Gegetongo 11:10 - Ma Jou ai Demo-demo o Totobelohoka

¹⁰ De o Isiraele ma nyawa manga tau homoi-homoiika ona naga manga tau ma hima-himangoka yoari de manga gurubungu ma gari ma ilingi ma amokiye. De Ma Jou o Yawe ai ngamo duru ihauku itagi manga hininga ma datorika gea. De o Musa unangoo duru wohuha woihene to ona manga gurubungu ma demoika.

Gegetongo 11:10 Iomraidhean Croise

Higiriiri 106:25

De ona yokurubungu dika manga tau o ngoerino ma goronaka, De ko iwihingounua abe Ma Jou o Yawe ai ilingi yoluku ihigihene.

Higiriiri 139:21

De Ngona Ma Jou o Yawe! Ho done sarakia nako ona inidohata Ngonaika, de ngohi ko tadohatua onangika? De sarakia nako ko talawanua onangika, abe ka ihikaika inilawana Ngonaika, ahi Jou?

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 11:11

De o Musa ai hininga womahingahu Ma Jou o Yaweika, wato, “Ngohi todadioka to Ngona ani gilaongo masara adodoa ho hiadono Ngona, Ma Jou nohiboa o huha ma amoko hokonaa ngohino? O kia ngohi todiai abe ko tonihisanangiua hiadono nohihitagongo de o tagongo ma dubuho abe o nyawa manga ngoeika nenanga?

Gegetongo 12:3

De o Musa gea ai hininga duru ma dodipokouku abe ngaro o nyawa o dunia ma lokuoka mata-mataika masara ka o Musahi ai hininga ma dodipokouku.

Gegetongo 12:9

Hokogea Ma Jou o Yawe ai dodaere ma demo o Harunika de o ngo Miriamika angamoi duru ai ngamo itagi onangika. De gea Ma Jou wotemo ibooto de wosobo.

Gegetongo 16:27

Ho o nyawa abe naga yotigi o Kora, de o Datana, de o Abirama manga kokitau ma datekoka duru yomataiti yadokaowara. Ho naa o Datana de o Abirama ka de o Musa woboa de yohupu manga tauino ho ona de manga feka-fekata de manga ngofa-ngofaka mata-mata ka ma moi yomaoko manga tau ma himangoka. De ngaro utu o ngofaka ma gilauohi masara onangoo naga manga dimonoka gea.

Gegetongo 21:5

De angamoi yokangela manga dodagi ma gurutinoka de manga ngomaha yodudungu de manga inomo o mana dika ho hiadono yomulaengoli iwihigurubungu Ma Jouika de o Musaikaoo. Ho yotemo o Musaika ato, “Adodoa ho ngona nomihihupu o Mesiirino? Marai nomiao o tonaka ma kakaahaino naa la mikokihonenge dika e? O akere nenangoka ma ko iwa, de o inomo ka o mana dika de duru miodebeturoka hiadono miaemono o inomika gea.” Hokogea ihigurubungu Ma Jou ai hidailakoika.

Maruku 10:14

De ahao wamake o Yesusu de wangamo iwinii-niikika ho Unangoli wataere, wato, “Nianoaika! La o ngofa-ngofaka gea yoboa Ngohino, de ufa niatumungu ona gea. Angamoi onagona dika manga hininga imaketero hoka o ngofa-ngofakoli naa manga hininga ma dodipokouku, de gea ona abe Ma Jou ka idadi wadafongo de wahikoano onangika.

Maruku 3:5

De o Yesusu womalega arihononga de wongamo angamoi ai dohata o howonika. De ai hininga duru ihuha ma titi manga pea kohadogowini ho hiadono wakokidamaanoka. De witemo ai giama ihelu-helukika wato, “Nagorakiye ani giama.” De wagorakiye ai giama de idadi imakadaene abe hoka ai giama ma honongali ho itogumoka.

Higalioli 32:22

Abe to Ngohi ahi hininga ma ngamoino de hoka o uku idadioka, de ma uku gea duru imahihora mata-mataika, ngaro hiadono dau o hone-honenge manga ngiuku masara imahiadono genanguku, de ma uku gea aolomo o dunia de to ena ma joro mata-mataika, de hiadono o loku ma timi-timiuku enangoo ma youkuoka.