Dodadi 48:3 - Ma Jou ai Demo-demo o Totobelohoka

³ Ho gea yowohama o Yakubika de witemo o Yusupika wato, “Ahi ngofaka, naa moi kiani toniade-ade ngonaika ma titi Ma Jou ai behehongo ngoneino. Abe ngohi ma moiuku o Beteloka abe ma ngi gea naga ma romanga moioli o Luusu de genangoka Ma Jou Wokokurutiye womahimatoko ngohino.

Dodadi 48:3 Iomraidhean Croise

Dodadi 17:1

De o taongo ngimoi de hange ipahaika de o Abaraama ai ngumuru adonoka ai taongo morihiwo de hiwo. De ahao Ma Jou o Yawe womahimatokoli unangika de wihingahu wato, “Abaraama, Ngohi naa Ma Jou Tokokurutiye abe o kia dika tato todiai gea ka idadi todiai. Ngona ahi himangoka kiani nowango itiai la ko iwa moi tamake ani datoroka abe ka idadi tonitaere.

Dodadi 17:6

Ngohi tonihiketero hoka o gota abe duru itotohofoko angamoi hokogenangoo ani totofora ahao duru ko manga ngoe de manga gogeroo o tonaka ma ngoeoka. De hiadono naga utu ani totoforaukuino abe ahao yodadi o kokoano ma nyawa.

Dodadi 28:3

De naa tonigahoko la ahao Ma Jou Wopoputurungu wonihiowa hiadono duru nifaa-faatuku hiadono wonihidadi o nyawa manga ngoe manga dutu ho ani totoforauku duru yowoe-woeuku.

Dodadi 48:2

Ho yomahiadonoka de iwihingahu o Yakubika, abe naa yapake ai romanga o Isiraele, de ato, “Ani ngofaka o Yusupu woboaka.” Ho o Isiraele womaribuutu womomikiye hiadono wogogeruku ai koioka gea.

Dodadi 49:25

Ahi ngofaka ngaro Una gea ani totofora manga Jou abe woniduhunu, Ngaro Una Wokokurutiye gea ka ihikaika wonihiowa, Ani hiowa wohiboa o dihangino de o tonaka ma hakino, Winihiowa nia ngo-ngofekaino manga ngofaka ma ngiino, Hiadono manga ngofa-ngofaka ko manga ngoe yakokihuhu.

Huhupu 6:3

De Ngohi abe tomahimatoko o Abarahaamika, de o Isakika, de o Yakubika masara tomafetongo onangika Ngohi Ma Jou Tokokurutiye abe mata-mataika naga ahi kuaha, masara ani tofora yahange gea Ngohi ko tahingahua onangika ahi romanga Ma Jou o Yawe.

Himatoko 21:11

De ma kotaka gea naga Ma Jou ai medebini ma dararono imanoa genangoka ho gea ma kotaoo hoka ihileletongo de ma dararono gea. De to ena ma dararono gea hoka o hakaru ma leto-letongo moi ma romanga o yasipis ma meletongo, de ma hakaru gea duru kohahali de duru ma doo-dodono abe imaketero hoka o kristala ma hakaruoli.

Hihira 1:23

De o Betele ma kota gea, ma dihiraino de o nyawa ihiromanga enangika ato o Luusu. Ho ma oraha o Yusupu ai totoforauku yatotailako ma kota la ka idadi yabaata enangika,