1 Samuele 7:6 - Ma Jou ai Demo-demo o Totobelohoka

⁶ De ona o Samuele iwihigihene ho duru ko manga ngoe yokokiboa o Misapa ma kotaino de genangoka yomatoomuino la yodiai o huhuba duru ma amoko. De manga huhubaino gea de ona ihitunguu Ma Jou o Yaweika manga toduba. Ho yomagui-guiti o akere o humuino de ma akere gea yakopoa Ma Jou o Yawe ai himangoka. De o wange moi ma gahumu duru ko yolo-olomua bowahu ka yomangaku dika manga howo-howono abe Ma Jou o Yaweika. De genangoka o Samuele o Isiraele ma nyawa waurusu abe manga howono watailako de ona abe itaana yahowonoka gea una dika manga hohowono waputuhu.

1 Samuele 7:6 Iomraidhean Croise

Dodadi 31:49

De ngaro Ma Jou wonagoana ngona de ngohi la ngaro homakitingaka ma gurutika ma ko hatilakurua abe hoka homahiketehibehehongoka nenangoka.” De ma titi ai demo gea hiadono ma ngi gea o nyawa ahao ihiromanga, “o Gogoana ma Dodunguu.”

2 Tawari 20:3

Ka de o Yosafata manga hingahu gea woihene de ai hawana ipuda de womaputuhu abe duru ihira wodiai kiani womaniata Ma Jou o Yaweika la wamake to Una ai ngekomo. De kiani ai kokawaaha to onangoo manga hininga ma dumutu moi dika de gea la ona mata-mataika iwiniiki yomagahoko Ma Jouika. Ho o Yosafata wahibehehongo la ona o Yehuda ma tonakoka mata-mataika ufa yolomo ka hiadono yamake Ma Jou ai hininga onangika.

Higiriiri 106:6

Hokogea tomagahoko Ngona Ma Jouika masara, hiokoo! Ngomioo ma oraha naa miahowonoka! Miahowono imaketero hoka mia totoforali yahowono Ngonaika. Ona yohira yodiai itotorou de ma oraha naa ngomioo midiai itotorou!

Yeremia 31:19

De igoungu miniporetoka masara ipahaino de naga mia toduba ho mia hininga miaturuuruoka. De abe mia hininga mimahiorikoka de ahao mimapoha-poha mia aluiha ma titi mia hininga ma toduba gea. De igoungu mia hiningaka de duru imimaleke ma titi mia datoro ma pese-peseke abe ko mibaluhuahi de midiaioka.’ Hokogea ngini nimahingahu nia howo-howono Ngohino.

Gogao 16:29

De ahao o Musaika Ma Jou wihingahu naga o wange moi abe wairikoka la idadi o Howono ma Dadamunu ma Wange abe o wange gea Una ma hirete womadingakoka. Ho ka de adonoka o wange gea de ai behehongo ma hiaturu mata-mata gea kiani yaniiki itiai abe kanganoino Una wihingahuoka o Musaika. Abe ma titi Ma Jou wotemo wato, “De duru o tao-taongiye kiani o mede ma tumiduku de o wange ngimoioka ngini o Isiraele ma nyawa de ona o homoaino ma nyawa abe yogogere nginioka kiani ngini mata-mata nianiiki o hiaturu ma behehongo nenanga mata-mata abe kanganoino tinihitararonoka. De gea angamoi adonoka o Howono ma Dadamunu ma Wange abe Ngohi Ma Jou tomadingakoka. De o wange gea ufa ngini niolomo la nimahitipokouku to Ngohi ahi himangoka. De o wange gea duru ko idadiua nimakarajaanga abe nia karajaanga o kia dika.

Lukasa 15:18

Ho ngohi naa koaho tosobo tolio ahi babaika. De abe tomahiadonoka unangika de ahao ka idadi tihingahu tato, “Baba, ngohi tahowonoka ngonaika de Ma Jouikaoo o Horogaka.

Hihira 10:10

De mangale ma titi duru yokangelaka ho ipahaino de ona duru yomagaho-gahoko o duduhunu Ma Jou o Yaweika ato, “Ngomi naa duru miahowonoka. Abe ngomi miniporete Ngona la ka idadi mimahijou utuika, de gea mimahuba-huba o Baala ma popangaoika.”

Hihira 10:15

De ona yoihene ai demoino de iwipaluhu Ma Jou o Yaweika ato, “Koua, ufa hokogea nodiai! Ngona ani demoino de duru nagoungu abe ngomi naa miahowonoka. Ho mimagahoko la Ngona nomihohowono abe hokokia dika itaana de ani hininga. Masara iti o wange naa dika de Ngona nomiduhunu de nomihihupu mia musu manga giamoka de aino!”

Hihira 2:4

Ka de Ma Jou o Yawe ai demo gea wahingahu ibooto de o Isiraele ma nyawa manga kokihiningaka duru ikokihuha de ka ma moiika duru yoari-ari.

Hihira 3:10

Abe Ma Jou o Yawe wihikuaha o Otiniele de ai Womaha la una ka idadi wahihira-hira o Isiraele ma nyawa de watoomuino o Isiraele ma nau-nauru la yotentara. De ahao o Otiniele ai tentara watoomuino de yoiki yoparangi. De Ma Jou o Yawe waduhunu la iwihikala o Arama ma nyawa manga koano o Kusiana-Risataimi. Ho ka de Ma Jou o Yawe wihidoaka manga koano gea o Otinielika de o Isiraele ma nyawa ko yohuhakaua genangoka de yomakadame de ona abe manga gogere o Mesopotamia ma tonakoka.

1 Samuele 1:15

Masara o ngo Hana mopaluhu unangika mato, “Ahi baluhu, ufa nofikiri ngohi ihidaluku angamoi ko enangua abe ma titi ngona nohimake toari-ari hokonaa. Ngaro o angguru ma gohaka eko o daluku utu ma duru ko taokerua. To ngohi ahi kangela ilamoko ma titi ahi hininga ihuhaholi hiadono ahi huha tomahingahu Ma Jou o Yaweika.

1 Samuele 10:17

De ahao o Samuele wabehehongo o Isiraele ma nyawa mata-mataika la yoboa o Misapa ma kotaino la genangoka yomatoomuino Ma Jou o Yawe ai himangoka.

1 Samuele 12:10

De o Samuele ai hohininga ma demo gea wohigila-gila wato, “De ipahaino de duru yokangelali de ona de manga huha ma gari yomagahokoli Ma Jou o Yaweika de yogari-gari yomangaku manga howono Unangika, ato, ‘Mia Jou, Ma Jou o Yawe, ngomi naa miahowono ma amokoka Ngonaika abe miniporetika de mimahuba-huba o Baala de o ngo Asitorete ma popangaoika. Masara ka de Ngona nomihihupu to ngomi mia kangelaino naa, abe mia musu imihikangela, de ngomi minihibehehongo ka Ngonaika dika mimahuba-huba.’

1 Samuele 7:15

De o Samuele una o Isiraele ma nyawa manga hihira ka hiadono ai wowango ma bahaika.