Filiipi 1:22 - Ma Jou ai Demo-demo o Totobelohoka

²² De nako ko tohonenguahi, gea ka idadiohi ahi karajaangino ma hasili tamake. Ho ka towangohi ekola tohonenge; done sarakia tomangiriki?

Filiipi 1:22 Iomraidhean Croise

Dodadi 21:26

De o Abimeleke wohuha woihene o Abarahaama ai demo gea ho wato, “Masara hobata, ngohi duru ko tahiorikua abe ahi nyawa gea inihikangela. Hobata, ahao o wange naa toihene ani demo ma titi naa. Adodoa ho ngona ko nohihingahua ngohino? Tomahilooa ma, kiani ngona itaiti nohihingahu la tahioriki nako naga ahi nyawa inihikangela hokogea.” Hokogea ai hilooa o Abarahaamika.

Dodadi 39:8

Masara o Yusupu woluku abe womipaluhu ai hidimono ngoi fekatika wato, “Abeika, ahi baluhu una duru wohingaku ngohino hiadono ko iwa moi la ko wohingakua tohiaturu.

Huhupu 32:1

De mangale o Musa daku o lokuoka wodoaiye ko ai dekana ho hiadono o Isiraele ma nyawa ato bote una ko woboakaua. Ho ona yoiki o Harunika de iwihigororomino de iwitemo unangika ato, “Abeika, naa ngone duru ko hohiorikua o kia idadi o Musaika daku o lokuoka. Igoungu, una gea wonahihupu o Mesiirino de wonaao nenangino masara naa marai ko iwiwaka. Ho done ka onagonali inahihira? Ngone hoperelu ena gea abe ka idadi to una ai duruuru. Abe kiani naga enangoli la idadi to ngone nanga jou abe inaao. Ho ngona Harunu kiani nonadiai nanga jou la enangoli inahihira-hira.” Hokogea o Isiraele ma nyawa iwihigororomino de iwiribuutu o Harunika.

Hidingoto 3:17

“De naa, ahi gogianongoru, ngohi duru tohioriki abe ngini nia datoro gea nidiai o Yesusika de tanu ko niwihiorikuahi abe Una gea onaguna. De ngaro nia hihira onangoo ma ko iwihiorikua abe o Yesusu Una Ma Jou ai Behehongo abe ma dodihirainohi de Una wonahibehehongoka.

Roma 1:13

De gea ahi hidee abe tinitutumu la tato o Roma ma kotakaoo de Ma Jou ai Demo-demo todoto-dotoko, la genangino de ka idadi tamake ma hofoko o nyawa manga wowangoino. Angamoi nako o tonaka eko o nyawa utuikali de tahingahu-ngahuoka to Una ai Demo-demoino, de naga tamake ma hofoko onangoka abe ma titi o nyawa manga ngoe iwingaku Unangika. Ho ngohi duru toigo la o Romakaoo de ma hofoko ka idadi tamake o nyawa manga wowangoka ma titi to Una ai Demo-demoino. De hokogea ahi hininga ma dumutu hiadono ngohi duru toigo toboa tinitutumu ngini genangoka. De ahi gogianongoru, duru toigo la ngini nihioriki ahi dodagi ma hidee abe ma dodihirainohi. Abe hoka kangano tinihingahuoka, ma ngoeoka ahi hidee naga la toboa tinitutumu, masara ahi hidee ma getongo gea de yata-tatoko ka hiadono ma oraha naa. Ho gea ngohi ka tomagahokohi ma ngekomo la ka idadi toboa tinitutumu ngini genangoka.

Roma 11:2

De genangino de duru itararono abe Ma Jou ko ngomi mata-mataikaua womioluku, abe ngomi naa ma dodihiraino de Una womiirikoka la wato ngomi midadi to Una ai nyawa. De gea ngini marai ka niohiningahi abe ihitulihukuoka ma dodihiraino ma titi o Elia. Abe ma oraha gea de o Elia una wato bote ko moiokaua ai gogianongoru o Yahudi ma nyawaino abe ka iwingakuohi Ma Jouika. De ma titi duru ai hininga gea ihuha hiadono duru wihigurubungu Ma Jouika ma titi ai gogianongoru. De ma oraha gea o Elia wihigurubungu wato,

2 Korintusu 10:3

De igoungu abe ngomioo o nyawa dika abe mimanoa o duniaka naa. Masara nako miaparangi Ma Jou ai musuika de ko o duniaua ma hiaturu de ko o dunia ma biahaua miapake, de ko o nyawaua dika ma buturungu miapake.

Galatia 2:20

De igoungu ma oraha naa ngohi ka towangohi, masara gea tanu ko ngohinoua abe ngohi towango masara gea o Kristusu abe Una wowango ahi badanga ma goronaka. Abe ngaro ngohi towango de ahi badangokahi, masara ahi badanga gea ko ihiparetakaua ngohino, angamoi naa tatobaniiki ahi ngongakuikali, de gea ngohi tingaku Ma Jou ai Ngofakika. Abe Ma Jou ai Ngofaka gea Una duru wohidora ngohino de hiadono ai wowango womahidoaka ma titi ngohi.

Filiipi 1:23

De gea duru tokangela tomaputuhu, abe tanu daku o Kristusiye toigo tosobo la Una tidodiawo, angamoi enangohi ihailoa.

Filiipi 1:24

Masara nako ngini, ka nihipereluohi la ngohi ko tininoauahi la ka idadiohi tiniduhunu.

Kolose 2:1

De ahi gogianongoru, naga moi ngohi toigo tofetongo ngini mata-mataika la ngini nihioriki hokokia ma dubuho ahi karajaanga, abe ngohi kiani ngade-ngade hoka ngohi o parangi ma goronaka de tomaribuutu de tomatongohono la ngini mata-mataika niakokimake ma utumu ahi karajaangino naa. De ahi karajaanga ma dubuho gea todiai la ngini mata-mataika abe ngaro ko ma moiuahi ngini de ngohi homakamake, ma ka idadi ma utumu niamake ahi karajaangino naa. Abe ngaro ngini o Koloseoka, eko ngaro onangoli nanga gogianongoru o Yesusoka yomanoa o Laodikia ma kotaka, eko ngaro nanga gogianongoru utuoli o kia-kiaka dika yogogere de ko mimakamakeuahi ona de ngohi, ma, ngini mata-mataika ma titi hiadono ngohi tokarajaanga ma dubuho, la ka idadi ngini niakokimake ma utumu ahi karajaangino naa.

1 Peturusu 4:2

Ho abe ma oraha inihikangela nginika de tanu naga ma utumu niamake genangino. Angamoi nanga kangela ma goronaka de nanga hininga ma dumutu duru itagi Ma Jouika dika, abe gea de nanga hininga hatoli ko itagiokaua o howo-howonika. De gea ma titi hiadono nanga kangela ka idadi inaduhunu la hoporete o howonika. Ho nako ti ngini nia hininga hokogea, de ahao ka idadi ka ihikaika nianiiki Ma Jou ai mau nginika ma oraha naa de ka hiadono nia badanga homoi-homoi iborihonenge. La gea ngaro ibootoka o nyawa manga horoodo nianiiki.