Filemono 1:11 - Ma Jou ai Demo-demo o Totobelohoka

¹¹ De igoungu abe ma dihiraino de una gea ai karajaanga parahaja ngonaka, masara una gea ma oraha naa ko hokogenangokaua abe hoka ma dihirali, angamoi naa naga de una ka idadi wohiboa ma utumu ma amoko ngonaika abe ma titi una ka idadi nihikarajaangoli ngonaka. De ko ngonaikaua dika, masara ngohioo ka idadi tamake ma utumu unangino.

Filemono 1:11 Iomraidhean Croise

Matiusu 25:30

“‘De abe ma titi naa una ahi duduhunu abe ko kia-kiaua iwidaene de ai tagongo ka parahaja dika, ngini niwiaoika de niwiumo ai hohowono ma ngiika abe duru kohamofufutu genangoka. Abe onagona dika genangoka ahao yopoa-poaka ma amokiye de manga ingiri ka ihikaika ihidokagoli ma titi manga odiri ko apoaua.’” De hokogea o Yesusu ai hiketero ma ade-ade abe wadotoko iwinii-niikika. De hokogea wahingahu la wahigaro onangika wato ona ka ihikaika yao irahai manga tagongo Unangoka de aino ka hiadono Una woboali.

Lukasa 15:24

Angamoi to ngohi ahi ngofaka naa ma dihiraino de imaketero wohonengoka masara naa imaketero wowangokali, de abe iwihihangoka masara ma oraha naa de timakeokali!’ Ho ma hidiai gea ai duduhunu yabootokahi de ahao ona mata-mata ihirame-rame abe ai ngofaka woboali.”

Lukasa 15:32

Masara ma oraha naa de kiani hohirame-rame ma titi ani dodoto ai boa, angamoi una gea imaketero hoka wohonengoka de naa wowangokali, abe iwihihangoka masara naa himakeokali.’” De hokogea o Yesusu ai hiketero abe ma demoino gea de wohidaere iwilawa-lawanika abe tanu koaho onangoo yogogarago ma oraha o howo-howono ma nyawa yotoba de yomangali Ma Jou ai totiai ma ngekomika.

Lukasa 17:10

De hokogenangoo ngini naa, abe ngini nidadioka to Ngohi ahi gilaongo. Ho ma oraha nihihingounu ahi demoino de ufa nionganono la Ngohi totarimakase nginika. Hokogenangua, masara gea koaho niato, ‘Ngomi naa ka o gogilaongo dika, de abe midiaioka gea mihingodumu dika abe imihitagongoka ngomino.’” Hokogea o Yesusu ai dodotoko ma demo.

Roma 3:12

De nagali itemo, “De o nyawa mata-mataika iwiporetoka Ma Jou de ko iwihingounokaua. Ho ona mata-mata manga hininga ka parahaja dika Ma Jou ai himangoka. De duru ko moiua o nyawa abe yotobadiai ma rorahai. Ma duru moioo de ko iwa!”

2 Timotiusu 4:11

Ho nenangoka ahi duduhunu ka womatengokahi dika, de gea o Lukasa una gea nagahi ngohioka ka wohiduhunohi. De gea ngohi togahokoo la ka idadi ngona nidulu o Maruku la unangoo woboa ngohino, ho ngini inihinooto ka idadi nimakutuono niboa ngohino. Abe o Maruku una ahao ka idadi duru wohiduhunu ahi karajaanga ma goronaka nenangoka.

Filemono 1:10

ngohi duru togahoko ngona ahi oloika ma titi ahi ngofaka o Tobaparahajaua. Abe una gea ma oraha ihibuioka naa de una wodadioka hoka to ngohi ma hirete ahi ngofaka, abe una womahinganono o Yesusu Kristusika ma titi ahi dodotokino.

Filemono 1:12

De una gea abe naa tihigilio ngonaika, ngaro ngohi naa tamao hoka to ngohi ahi hininga ma hirete tohidingoto ngonaika, angamoi hokogea ma amoko ahi dora abe tidora ahi ngofakika gea.

1 Peturusu 2:10

De igoungu ma dihiraino de ngini ko nidadiuahi to Ma Jou ai nyawa, masara nako ma oraha naa de to Una ai nyawa nidadioka. De ma dihiraino de ngini ko niamakeua Ma Jou ai hininga ma dora, masara ma oraha naa naga de ngini duru niamaoka. Ho mangale ma titi ngini nidadioka to Una ai nyawa ho hiadono ka idadi tinihigaro tato ngini koaho niahimatoko o nyawa utuika to Una ai datoro ma hohailoa gea abe wodiaioka.