Filemono 1:16 - Ma Jou ai Demo-demo o Totobelohoka

¹⁶ De gea wolio ngonaika hoka ani gilaongokaua, masara naa una wodadioka ani gianongoruoo o Yesusoka, ho naa kiani nilegaika unangika de ani dora. De igoungu ngohioo duru tidora unangika gea, masara hongoli to ngona ani dora unangika, angamoi una to ngona ani gilaongo o duniaka de masara wodadioo ani gianongoru nanga Baluhu idodutuoka.

Filemono 1:16 Iomraidhean Croise

Matiusu 23:8

“Masara nako ngini naa, ahi gogianongoru, ngini mata-mata ka nimakoketero dika Ma Jou ai himangoka abe ma titi nia gogere, ho ufa niagorakiye o nyawa utu de niafetongo ‘Mia Guru’ onangika, angamoi tanu ti ngini nia Guru ka womatengo dika.

Hidingoto 9:17

De witemo ipaha de ahao o Ananiasa woikoka witutumu o Saulusika. De womahiadono ma tauika de wifokumu de ai giama de wotemo wato, “Ahi gianongoru o Saulusu, nanga Baluhu idodutu o Yesusu, abe nengokadauino womahimatoko ngonaika o ngekomoka, Una gea abe wohihidingoto ngohi ngonaino la wato tonihitogumu ma titi ani lako la ka idadi nomahiorikoli. De wohihidingoto la ka idadi ngona inilufungu de Ma Jou o Womaha.”

1 Korintusu 7:22

Angamoi abeika, nako nengokadau ngini o nyawa manga huhuloko ma oraha Ma Jou winiahoko nia ngongakuino de hiadono niwingaku, ma oraha gea de Una winihihoheoka nia howonino, ho ngini nidadioka Ma Jou ai nyawa abe o howono ko inihiparetakaua. De nako ngini utuoli abe nengokadau ma oraha abe Ma Jou winiahoko nia ngongakuino de ma oraha gea nia garago nagau, abe ma titi ngini ko o nyawa manga huhulokinoua, ngini nidadioka naa o Kristusu ai huhuloko angamoi kiani naga nia hingounu nia Baluhu idodutuika abe imaketero hoka o nyawa manga huhuloko kiani yahingounu manga baluhika.

Kolose 3:22

De ngini o gogilaongo, nginioo kiani niahingounu nia dutu o duniaka naa. Ngaro o kia dika ona inihuloko, ma, kiani naga nia hingounu onangika. Masara ufa nia dutu manga himangoka de ahao naga nia hingounu onangika la niato nia dutu inisanangi nginika. Ufa hokogea dika nia hingounu, masara ngini kiani nialeleani itiai onangika de nia hininga ma rorahai, de gea ihititi de nia horomati ma gou-goungu nanga Baluhu idodutuika.

1 Timotiusu 6:2

De nako naga o gilaongo womatengo abe ai hidimono unangoo wingaku ho hiadono yahinootoo mata-mata iwiboringakuoka, o gilaongo gea kiani ilamokoli ai leleani de ai hayanga ai hidimonika gea. Abe ngaro ona yahinooto yomaketero dika Ma Jou ai himangoka, ma ko idadiua ai horomati ikuranga ai hidimonika ma titi ai hidimonoo wingaku Ma Jouika. Hokogea ko itiaiua, ma koaho ai leleani unangika utuohi irahai angamoi gea wileleani ai gianongoru o Kristusoka, ho hiadono koaho ai dora itagi ai hidimonika abe ai hidimono gea wodadioka ai gianongoru o Kristusoka. Ho ahi higaro naa ena totulihuku, gea togahoko la ngona nadotoko de nahigaro nanga gogianongoruika.

Ibarani 3:1

Ahi gogianongoru abe ngini nidadioka Ma Jou ai debi-debini ma nyawa de abe nginioo hoka ngohioli abe ngone mata-mata wonaahokoka nanga ngongakuino la hakokimake o Horoga. Ahao kangano abe ahi demo ma goronaka de tinihitararonoka abe nanga Duduhunu Una gea ka wakunu wonaduhunu ngoneino, ho abeika hingano-nganonohi ma titi Una gea. De abe naa o Yesusu tihiromangoli tato Una gea Ma Jou ai hidingoto ma nyawa ngoneuku la ai hingahu ma demo wonahingahu-ngahu ngoneino. De Unangoo to ngone nanga Hidemo abe ka Unangohi wokokurutiye nako de o hidemo utu.

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.