2 Samuele 4:11 - Ma Jou ai Demo-demo o Totobelohoka

¹¹ Ho o wange naa de marai ahi datoro imaketero dika abe tinihibalaha nginika! Angamoi ngini naa niwitomaka o nauru womatengo abe ko iwa ai howono, abe una iwikiooko to una ma hirete ai koioka de to una ma hirete ai tau ma goronaka. De ti ngini nia datoro gea duru itorou ho ngohi tato itiai nia howono ma tagongo imanoa nginioka dika. Ho koaho irahai nako o duniaino inihirehenoka!”

2 Samuele 4:11 Iomraidhean Croise

Dodadi 4:11

De angamoi gea ngona nitomaka hiadono ani dodoto ai awunu ahiihoka o tonakuku ho o tonakino tapake la tonihohowono.

Dodadi 6:13

Ho Ma Jou wihingahu o Nuhika wato, “Ngohi tomaputuhoka o nyawa abe naga o duniaka kiani tahibinaaha angamoi o nyawa manga sade dika ihidagi. Hokogea manga wowango ma datoro ka hiadono o dunia ma amokika aomanga de manga dorou. Ho Ngohi tato ngaro o nyawa de ngaro o aewani ma, kiani mata-mataika tahibinaaha ka ma moi de o nguihi.

Dodadi 7:23

Duru ko moiua abe iwango o dunia ma lokuoka de ko ihonengua, ngaro o nyawa de ngaro o aewani. De ngaro imalia-liara dau o tonakoka eko daku ma hoanino ihoo-hoho ma enangoo ka ma moi iofioka o dunia ma lokuino. Ma hou yowangohi o Nuhiokahi de ngoi fekata de ai ngofa-ngofaka de manga feka-fekata de o aewani mata-mata abe naga o kapa ma goronaka.

2 Samuele 3:27

Ho ka de yomahiadono de o Yoaba wihidohikika o Abanera ma kapongo ma ngorana ma datekika, abe bari ai hininga la wihingahu o demo moi unangika. Masara genangoka ka itodokanino de witopoko o Abanera ai pokoroko hiadono wihohonenge. De hokogea o Yoaba wihibalaha ai dodoto o Asaele abe ma dihiraino de o Abanera wihohonengoka.

2 Samuele 3:39

De marai ngohi naa todadioka ti ngini nia koano angamoi Ma Jou wohigorakoka. De ngaro ngohi nia koano ahi kuaha hatoli ilamoko masara done ko iwedonua angamoi ko takunua tahipareta o ngo Seruya ami ngofaka o nauru yahinooto gea. Abe o Yoaba de o Abisai onangoo manga kuaha ilamoko. Ho ngohi tato marai kiani Ma Jou o Yawe dika abe wahibalaha ona yahinootoika ma titi manga datoro ma dorou!” Hokogea o Dautu ai demo ai tentara ma hohidimonika.

1 Kokoano 2:32

De ngohi tigahoko Ma Jouika la Una wihohowono o Yoabika abe duru imakataana de ai datoro ma dihiraino gea. Abe wahohonenge o nauru yahinooto abe nako ona de una de ka onangohi manga hininga de manga datoro itiai Ma Jou ai himangoka. De gea o Yoaba wihohonenge o Nere ai ngofaka o Abanera abe una wodadi o Isiraele manga tentara ma nyawa manga hidimono wokokurutiye. De nagali wihohonenge o Yetere ai ngofaka o Amasa abe una wodadi o Yehuda ma nyawa manga tentara ma hidimono. De abe ma oraha wahohonenge ona yahinooto de gea womatohiki wodiai angamoi ahi baba o Dautu duru ko wihiorikua ma titi o Yoaba ai hidee ma dorou gea.

Huhupu 21:12

De hokonaa Ma Jou ai pareta abe o Musa wadofanga o Isiraele ma nyawaika, wato, “Onagona dika nginioka abe nako yapoha o nyawaika hiadono yohonenge, ona gea kiani niahohowono ka hiadono onangoo yohonenge.

Huhupu 9:15

Naa ma duruino ma muruono ibooto Ngohi tanu ka idadi tapake o kokangela duru ma amoko ka hiadono ngini tinihikokiofi o dunia ma lokuino.

Sosawaro 2:22

Masara o nau-nauru abe manga datoro ka ihikaika itorou, ona Ma Jou ahao wahihupu o behehongo ma tonakino gea. De ona abe yogogere o behehongo ma tonakoka de iwihibehehongo Ma Jouika ato iwiniiki masara iwilawana de ko yodiaiua abe iwihibehehongoka, ona gea ahao Ma Jou waumo hiadono ko idadiokaua yogogere o behehongo ma tonakoka gea.

Habaku 1:12

De ipaha o Habaku ma moioli womaniata Ma Jouika wato, "Ahi Jou o Yawe, tohioriki abe Ngona naa duru ma dodihiraka de Ngona nagau, de ka ihikaika ani hininga ma rorahai dika. De Ngona nomigoa-goana la ufa ngomi mihotumu, abe nomahidadi hoka to ngomi mia dadatoko. Masara naa done ma titi o kia hiadono nahidingoto o Babele ma nyawa gea la imihikangela de imihohowono ngomino?

Habaku 1:4

De mangale ma titi manga wowango hokogea hiadono to Ngona ani Pareta duru ko ilakuokaua ngomioka! Ngaro yaurusu o nyawa ma titi manga dorou masara gea duru ko ihofokua. De barikua o hiurusu ma ngioka de o dorou ma nyawa ka idadi yahikangela o totiai ma nyawaika! De gea ma titi hiadono o totiai duru ko ilaku-lakua ngomioka.” Hokogea o Habaku ai daiana ma demo Ma Jouika.

1 Yohanese 3:12

De gea ufa ngone homaaduru abe hoka o Kainoli ai dohata ma dodihiraka, abe una gea ma titi widohata ai dodotika ho hiadono ai datoro itorou wodiai imaketero hoka o Ibilihi ma haeke abe enangoo ma datoro itobatorou. Angamoi una duru ma dodihiraka de witoma to una ai dodoto. De naa tonaleha, ma titi o kia hiadono una ai dodoto witoma? De gea ma titi to una ai datoro ka ma dorou dika masara nako to ai dodoto ai datoro gea ka ma totiai dika wodiai. De gea dika ma titi ho hiadono o Kaini widohata ai dodotika de hiadono witoma unangika.