Gegetongo 12:13 - Ma Jou ai Demo-demo o Totobelohoka

¹³ De o Musa ai dora munangika itagi hiadono duru waamokiye womigahoko Ma Jou o Yaweika wato, “Ahi Jou, duru ngohi togahoko la Ngona nomihitogumu!”

Gegetongo 12:13 Iomraidhean Croise

Dodadi 20:17

Hokogea o Abimeleke wodiai de ahao o Abarahaama waniata ona o Abimeleke ai tauoka. De ona Ma Jou wahitogumu manga kangelaino abe o Abimeleke de to una ngoi feka-fekata mata-mata waduhunu hiadono ahao o ngofaka ka idadi yomamake.

1 Kokoano 13:6

De ahao ma koano o Yerobeama womagahoko Ma Jou ai uru ma dodofangika gea, wato, “Duru tomagahoko ngona nohigahoko ani Jouika la ahi giama idadi hoka ma dihirali.” Hokogea womagahoko de Ma Jou ai uru ma dodofanga widemo Ma Jou o Yaweika de ka itodokanino de ai giama itogumoka ho idadiokali hoka ma dihirali.

Huhupu 15:26

Abe ai demo onangika wato, “Ngini nako nihiao irahai de nihidodiai nihihigihene Ngohi Ma Jou o Yawe, ti ngini nia Jou, de Ngohi tiniduhunu. Abe nako nianiiki itiai ahi hiaturu de ahi pareta mata-mata de Ngohi ahao ko tinihikangelaua de o popanyake abe hoka ma dihiraino de tahihohowono o Mesiiri ma nyawaika. Ngohi naa Ma Jou o Yawe abe ahi kuaha naga o popanyakeika hiadono Ngohi ka idadi tiniduhunu.” Hokogea Ma Jou wahitiari o Isiraele ma nyawaika.

Huhupu 4:7

De Ma Jou wihulokoli wato, “Ho naa nohingohamoli ani giama gea.” De o Musa wihingounoli ho wohingohamoli masara ka de ai giama wohihupuoli de abeika, ai pado ko iwaka ho ka ihira-hirali ai giama.

Gegetongo 11:2

De o Isiraele ma nyawa manga doomu ma amokika yopoa-poaka yomagahoko o Musaika ato, “Musa, nomiduhunu! Kiani nomiduhunu done imiuku hiadono mimamataka!” De ona o Musa wagahoko Ma Jou o Yaweika de ma uku gea ihonenge.

Gegetongo 12:12

De ufa nanga biranga nomihidogunoaika de ami hohowono ma kangela hokogea hiadono to muna ami roehe idadi imaketero hoka o ngofaka ma gilau abe imaboa ma honenge ho manga roehe ikorofuoka.” Hokogea o Harunu womidemo manga biranga o ngo Miriama.

Gegetongo 14:2

De manga gari ma ilingi ihailiye hiadono idadi o gurubungu ma demo ma amoko o Musa de o Harunika. Abe ona yotemo ato, “Koaho ngomi ma dihiraino de mihonenge o Mesiiroka la ufa ma kangela naa imiohana! De ngaro o tonaka ma kakaahaka naa de mikokihonenge ma enangohi irahai de nako miwohama o Kanani ma tonakika gea!

Gegetongo 16:41

Masara ma dawangeino dika de o Isiraele ma nyawa manga doomu ma amokika ona yomulaenge yahigurubungoli o Musa de o Harunika hiadono yahingahu manga himangika ato, “Ngini inihinooto abe duru niatomaka Ma Jou o Yawe ai nyawa!”

Lukasa 23:34

De ahao o Yesusu wagahoko o nyawa mata-mata gea wato, “Baba, naofi dika to ona naa manga howono Ngohino, angamoi ona duru ko ihiorikua abe o kia yodiai!” De ipaha de ma tentara gea yomaketebobataru la ato ahao ihioriki hokokia yomahikodoku o Yesusu ai baju mata-mata abe ko iwihidapakuahi de ahuputoka.

Lukasa 6:28

De ona abe ihidemo de o koboto ma dorou nginika, onangika gea kiani ngini niahiowa de ma rorahai. De ona abe iniao itorou, gea ona niagahoko Ma Jouiye la yamake ma owa.”

Hidingoto 7:60

De ahao una watilabukuku de waamo-amokiye wato, “Ahi Baluhu, togahoko la manga howono naa ngohino Ngona naapongo dika!” De hokogea wotemo ibooto de una wopahaka.

Roma 12:21

Ho gea ngohi tato ufa o nyawa manga datoro ma dorou abe yodiaioka nginika de inihikala genangino hiadono nginioo nioigo nimahibalaha de ma dorou onangikali. Ko idadiua hokogea ngini nidiai, masara koaho niahikala to ona manga datoro ma dorouika ma titi ti ngini nia datoro ma rorahaiino abe nidiai onangika.

Yakobusu 5:15

De nako to ona manga hininga duru imakiniiki de to Ma Jouoli ai hininga ho duru iwingaku Ma Jouika, gea de ahao nanga Baluhu idodutu winihitogumu nia panyakeino de ahao winihimomiki ngini inigo-gogama gea. De nako hoka nia panyake gea ihititi o howonoka abe ngini niahowonoka Ma Jouika, de nako ngini nimangakuoka ma titi nia howono gea, ahao nanga Baluhu winihiapongo nginika.

1 Samuele 12:23

“De nako ngohi naa, ngaro ufa nihawana ngohi ahao ko tininiatokaua abe nako hokogea ngohi todiai de ngohioo tahowonoka Ma Jou o Yaweika. De ngohi ko tomatogu-togumua tinidotoko la nianiiki abe irahai de itiai Ma Jou ai himangoka.

1 Samuele 15:11

“Ngohi naa duru tomatoduba o Saulu ma dihira tihidadioka o koano angamoi una ko waniikokaua to Ngohi ahi behehongo unangika abe naa ma moioli woluku wohihingounu Ngohino.” Ka de hokogea o Samuele woihene de ai hininga duru ihuhaholi hiadono o futu moiino de ai hininga ma huha o Saulu wigahoko Ma Jou o Yaweika.