Gegetongo 12:9 - Ma Jou ai Demo-demo o Totobelohoka

⁹ Hokogea Ma Jou o Yawe ai dodaere ma demo o Harunika de o ngo Miriamika angamoi duru ai ngamo itagi onangika. De gea Ma Jou wotemo ibooto de wosobo.

Gegetongo 12:9 Iomraidhean Croise

Dodadi 17:22

Hokogea wihingahu o Abarahaamika ibooto de ahao Ma Jou wosoboka genangoka.

Dodadi 18:33

Hokogea yomakoketemo ibooto de Ma Jou o Yawe wosoboka. Ho gea o Abarahaama ka wolio ai tauika.

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 11:10

De o Isiraele ma nyawa manga tau homoi-homoiika ona naga manga tau ma hima-himangoka yoari de manga gurubungu ma gari ma ilingi ma amokiye. De Ma Jou o Yawe ai ngamo duru ihauku itagi manga hininga ma datorika gea. De o Musa unangoo duru wohuha woihene to ona manga gurubungu ma demoika.