Filiipi 3:16 - Ma Jou ai Demo-demo o Totobelohoka

¹⁶ Iti ma dodotoko abe ma titi hataokoka, iti ena gea ka ihikaika haniiki la ka idadi nanga hininga imakataana de to Unangoli ai hininga.

Filiipi 3:16 Iomraidhean Croise

Roma 12:16

De ufa nimaketeribuutu masara koaho nimakao irahai la nimaketehiningamoi. De ufa nimasade masara nimaketedodiawo de o nyawa ngaro ona manga wowango ma gogere ma dodipokouku dika. De ufa nimaetongo niato ka nginiohi de nia sosawaroka.

Roma 15:5

De Ma Jouoka dika imanoa o dongohono ma titi de o higaro ma titi. De Unangika gea tinigahoko ma titi moioli, la ngini mata-mata ahao ka nimaketehiningamoi dika angamoi o hininga gea duru itaana de o Yesusu Kristusu ai mau ngoneino.

Galatia 5:7

De ngini ma dihiraino nioaguru duru irahai nia ngongakuoka, masara ma oraha naa naga de ngini hadongoo de nirehenoka ma gou-goungino! De gea done ma titi onagonaino hiadono initatoko de inihirehene hokogea?

Galatia 6:16

De naa ahi demo ma dumutu ka nginikaua dika abe ngini ko o Yahudi ma nyawaikaua, masara naa tinihidumutu nginikaoo abe o Yahudi ma nyawa abe ngini niagou-goungu nidadioka to Ma Jou ai nyawa idodutu. De hokonaa ahi demo. De ngini onagona dika abe nia wowangoka de nianiiki de ahi behehongo gea ma demo nginika, de gea ngini ahao niamake ai hininga ma miriidi de ai hininga ma dora Unangino.

Filiipi 1:27

Masara ngaro hokokia dika idadi ngohino, ma iti ti ngini nia wowango niao irahai abe imakiniiki de o Kristusu ai Abari ma Rorahai. De nako hokogea nidiai, ngaro ngohi toboa tinitutumu eko ko toboaua, ma iti toihene abe nagahi nia dongohono nia ngongakuino, de abe nia hininga nimaketehiningamoi dika. De iti nimakokuduhunu de nia hininga ma dumutu moiika dika la nia ngongaku imahilaku ti ngini nia wowangoka, abe nia ngongaku gea o Abari ma Rorahaiino.

Filiipi 2:2

Ho mangale mata-mata gea igoungu naga nia kokiwowangoka, ho naa ahi behehongo de duru togahoko nianiiki la ka idadi ngohi naa tinidogarago idogoli ka hiadono ahi garago duru ihingodumoka ma titi ngini. De tinihibehehongo hokonaa. Kiani ngini duru nimaketerimoi, abe nimakodora de nimaketehiningamoi. De abe nia kokihiningaka ma dumutu, duru ka moi dika.

Filiipi 4:2

De naa ngohi fira-firanga o Yesusoka, o ngo Euodia de o ngo Sintike, nginika duru togahoko la ibootohi nimaketeliliara, de kiani nimakao irahai abe hoka itiai o gogianongoru o Yesusoka.

Kolose 2:6

De naa, ahi gogianongoru, kiani nia wowango niao itiai. Angamoi ngini niodafongokau ma dodotoko abe nengokadau inidotokoka nginika ato “O Yesusu Kristusu, Una gea nanga Baluhu idodutu.” Ho mangale Una niwidafongoka abe niato Una gea nia Baluhu idodutu, ho kiani nia wowango niao itiai abe hoka igoungu o Yesusoka nimanoa.

Kolose 4:2

De naa ka tinihibehehongohi ngini mata-mataika. Kiani ka ihikaika nimaniata de ufa o niniatino nimahipidili. De abe ma oraha nimaniata, kiani ka ihikaika niwangoro de kiani nagaoo nia tarimakase Unangika.

Himatoko 3:3

Ho naa ngini kiani ka ihikaika nimahihohininga ma titi ma dodotoko ma rorahai abe ma dihiraino ngini niihene de niodafongoka, la genangino de nitoba hiadono ma rorahai gea nianiikoli. De masara nako ngini ko nimomikua nia howo-howonino, gea Ngohi ahao ka itodokanino de toboa nginika la tinihohowono. De gea toboa imaketero hoka womatengoani wotobatohiki woboa winidohiki, angamoi ngini duru ko nihiorikua o futu o kia ahao Ngohi toboaino.”