Filiipi 1:23 - Ma Jou ai Demo-demo o Totobelohoka

²³ De gea duru tokangela tomaputuhu, abe tanu daku o Kristusiye toigo tosobo la Una tidodiawo, angamoi enangohi ihailoa.

Filiipi 1:23 Iomraidhean Croise

Lukasa 12:50

De ngaro Ngohi toigo la ma hikeregu imulaengoka, masara Ngohi tohioriki abe ma oraha gea imulaenge de nagali iboa to Ngohi ahi kangela ma amoko abe kiani Ngohi taohana. De gea duru toigo la imataiti iboaino ahi kangela la hatoli imataiti ipaha, angamoi ahi hininga duru ihuha abe ko ibootuahi ma kangela gea.”

Lukasa 23:43

De o Yesusu wipaluhu wato, “Naa tonihingahu ngonaika abe bootino o wange naa dika de ngona nohidodiawo Ngohi o Horogaka!”

Lukasa 8:38

Masara ko yosobouahi de ma nauru abe o Yesusu wihititokoka ma tokata unangino, una gea woboaino de womahidemo wato ka idadi unangoo yomakiniiki de o Yesusu. Masara o Yesusu wipaluhu wato,

Yohanese 12:26

Ma onagona dika yairiki la Ngohi todadi manga Baluhu, gea kiani ka ihikaika ihiniiki Ngohi la ngaro o kiaka dika Ngohi naga ma onangoo naga genangoka. De ona gea abe ihihigihene Ngohino itiai, ahao manga karajaanga gea ahi Baba wabalaha de ai horomati onangika.”

Yohanese 13:1

Ngade-ngade adonoka o Totilakuru ma rame-rame abe ma dawangeino de o Totilakuru ma inomo yolomo. De gea o Yesusu wohioriki ai gahe adonoka abe kiani o dunia wanoa la wolio ai Babaiye. De o nyawa o duniaka abe yodadioka to Una ai nyawa, ko iwa ma oraha la o Yesusu ko wadoraua. Masara naa de ahao wahimatoko to Una ai nyawaika abe ai dora ma gahumu onangika hiadono ngaro wohidohonenge masara duru ko itoakua ai dora gea.

Yohanese 14:3

De gea toiki de tinihidiai ti ngini nia ngi ibooto de ahao toboali de tiniao la tinihigogere Ngohioka la ngini naga de de Ngohi genangoka.

Yohanese 17:24

“O Baba, ona gea nohihidoakoka Ngohino duru toigo la ngaro o kiaka dika Ngohi naga ma onangoo naga genangoka. De Ngohi duru toigo la ona ahao ihimake Ngohi de ahi medebini de ma dararonoka. Abe o dunia ko idadiuahi de duru nohidoraka hiadono nohihidoaka Ngohino ani medebini de ma daronoka gea.”

Hidingoto 7:59

De abe iwihohakaru manga gogiriaka de o Setefanusu womaniata wato, “Ahi Baluhu o Yesusu, naa tomagahoko la Ngona nodafongo to ngohi ahi jiwa!”

2 Korintusu 5:8

Ho ngomi naa ngaro o kia dika idadi mia wowangoka masara duru mitomoroini. De ngaro hiadono ngomi mihonenge masara ka misanangi dika. Angamoi ngomi miato koaho mianoaka mia hijai-jai ma badanga naa la miloiki de mimahiadono mia ngiika abe genangoka ko mimaturuuruokaua mia ngi, abe gea miloiki nanga Baluhu idodutu ai ngiika. De ka enangohi abe duru imihisanangi.

2 Korintusu 6:12

De ngomioka mia hininga ma dora ka itagiohi nginika abe hoka biahali. Ho nako naga moi o liliara, gea ma titi nginioka abe ti ngini nia dora niatumungu la ufa itagi ngomino.

Filiipi 1:24

Masara nako ngini, ka nihipereluohi la ngohi ko tininoauahi la ka idadiohi tiniduhunu.

1 Tesalonika 2:1

De, mia gogianongoru, ngini nihioriki abe ma oraha gea ngomi nagahi nginioka de mihiboa o Abari ma Rorahai de gea mia karajaanga nginioka ko parahajaua.

1 Tesalonika 2:13

De naga ma titi moioli hiadono ngomi ka ihikaika mitarimakase Ma Jouika ma titi ngini. De gea mitarimakase Unangika mangale ma dihira gea ngini duru niodafongo Ma Jou ai demo abe ngomi minihingahu nginika. Abe ma oraha mia demo gea niihene de niato, “Gea igoungu Ma Jou ai Demo-demo de gea ko to nyawaua manga demo inahingahu ngoneino.” De gea nia demoka duru itaana angamoi igoungu ma abari gea Ma Jou ai Demo-demo. De ai Demo-demo gea hiadono naa ka ikarajaangohi nia kokihiningaka abe ngini niwingaku-ngakuoka.

1 Tesalonika 4:17

Ho ona gea yomomiki ibooto de ahao ngone abe ka howangohi o dunia ma lokuoka, ngone de ona abe yomomikino, ka itodokanino de ngone mata-mata hoborigorakoka ka ma moi daku ma lobi-lobiiye la ka idadi nanga Baluhu hikokibuhuku daku ma hoanoka. De ma oraha genangoka de imahikaika de ngone ko homakitingakokaua Unangino ka hiado-adonika, ho ka ihikaika ngone de de Una.

2 Timotiusu 4:6

De hokogea tonihibehehongoka ngonaika angamoi ngohi naa duru itigioka ahi oraha abe o dunia naa tanoaka. De ahi hohonenge gea tohiketero tato ahao idadi to ngohi ahi wowango ma huhuba duru ma baha Ma Jouika. Abe naa ma dekanino ahi wowango ma karajaanga tomahihubaka Unangiye, de naa ahao ahi badangoo tomahihuba de tomahidoaka Unangika.

Himatoko 14:13

De ahao o ilingi moioli toihene o Horogaka de aino itemo ngohino ato, “Ngona kiani ahi demo naa nohitulihuku, notulihi nato, ‘Ma oraha naa de imahikaika de onagona dika abe yohonenge ma titi iwinii-niiki nanga Baluhu idodutuika, ona gea duru youtumu.’” De ahao Ma Jou o Womaha wapaluhu wato, “Gea duru igoungu, abe ona gea ahao o Horogaka de ka idadi yomahiaini manga kangela de manga karajaanga ma dubuhoino, angamoi ma titi manga karajaanga ma hasilino ho ahao genangoka de yamake manga sosanangi ma utumu.” Hokogea ma ilingi ma demo abe ngohi toihene.