Gegetongo 11:11 - Ma Jou ai Demo-demo o Totobelohoka

¹¹ De o Musa ai hininga womahingahu Ma Jou o Yaweika, wato, “Ngohi todadioka to Ngona ani gilaongo masara adodoa ho hiadono Ngona, Ma Jou nohiboa o huha ma amoko hokonaa ngohino? O kia ngohi todiai abe ko tonihisanangiua hiadono nohihitagongo de o tagongo ma dubuho abe o nyawa manga ngoeika nenanga?

Gegetongo 11:11 Iomraidhean Croise

Huhupu 17:4

De o Musa womahiboaka ai gogahoko Ma Jou o Yaweika wato, “Ma Jou, ka o kiahi todiai la hiadono ona naa tahiriidi? Abeika manga ngamo ngohino hiadono ngade-ngade ihihakaru naa!” Hokogea una womahingahu ai hininga Ma Jouika.

Huhupu 5:22

De o Musa womaniata Ma Jou o Yaweiye wato, “Ahi Baluhu, adodoa ho to Ngona ani nyawa manga kangela ka nahidogo dika? Adodoa ho nohihidingoto ngohi la toboa nenangino?

Maleaki 3:14

Masara gea tinipaluhu abe ngini nimaketemoka niato, ‘Parahaja dika ngone hileleani Unangika! Nanga utumu o kiaka hamake ma titi nanga hingounu ai paretaika? De nako hoboa ai himangino de nanga hiningaka hato hotoduba ma titi nanga howo-howono, genangino de ma owa o kia hamake? Ko iwa!

Gegetongo 11:10

De o Isiraele ma nyawa manga tau homoi-homoiika ona naga manga tau ma hima-himangoka yoari de manga gurubungu ma gari ma ilingi ma amokiye. De Ma Jou o Yawe ai ngamo duru ihauku itagi manga hininga ma datorika gea. De o Musa unangoo duru wohuha woihene to ona manga gurubungu ma demoika.

Gegetongo 11:15

Nako ka ihikaika hokonaa dika Ngona nohihidogunoaika ahi kangela ma goronaka de toigo dika Ngona nohihohonenge la ibooto ahi huha naa.” Hokogea o Musa ai hininga ma huha womahingahu Ma Jou o Yaweika.

2 Korintusu 11:28

De gea mata-mata abe tamao ahi badangino dika, masara nagahi ahi hiningaoo ma huha abe o wange-wangeiye ihihitubuho ahi hiningaka. De gea ma titi ka ihikaika tongano-nganono de tomaleha o gareja ma dodoomu homoi-homoiika manga ngongaku ma wowango hokokia itagi.

Higalioli 1:12

De ngaro ahi hininga ma sanangi naga nginika masara nagali ahi kangela ma amoka, de enangoo ihititi nginioka! Ho done sarakia ka idadi tapoa ahi tagongo gea? Angamoi ngohi kiani ka ihikaika tiniduhunu de nia kangela homoi-homoi de tiniurusu ma oraha ngini nimahiketehigurubungu.