Gegetongo 11:8 - Ma Jou ai Demo-demo o Totobelohoka

^8-9 De iboa o futuoka ka ma moi de ma gagini de ahao ma ngoru-ngorumino naga o tonaka ma lokuoka o gagini abe ka de yodiriiuku de ihagaka de yodudungoka o mana gea. De manga inomo o mana gea naga manga ngi yahigilolitino. Ho o ngorumino de ona yoiki yomadoraka. De abe yotoomuino yawedere eko yatutuku manga luhungoka ka hiadono idadi hoka o tarigu ma mangaluhu. De gea ka idadi yahibauru de utu yapake yodiai hoka o roti o hinyoleino. De ma ngolomo ma mao hoka naga ma ogana ma hisapuru o saitunu ma minya ma gohakino. Ho gea ena manga inomo Ma Jouoka de aino abe yodebeturoka yaolomo.

Gegetongo 11:8 Iomraidhean Croise

Dodadi 25:29

De ma moiuku o Yakubu womahakai o bosi ma doka-dokara de ai riaka o Esau woboa o tonaka ma gupaino de ko watomaua ho duru iwihafini.

Huhupu 16:23

De wahingahu onangika wato, “Hokogea nidiai itiai. Hokonaa Ma Jou o Yawe ai pareta wato, ‘Ngohi tohiaturu la itebini ngini mata-mata nimahiaini. Abe o wange ma tumidoka gea Ngohi tomadingakoka to Ngohi ahi wange.’ Hokogea Ma Jou wohiaturu ho nia inomo nimahinyole eko nihakai abe o wange naa iniwedono nia inomo de ma hononga gea ka idadi niagogono la idadi nia inomo itebini.”

Huhupu 16:31

De manga inomo gea o Isiraele ma nyawa ihiromanga o mana angamoi ko ma moiuahi yamake ho ko ihiorikua ena o wani o kia. De o mana gea iarehe hoka o baru ma ketoko de imutiti hoka o roti abe naga de ma hisapuru o ofungu ma gula.

Gegetongo 11:7

De manga inomo o mana gea iarehe hoka o baru ma ketoko de ma rupa ma hohumuduru de hoka o nawoko ma unafa ma mangaluhu.

Yohanese 6:27

Ufa o roti abe ka iwedere dika nialingiri, ma kiani nialingiri o roti abe ko iwederua la gea inihiwango ka hiado-adonika. De o wowango gea ahao Ngohi o Nyawa ma Ngofaka ka idadi tinihidoaka, angamoi Ma Jou ahi Baba wohihitunguuoka Ngohino de ai kuaha abe duru wohisanangi Ngohino.”

Yohanese 6:31

Abe hoka ma dihira to ngone nanga totofora o mana yaolomo o tonaka ma kakaahaka duru imaketero hoka ihitulihukuoka ato, ‘Una wahidoaka onangika o roti o Horogauku la ka yaolomo.’”