Dodadi 7:5 - Ma Jou ai Demo-demo o Totobelohoka

⁵ De o Nuhi, abe mata-mata Ma Jou o Yawe wihibehehongoka, gea ko moiua abe ko wodiaiua, masara mata-mataika wodiai duru imaketero de abe wihibehehongoka.

Dodadi 7:5 Iomraidhean Croise

Dodadi 6:22

De o Nuhi wihingounu Ma Jou abe wodiai mata-mata wataana abe Ma Jou wihibehehongoka unangika.

Dodadi 7:16

De mata-mata gea iboa ma nauru de ma beka duru imaketero hoka Ma Jou ai behehongo o Nuhika. De ipaha mata-mataika yokokiwohamoka o kapa ma goronaika de ahao Ma Jou o Yawe ma hirete wahidatatoko o kapa ma ngorana gea.

Huhupu 40:16

Hokogea Ma Jou o Yawe wihibehehongo o Musaika de o Musa wodiai duru waniiki itiai Ma Jou ai behehongo mata-mata gea.

Huhupu 7:6

Ho o Musa de o Harunu ihidodiai yaniiki mata-mata Ma Jou o Yawe ai demo onangika.

Matiusu 3:15

De o Yesusu wipaluhu unangika wato, “Marai ma oraha naa dika de kiani nohiohiki Ngohi, angamoi ngone kiani haniiki Ma Jou ai hininga mata-mataika abe ngoneino.” De gea o Yesusu wotemo ibooto de ahao o Yohanese wiohiki o Yesusu genangoka.

Lukasa 8:21

De o Yesusu ko watutumuahi de ihira naga ai dodotoko ma demo o nyawa manga ngoeika abe naga genangoka. Abe Una wato, “Abeika ngini nimafikirohi ahi demoika naa. To Ngohi ngohi meme de ahi doo-dodoto idodutuoo, gea ngaro onagona dika abe Ma Jou ai Demo-demo yotoihene de yatobaniiki manga wowangoka. Angamoi onagona dika manga hininga hokogea de ona yodadioka to Ngohi ahi dutu adaene.” Hokogea o Yesusu ai demo onangika.

Yohanese 13:17

De naa ngini nihiorikokau ahi behehongo gea ho duru niamake ma owa ma gou-goungino nako nimaketeleleani abe hoka tinihimatokoka.” Hokogea o Yesusu wahitararono ona iwitobaniikika.

Yohanese 2:5

Ho ngoi meme mahingahu onangika abe yoleleani o rame-rameoka gea mato, “O kia dika o Yesusu winihuloko la nidiai, gea ngini nidiai.”

Filiipi 2:8

De hiadono o nyawa iwimake to Una ai rupa imaketero hoka to onangoli manga rupa. De Una gea duru womahitipokouku de ai Babaika duru wihingounu abe hiadono o duniaka womaboa ka hiadono ai ngomaha itoaka, ma, ai hingounu ai Babaika ko itoa-toakua. Abe ngaro ai honenge gea imakadaene hoka o nyawa ma dorou manga honenge abe o gota isosalioaika iwihidapakuika, ma, Una ka wihingounohi ai Babaika.

Ibarani 5:8

De ngaro Una gea Ma Jou ai Ngofaka, masara gea kiani Unangoo ma kangela de ma huha wohimanga la ka idadi womadotoko genangino abe hokokia wihingounu ai Babaika ngaro ai kangela ma goronaka.