1 Samuele 9:1 - Ma Jou ai Demo-demo o Totobelohoka

¹ Naga o Isiraele ma nyawa womatengo abe womahidutu o Benyamini ma dutuika ai romanga o Kisi de una wokaya abe ai kiahonanga ma ngoe de una de ai kuahaka. O Kisi ai baba o Abiele, de ai ete o Sero, de ona mata-mata o fam Bekora abe o Afia ma doomuino o Benyamini ma dutuoka.

1 Samuele 9:1 Iomraidhean Croise

Estere 2:5

De ma oraha gea naga o Isiraele ma nyawa womatengo ai romanga o Modekai wogogere o Susana ma kota ma honongaka abe o koano ai tau naga genangoka. O Modekai gea ai baba o Jairi, de ai ete o Simei, de ai kuwewete o Kisi de manga tofora o Isiraele ai ngofaka o Benyamini ho ona yomahiromanga o Benyamini ma nyawa.

Hidingoto 13:21

De ma oraha gea de nanga totofora duru yomagaho-gahoko la ka idadi naga manga koano abe wahikoano onangika. De Ma Jou wohimoteke to ona manga hininga de wihidoaka onangika o Saulusu abe una o Kisi ai ngofaka abe womahidutu o Benyamini ma dutuika. Ho Ma Jou wigoraka o Saulusu gea la wodadi manga koano de una wahihira-hira o taongo moruata ma dekanino.

1 Samuele 10:23

De igoungu una iwimake manga kiahonanga ma hidogoronaka ho iwihihupu de iwiao manga kokawaaha manga himangoka de ona mata-mata ka idadi iwimake angamoi ngaro manga nau-nauru mata-mataika ma ka unangohi ai gurutiye wofoloi abe o nauru utu iwiadono ka o Saulu ai belekaino dika manga gurutiye.

1 Samuele 14:51

De o Saulu woama o Nereika angamoi una de o Kisi, o Saulu ai baba, ona o ria-dodoto idodutu abe manga baba moi de to una ai romanga o Abiele.

1 Samuele 25:2

De ipahaino naga womatengo ai romanga o Nabala abe o Kalebe ai totoforaukuino. De to una ai romanga gea ma titi o bodo ma nyawa. De o Nabala una gea womanoa o Maono ma kotaka, de una duru ai kiahonanga iwoe. Abe naga ai kabingi o gahumu o sana moi de ai domba o gahumu o sana hange. De to una ai datoro ko itiaiua de ka ihikaika o nyawa wao itorou onangika. Masara nako ngoi fekata o ngo Abi, muna gea duru morahai de mososawaro. De gea adonoka ma oraha abe o Nabala ai nyawa yaguti ai domba mata-mataika la to ena ma gogo yomamake. De manga karajaanga gea yodiai o Karamele ma ngioka.