Filiipi 4:10 - Ma Jou ai Demo-demo o Totobelohoka

¹⁰ De naa duru togarago nanga Baluhu idodutuika abe ma titi naa ma duru nia dora ma hidoaka ma moioli tamakeoka, abe ma titi nia hidailako gea nihidingo-dingoto ngohino. De gea tohioriki ma dekanino naa niato nihiduhunoli abe imaketero hoka ma dihira nihiduhunu, masara ma ngekomo ko niamakeuahi.

Filiipi 4:10 Iomraidhean Croise

2 Korintusu 6:7

De nagali ngomi miatobahingahu-ngahu o demo ma gou-goungu dika o nyawaika, de abe mitemo gea Ma Jou ai kuahaino abe mia wowangoka. De naga ngomioka mia wowango ma totiai Unangino, de gea idadioka hoka mia humaranga de mia dadatokoo mia giamoka. Abe de mia humaranga gea ka idadi miapake la miaparangi ma dorouika, de ngaro naga abe imilawana ngomino ma mia wowango ma totiai gea idadi mia dadatoko la mimaduhunu genangino.

Galatia 6:10

Ho ahao nako naga ma oraha la ka idadi haduhunu o nyawaika, gea ma oraha ma getongo kiani hale de hapake la o nyawa mata-mataika haduhunu. De hongoli nako nanga gogianongoruika abe ngone o ngongaku moi, abe onangika kiani duru inamagawe haduhunu.

Galatia 6:6

De nako naga o nyawa abe inidoto-dotoko nginika Ma Jou ai Demo-demoino, gea kiani ngini niahibalaha de nia dora onangika, de gea kiani niahikodoku ma owa onangika la manga perelu niahidailako.

Filiipi 1:1

Mia gogianongoru o Yesusu Kristusoka abe o Filiipi ma kapongoka nimanoa. Ngomi naa o Paulusu de o Timotiusu, to Yesusu Kristusu ai huhuloko. Abe o Kristusu, Una gea nanga Koano Ma Jou wonahibehehongoka. De naa mia hurata mihidingoto ngini mata-mataika abe Ma Jou winihidadioka to Una ai nyawa. De ngaro ngini abe o gareja ma hihira de nginioo abe nitobaduhu-duhunu o garejaka, ma, to ngomi mia horomati mihidingoto ngini mata-mataika.

Filiipi 1:3

Ahi gogianongoru, marai ahi hiningaka ma ngoe ngohi tinihohininga, de tinihininga ma getongo, gea totarimakase Ma Jouika ma titi ngini.

Filiipi 2:30

angamoi ngade-ngade una wohonenge ma titi o Kristusu ai karajaanga waniiki. De ai wowango wato ka idadi womahidoaka iti ka idadi wao ngohino nia duduhunu abe ngini ma hirete ko idadiua niao. Ho naa o Epafroditusu ngohi tihigilio nginika.