Gegetongo 14:1 - Ma Jou ai Demo-demo o Totobelohoka1 Ona gea yatailako o Kanani ma tonaka yolio manga nyawaika de naga yangimoi ko yotogu-togumua yaade-ade manga gogianongoruika de o hihawana ma demo. Ka de hokogea yoihene manga hidimono yangimoiino manga demo de o Isiraele ma nyawa manga doomu ma amokika duru manga hininga ma huha hiadono o futu gea yoari ihiboa-boaka ka hiadono yahidetebiniye. Faic an caibideil |
Gegetongo 14:1
13 Iomraidhean Croise
De ma oraha o Firaunu wahigunoa o Isiraele ma nyawa yohupu de naga ma ngekomo hinooto abe ka idadi yaniiki. Moi ma ngekomo abe o Filistina ma nyawa manga tonakika yoboa ihidotobiki ho enangohi itigi o Kanani ma tonakika. Masara ko genangikaua yoboa angamoi Ma Jou wahiboa o ngekomo moioli abe ma dumutu o tonaka ma kakaahaika. Hokogea Ma Jou wairiki manga ngekomo angamoi womatemo wato, “Done ahao o Filistina ma nyawa gea ona duru yaparangi o Isiraele ma nyawaika naa hiadono manga hininga yaturuuru de yolio ato ko yogila-gilaua o Kananika masara yolio dika o Mesiiri ma tonakika.”
Ho ka de Ma Jou ai demo gea o Isiraele ma nyawa yoihene de ona duru yamao ma hingahu gea itorou de ona duru yokokihuha hiadono ona mata-mata yomulaenge yokokiari. De Ma Jou ko wohigunoakaua la ona yapakeoli o gogoli, o ngaukuku, o rante de o ali-ali eko o kia dika ma hohailoa abe o nyawa yatobapake manga badangoka.
De igoungu miamake ona abe ma dihiraino manga romanga o Nefilimi ma nyawa ma titi duru yonauru ho duru yototomoroini. De manga tofora ma dodihiraka o Enaka ho manga badanga duru ma ago-agomo hiadono ngomi miamao hoka mia badanga ma amoko hoka o kabotarokahi de onangoo yomalega ngomino de hokogea to onangoo manga hininga.” Hokogea o nauru yangimoi abe o Kalebe de o Yosua yadodiawo o Kanani ma tonaka yatailako manga hininga ka hiadono duru yahihawana manga gogianongoruika.
De manga gari ma ilingi ihailiye hiadono idadi o gurubungu ma demo ma amoko o Musa de o Harunika. Abe ona yotemo ato, “Koaho ngomi ma dihiraino de mihonenge o Mesiiroka la ufa ma kangela naa imiohana! De ngaro o tonaka ma kakaahaka naa de mikokihonenge ma enangohi irahai de nako miwohama o Kanani ma tonakika gea!
Sanasan