2 Samuele 7:2 - Ma Jou ai Demo-demo o Totobelohoka

² De o wange moiuku Ma Jou ai uru ma dodofanga o Natana una naga o Dautu ai datekoka de o Dautu witemo o Natanika, wato, “Abeika, ngohi naa togogere o tau duru ma rorahaioka naa. De ahi tau yodiai o gota o semaraino abe ka enangohi duru iumuru de duru irahai masara abe Ma Jou o Yawe ai Behehongo ma Peti, ena ka igogerohi o tau ma goronaka abe ka o ngoerino dika.” Hokogea o Dautu ai hininga womahingahu.

2 Samuele 7:2 Iomraidhean Croise

2 Samuele 11:11

De o Uria wopaluhu wato, “Ngaro Ma Jou o Yawe ai Behehongo ma Peti, de ngaro o Isiraele ma tentara, eko o Yehuda ma tentara, ona mata-mata yomatau o ngoerino dika. De ngaro nanga tentara ma hidimono o Yoaba, de abe utu nanga hidimono iwiduhunu, masara to onangoo manga ngidu ikangela ma hoanoka dika. Ho gea duru ko itiaiua nako tomahiaini tososanangi dika ahi tauoka la tolomo, de tokere, de tomaidu de ngohi fekata! Ahi koano, ngohi naa duru tagoungu tonihibehehongo, ngohi duru toluku hokogea todiai abe ko itiaiua!” Hokogea o Uria ai demo duru de ma buturungoka o koanoika.

2 Samuele 12:1

De Ma Jou o Yawe wihidingoto ai uru ma dodofanga, ai romanga o Natana, la woiki o Dautika. Ho una woboa o Dautu ai himangino de ai hingahu unangika ma rupa o hiketero ma ade-ade. Abe o Natana wiade-ade o Dautika hokonaa, wato, “Koano, naga moi abe idadioka kiani toniade-ade de hokonaa ma ade-ade. Naga o nauru yahinooto yogogere o kota moioka de womatengo wohuha o kiahonanga de womatengoli una gea wokaya.

2 Samuele 5:11

De ma oraha o Dautu wodadioka o koano de ahao o Tirusu ma nyawa manga koano o Hurama una wahidingoto ai nyawa yamuruono naga o Dautika. De nagali o Hurama ai nyawa abe yososawaro ihigoko o tau wahidingoto unangika. Abe naga utu yososawaro yopelaka o gota, de utuoli yososawaro yokarajaanga de o papaawa o hakaruoka. De wohidingotoo o semara ma gota ma ago-agomo de ma gogurutiye abe atolangoka. Ho ona mata-mata abe wahidingoto o Dautika ona yomahikarajaanga moi la ihigoko o Dautu ai tau moi duru ma rorahai.

2 Samuele 6:17

De abe ma oraha Ma Jou ai Peti ko yaleuahi de o Dautu o tau o ngoerino ihira wohidiaiukuoka la Ma Jou o Yawe ai Peti ka idadi yakelenga o tau o ngoerino gea ma goronaka. Ho naa yomahiadono genangika de o Isiraele ma nyawa manga gogianongoru o Lewi ma dutuino Ma Jou ai Peti ihingohama de yakelenga to ena ma ngioka abe ihidiaiokau. De ahao naga o Dautu ai huhuba o aewani muruono naga abe womahihuba ma gahumu iharo-harongo. De nagaoo o hikadame ma huhuba muruono naga abe enangoo womahihuba Ma Jou o Yawe ai himangoka.

2 Samuele 7:17

Hokogea Ma Jou o Yawe ai uru ma dodofanga o Natana mata-mata wihingahu o Dautika abe Ma Jou wihingahuoka unangika.

1 Kokoano 1:22

De duru ma oraha gea abe muna de ami rokata ma koano ka yomakoketemohi de o Natana woboaino.

1 Kokoano 1:8

Masara naga o nyawa utuoli abe ko yoigoua la o Adonia wituruuru ai baba. Abe o Sadoko manga hidemo ma nyawa, de Ma Jou ai uru ma dodofanga o Natana, de o Benaya abe una o Yoyada ai ngofaka ona ko yosanangiua de o Adonia ai hidee gea. De ngaro o Simei de o Rei de ona abe iwitobagoa-goana manga koano o Dautu, onangoo mata-mata ko iwidomotekua de o Adonia ai hininga gea la womahidadi manga koano.

1 Tawari 22:7

De wihingahu unangika wato, “Ahi ngofaka, tomahingahu ngonaika ma titi Ma Jou ai Tau. Naa ma dekanoka ahi hininga ma hidee la o tau moi todiai duru irahai abe idadi to Una Ma Jou o Yawe ai Tau la hokogea ahi horomati ahi Jouika tohitunguu Unangika.

2 Tawari 1:4

Masara Ma Jou ai Behehongo ma Peti ma oraha gea ko yanoakaua Ma Jou ai Tau o Ngoerino ma goronaka gea abe naga o Kiriata-Jearioka angamoi naa ma dekanoka abe o Dautu waoka o Yerusaleeme ma kotaika. Abe genangokali Ma Jou ai Behehongo ma Peti wohingohama o tau o ngoerino moiikali abe o Dautu widingakoka Ma Jouika.

2 Tawari 9:29

De naga utuohi iwoe ma ade-ade abe idadi ma oraha o Saloomo wohikoano de ena mata-mata naga ihitulihukuoka o buku hangeoka abe ma romanga, “O Ade-ade abe Ma Jou ai uru ma dodofanga o Natana wohitulihi,” de ma buku moioli, “O Himatoko Ma Jouino abe o Ahia wotulihuku,” abe o Ahia gea una o Siloino ma nyawa. De o buku ma hange ma romanga, “O Himatoko o Idoika,” abe una wotobahioriki abe ahao idadi de wohitulihi ma titi o Nebata ai ngofaka o Yerobeama.

Yohanese 2:17

Gea ka de idadi de ona iwitobaniiki yomahohininga abe itulihukuokau Ma Jou ai Demo-demoka abe itemo ato, “Ahi Baba, ahi dora alufungoka ani tauika hiadono ko tomatongohonokaua ho kiani ani tau todatoko o dorouino.”

Hidingoto 7:46

“De Ma Jou wisanangi nanga tofora o Dautika. De ipahaino de naga o Dautu ai hininga moi ipuda, ho una wogahoko Ma Jouika wato, ‘Ahi Jou, ka idadi ngohi todiai o tau moi abe ahao idadi to Ngona ani gogere? De tohigoko ipaha de ahao genangoka o Isiraele ma nyawa mata-mata ka idadi yomahuba-huba Ngonaiye.’ Hokogea o Dautu ai gogahoko Ma Jouika.