2 Samuele 7:3 - Ma Jou ai Demo-demo o Totobelohoka

³ De o Natana wipaluhu o koanoika wato, “Ahi koano, Ma Jou o Yawe naga de de ngona ho ngaro ani hidee abe ani hiningaka nato nodiai, gea nodiai dika.”

2 Samuele 7:3 Iomraidhean Croise

2 Samuele 7:4

De ahao duru o wange gea ma futuku de Ma Jou o Yawe witemo o Natanika, wato,

1 Kokoano 1:8

Masara naga o nyawa utuoli abe ko yoigoua la o Adonia wituruuru ai baba. Abe o Sadoko manga hidemo ma nyawa, de Ma Jou ai uru ma dodofanga o Natana, de o Benaya abe una o Yoyada ai ngofaka ona ko yosanangiua de o Adonia ai hidee gea. De ngaro o Simei de o Rei de ona abe iwitobagoa-goana manga koano o Dautu, onangoo mata-mata ko iwidomotekua de o Adonia ai hininga gea la womahidadi manga koano.

2 Kokoano 4:27

Masara ka de muna momahiadonoka o Elisaika o lokuoka de muna momarubauku o tonakuku ai himangoka de duru ai lou arihononga masoika. De o Gehasi una waika munangika la womihirehene o Elisaino, masara Ma Jou ai nyawa gea wato, “Nominoaika dika, naga ami huha moi kohadubuho de Ma Jou o Yawe ko wohihingahuahi ami huha ma titi ngohino.” Hokogea o Elisa wotemo.

1 Tawari 22:7

De wihingahu unangika wato, “Ahi ngofaka, tomahingahu ngonaika ma titi Ma Jou ai Tau. Naa ma dekanoka ahi hininga ma hidee la o tau moi todiai duru irahai abe idadi to Una Ma Jou o Yawe ai Tau la hokogea ahi horomati ahi Jouika tohitunguu Unangika.

1 Tawari 28:2

De ahao manga koano o Dautu una womaokoiye de wahingahu ona mata-mataika, wato, “Ahi popareta de ahi gogianongoru, naa ngohi togahoko la ngini mata-mata nitotoihene. Naa ma dekanoka ahi hininga ma hidee la o tau moi todiai duru ma rorahai abe ka idadi Ma Jou o Yawe ai Behehongo ma Peti igogere doka ma goronaka. Abe ena gea imaketero hoka Ma Jou ai lou ma dederu doka ai tau ma goronaka, de gea ma titi ka ihikaika Una wosanangi wogogere ai ngioka gea. Ho ngohi ma dekanino naa ahi hidiai ma ngoe la ngone ka idadi hodiai Ma Jou ai Tau gea.

Higiriiri 37:4

Abe nako ka ihikaika niwidogarago Ma Jou o Yaweika, De Una ahao winihidoaka nginika ena gea abe duru nioigo.

1 Yohanese 2:27

Masara nako ngini, ngaro ufa dika de ona yotobabudi gea inidotoko nginika masara koaho nitotoihene ka Ma Jou o Womaha ai demoino dika. Angamoi ngini niwimakeoka Ma Jou o Womaha nia hininga homoi-homoioka abe ma dihiraino o Kristusu wihidoaka Una nginika. De mangale Ma Jou o Womaha naga nginioka ho ngaro ufa dika o nyawa utuoli gea inidotoko masara koaho ka Una dika winidotoko nginika. De Una gea ka idadi winidotoko ma titi mata-mataika abe ngini niperelu nia ngongaku ma wowangoka, de gea ai dodotokino moioo de ko iwa o ngeluku. Ho ngini kiani nimanoa to Una dika ai dodotokoka la gea o Kristusokaoo ngini ka ihikaika nimanoa.

1 Samuele 10:7

Hokogea ma dodunguu ahao namake ani wowangoka de ngona naniiki dika abe ipuda ani hininga ma goronaka abe namao hokogea irahai nodiai angamoi Ma Jou ka ihikaika naga ngonaka.”

1 Samuele 14:7

De ai dodiawo abe ai parangi ma dae de ma dadatoko watobaao-ao, wato, “Nako ngohi, abeika ngohi naga ani datekoka, ho o kia dika ani hininga adaene genangika nato nodiai, hokogenangoo de to ngohioo ahi hininga tosanangi toniniiki.” Hokogea womahitaana ai tagongo o Yonatanika.

1 Samuele 16:7

Masara Ma Jou witemo o Samuele ai hiningaika wato, “Ko unangua abe naa tiiriki. Ufa ngona natailako o Isai ai ngofa-ngofakika ka manga rupaika dika, eko ani hininga yadaene manga gurutiye dika, angamoi o Eliaba gea ko unangua tiiriki Ngohi. O nyawa manga biaha hokogea dika yatailako o nyawa utuika, de yahidotelega de yairiki ka manga rupa manga poretino dika. Masara Ngohi Ma Jou o Yawe hokogenangua tatailako, Ngohi tomalega manga hiningaika abe ipuda o kiaika manga hininga ma goronaka de hokokia manga hidee ma dumutu. Gea ena abe Ngohi tahidotelega la o nyawa tairiki ona abe ka idadi tapake.” Hokogea Ma Jou wihitararono o Samuelika.