiraino iwinii-niiki Unangika masara ma bahauku de ona yorehenoka ai demoino.
De naa tonalehali, sarakia, gea ma titi onagona abe ma dodihiraino Ma Jou womahibehehongo wato, “Ona gea ahao duru ko tahigunoakauali yowohama ma tonakika gea abe nako genangokau yowohamikaka de ka idadi yomahiaini manga dodagino de yogogere de de Ngohi genangoka”? Gea bote ma titi onangoo abe ko iwihingounua Unangika.
Sanasan