Ho ngini ahao winihidoaka o roehe abe ka idadi niaolomo o futu naa. De ahao o ngorumino de winihidoakoli o roti hiadono duru inikokiwedono homoi-homoiika o roehe de o roti. Ho de gea ena wodiaioka de duru winihitararono nginika abe ma titi o kia dika niakurubungu ngaro ufa de ngomino nimihigurubungu angamoi nia gurubungu ma demo gea ma dumutu duru Ma Jou o Yaweika!” Hokogea o Musa de o Harunu yahingahu ona mata-mataika.
1 Samuele 8:7 - Ma Jou ai Demo-demo o Totobelohoka7 De Ma Jou o Yawe wihingahu o Samuelika wato, “Samuele, to ona manga gogahoko naniiki dika de nahidoaka o koano. De angamoi gea ko ngonaua abe inioluku masara ma titi Ngohioo naa ona ihiolukoka angamoi ona ko yoigokaua abe Ngohi Ma Jou dika tahikoano onangika. Faic an caibideil |
1 Samuele 8:7
22 Iomraidhean Croise
De o futu gea idadi hoka o Bileama wonganono abe Ma Jou woboali unangino de wihingahu wato, “Bileama, abe ona naa yoboaino ka idadi naniiki angamoi manga koano wonibehehongo. Ho ngona noiki naniiki masara abe ahao nodiai gea ena dika abe Ngohi tonihingahu ngonaika la ka idadi nodiai. De ufa naniiki to ona manga huhuloko ngonaika.” Hokogea Ma Jou wihingahu o Bileamika.
De ahao o Yesusu wahitararono moioli ona yamoritumidika wato, “Onagona dika abe ahao yodafongo de manga sanangi ti ngini nia hingahu ma demo, ona gea ihidafongoli Ngohi naa. Masara onagona dika abe inioluku nginika, gea Ngohioo ihioluku. De abe ihioluku Ngohino, gea ka Ngohiua dika ihioluku masara ahi Baba abe wohihidingo-dingotino, Unangoo iwiolukoka.” De hokogea o Yesusu ai behehongo ma demo wahibehehongo abe iwinii-niiki yamoritumidika. De wahibehehongo ibooto de ona yokokisobo manga dumutu ma ngiika amomoiika.
“Hokogea wahibehehongo de ahao una wosoboka. Masara to una ai kokawaaha ona gea iwidohata unangika, ho yahidingoto manga nyawa yamuruono naga la onangoo yomataiti yoiki ma kokoano manga koano wokokurutiyeika gea. Ho ona iwiadono de yomagahoko ato, ‘Ngomi naa abe migogere mia tonakoka duru ko mioigoua la una gea nihidadi to ngomi mia koano, angamoi tanu koaho ufa una womihikoano ngomi.’”
“De ma koano wogila-gila wotemo wato, ‘De naa abe ma titi ona ma dihiraino ihilawa-lawanoka de yoluku la ngohi todadi to ona manga koano, abeika ngini niatoomuino de niao nenangino la niakokitomaka dika naa ahi himangoka.’” De hokogea o Yesusu ai hiketero ma ade-ade abe wadotoko iwinii-niikika la wahigaro onangika wato ona ka ihikaika yao irahai manga tagongo Unangoka de aino ka hiadono Una woboali.
Naa duru tagou-goungu tinihingahu, o nyawa abe yodadioka o huhuloko ko idadiua yotemo ato, ‘Nako ngohi de una gea wohihuloko, ka ngohiohi tokurutiye,’ ko idadiua hokogea yotemo. De hokogenangoli o nyawa yahuloko manga dodiawoika ato, ‘Noiki ahi demo nototaka la nahingahu onangika hoka tonihibehehongoka,’ ho una abe woiki wohingahu ko idadiua ahao womagoraka wato nako o demo ma dutu de una, ka unangohi wokurutiye.
De abeika, ngaro hokogea ka ihikaika tiniduhunu masara ngini o Isiraele ma nyawa nihiolukoka Ngohi la tinihikoano abe ngini nihigali-gali nimagahoko dika, niato, ‘Ngomi duru mia mau la ka nomihidoaka dika womatengo mia koano.’ Hokogea ngini nimagahoko ho naa adonoka ma oraha nia gogahoko gea topaluhu abe Ngohi tiiriki womatengo nginino naa la tihidadi nia koano. Ho naa kiani nimahikaaturu la nimakeregu la nianiiki nia dutu ngimoi de hinooto. Gea nimahikaaturu ibooto de ahao de nia dutu ngimoi de hinooto homoi-homoi ngini niboa Ngohi nia Jou ahi himangoka ka hiadono nimakawalimi nimahikokimatoko Ngohino. Hokogea nidiai la Ngohi Ma Jou o Yawe tinihidumutu nia dutu moi abe onangino tairiki nia koano. De ahao nia dutu gea abe adaenoka kiani yomareguoli de to onangoli manga dodoomuoli la manga doomu homoi-homoiika yomakawalimi yomahikokimatoko ahi himangoka la hiadono tairiki manga doomu abe onangino tinihidumutu una abe tihidadi nia koano.” Hokogea Ma Jou ai hingahu o Isiraele ma nyawa mata-mataika abe yomatoomuino o Misapa ma kotaka o wange gea.
De Ma Jou o Yawe wopaluhu wato, “Ngona naniiki dika to ona manga hininga de nahidoaka onangika manga koano abe hoka yomagahokoka ngonaika.” Ho o Samuele wihingounu Ma Jou de wahingahu o Isiraele manga dimo-dimono, wato, “Ngohi tokokiihenoka nia demo ho ngaro nikokilio nia tau homoi-homoiika.” Hokogea ma ade-ade abe ma oraha o Isiraele ma nyawa yoluku Ma Jou wahikoano iti naga o nyawa womatengo abe ka idadi ona yomahikoano unangika.
Sanasan