Dodadi 5:2 - Ma Jou ai Demo-demo o Totobelohoka

² De ona gea watulaada o nauru de o ngofeka. Ho ka de yahinooto gea watulaada ibooto de ona wahiowa ho wahiromanga o nyawa.

Dodadi 5:2 Iomraidhean Croise

Dodadi 1:27

Hokogea ma titi Ma Jou watulaada o nyawa la ona ngade-ngade hoka Unangoli, de ona gea watulaada moi o nauru de moi o ngofeka.

Dodadi 1:28

De ona gea wahiowa wato, “Ngohi toigo la ngini ningofa-ngofakuku de nidano-danonguku la duru ko nia ngoe nigogere o dunia ma amokika la o dunia de ma dola mata-mataika niapareta. Ho o nawoko o gahioka de o akeroka, de o totaleo ihoo-hoho, de o aewani mata-mataika ngaro o dofo, de o fuhuku, de imalia-liara, ma, gea mata-mata tinihidoaka nginika la ti ngini nia kuahaka la ka idadi nihiaturu.”

Dodadi 2:15

Ho ka de o nauru gea Ma Jou o Yawe wihidadi ibooto de wiao ai redika gea de genangoka wihigogere la ka idadi o redi gea wogoana de wokarajaanga genangoka.

Dodadi 2:23

Ka de o Adama womimake de wotemo wato, “Oo, naa duru tosanangi, muna naa hoka ngohioli, Ami kobongo idadi to ngohi ahi kobongino, De ami roehoo idadi to ngohi ahi roehino, Ho muna naa tomihiromanga o ngofeka, Angamoi muna naa Ma Jou womihidadi o naurino.” Hokogea o Adama ai demo.

Dodadi 5:3

De o Adama wowango o taongo o ratuhu moi de moruange ai dekana de ahao wamake ai ngofaka womatengoli abe wihiromanga o Seete de to una ai rupa hoka ai babali abe duru wituruuru o Adama.

Maleaki 2:15

De naa tinileha, ngini bote niato ko Ma Jouua abe winihidadi moi de nia fekata? Koua, duru Una gea abe winihidadi moi, abe nia badanginoo de nia womahinoo ma nidadi to Una. De gea to Una ai mau sarakia abe nginioka de aino? Gea woigo wamake o ngofa-ngofaka abe iwiniiki Unangika. Ho mangale ma titi gea hiadono ngini kiani nimagoana nia gogao nia fekatika abe ngini ka o goohi de niilaka munangika.

Matiusu 19:4

De o Yesusu wopaluhu wato, “Ho mode ngini ko niabasauahi Ma Jou ai Demo-demoino ma titi gea? Angamoi genangoka de ihitulihukuoka abe Una wotobatulaada ma dodihiraka de watulaada moi o nauru de moi o ngofeka.

Maruku 10:6

Abeika Ma Jou ai Demo-demo abe inahitararono hokokia duru ma dodihiraka abe ma oraha de watulaada o nyawa. Abe itemo ato, ‘Ma Jou watulaada moi o nauru de moi o ngofeka.’

Hidingoto 17:26

De Una duru ma dodihiraka de witulaada o nyawa womatengo, de ipahaino de o nyawa de o dutu mata-mataika o dunia ma amokika de wonatulaada abe womatengoino gea. De ma dodihiraka gea de womaputuhokau abe ahao ma nyawa de ma dutu o kiaka wagorakiye la naga to ona manga kuaha o nyawa utuika, de abe o kiaka wahiguti la manga kuaha ko iwaka. De ngaro o nyawa manga tonaka ma batingi homoi-homoi ma gea mata-mata ko idadiuahi de Una wohiaturokau.”