Biblia Todo Logo
Bìoball air-loidhne

- Sanasan -




1 Samuele 9:2 - Ma Jou ai Demo-demo o Totobelohoka

2 De o Kisi ai ngofaka ai romanga o Saulu abe ngaro o Isiraele ma nau-nauru mata-mataika ma, ka unangohi worahai de una wokurutiye hiadono nako o Isiraele ma nau-nauru mata-mataika yahikutuga de ka o Saulohi wofoloiiye o buhaanga moi de ma hononga.

Faic an caibideil Dèan lethbhreac




1 Samuele 9:2
10 Iomraidhean Croise  

De naga o nau-nauru abe yahiromanga Ma Jou ai ngofa-ngofaka, de ona yamake o nyawa utu manga ngofa-ngofaka o ngo-ngofeka abe duru yorahai de duru manga hafini itagi o ngo-ngofekaika gea. Ho manga fekata yomangiriki ko ma titiua manga wowangoino masara manga hailoaino dika hiadono yomangiriki manga fekata.


Ma Jou o Yawe ai hininga womahingahu wato, “Una gea abe duru de ai sosawaroka ufa womagoraka wato, ‘Ngohiohi ahi hininga de ma tobahiorikoka.’ De una gea abe duru wopoputurungu ufa womagoraka wato, ‘Ngohiohi toputurungu.’ De una gea abe duru wokaya ufa womagoraka wato, ‘Ngohiohi ahi tiwi duru iwoe.’


De igoungu miamake ona abe ma dihiraino manga romanga o Nefilimi ma nyawa ma titi duru yonauru ho duru yototomoroini. De manga tofora ma dodihiraka o Enaka ho manga badanga duru ma ago-agomo hiadono ngomi miamao hoka mia badanga ma amoko hoka o kabotarokahi de onangoo yomalega ngomino de hokogea to onangoo manga hininga.” Hokogea o nauru yangimoi abe o Kalebe de o Yosua yadodiawo o Kanani ma tonaka yatailako manga hininga ka hiadono duru yahihawana manga gogianongoruika.


De ahao o Benyamini manga dutu dika manga dodoomu muruono naga homoi-homoiika to onangoo naga manga hihira ho manga doomu ma hihira gea yokokiboa la yomaokoino Ma Jou o Yawe ai himangoka de hokogea yodiai ka hiadono o Materi ma famino Ma Jou wairiki. De o fam Materi ma nau-naurino naga Ma Jou ai ngiriki ma dodunguu de iwidaene o Saulika abe una o Kisi ai ngofaka. Ho o Saulu gea ona iwilingiri masara una hoka ko iwiwa genangoka ngaro kangano naga!


Masara Ma Jou witemo o Samuele ai hiningaika wato, “Ko unangua abe naa tiiriki. Ufa ngona natailako o Isai ai ngofa-ngofakika ka manga rupaika dika, eko ani hininga yadaene manga gurutiye dika, angamoi o Eliaba gea ko unangua tiiriki Ngohi. O nyawa manga biaha hokogea dika yatailako o nyawa utuika, de yahidotelega de yairiki ka manga rupa manga poretino dika. Masara Ngohi Ma Jou o Yawe hokogenangua tatailako, Ngohi tomalega manga hiningaika abe ipuda o kiaika manga hininga ma goronaka de hokokia manga hidee ma dumutu. Gea ena abe Ngohi tahidotelega la o nyawa tairiki ona abe ka idadi tapake.” Hokogea Ma Jou wihitararono o Samuelika.


De naga o Filistina manga tentara womatengo o Gaata ma kotaino, abe duru wojago de ona yomahinganono unangika, ai romanga o Goliata. De una wohupu manga tentara ma doomuino la womatengo dika wahimanga o Isiraele manga tentaraika de wadodanauru onangika de ai ilingi ma amokiye la o Isiraele manga tentara womatengo woboa la yomadengo yomaketeparangi. De o Goliata gea ai gurutiye ngade-ngade ai metere hangeiye.


De o wange moiuku o Kisi ai keledai muruono naga ihihanga de o Kisi wihuloko o Saulika wato, “Saulu, kiani ngona noiki nolingiri nanga keledai de irahai nanga duduhunu womatengo niahoko la una wonidodiawo.”


Lean sinn:

Sanasan


Sanasan