De naga o Filistina manga tentara womatengo o Gaata ma kotaino, abe duru wojago de ona yomahinganono unangika, ai romanga o Goliata. De una wohupu manga tentara ma doomuino la womatengo dika wahimanga o Isiraele manga tentaraika de wadodanauru onangika de ai ilingi ma amokiye la o Isiraele manga tentara womatengo woboa la yomadengo yomaketeparangi. De o Goliata gea ai gurutiye ngade-ngade ai metere hangeiye.
1 Samuele 5:8 - Ma Jou ai Demo-demo o Totobelohoka8 Ho ona yabehehongo manga haeke yamotoaika la ona yokokiboa yatutumu o nyawa abe yogogere o Asodo ma kotaka. De ma oraha manga haeke yamotoa gea yoboa de yaleha onangika ato, “Mia balu-baluhu kiani nimihingahu abe hokokia ngomi naa midiai de o Isiraele ma nyawa manga Jou ai Peti gea.” Hokogea manga gogahoko manga poparetaika. Ho manga haeke yamotoa gea yomakoketemo ma titi Ma Jou ai Peti gea ka hiadono naga manga putuhu de ahao yahingahu o Asodo ma nyawaika ato, “Ka idadi o Isiraele ma nyawa manga Jou ai Peti gea niao nanga kota o Gaataika.” Ka de hokogea manga popareta manga putuhu yoihenoka de o Isiraele ma nyawa manga Jou ai Peti yagoraka de yaturuuru abe yao o Gaata ma kotaikali. Faic an caibideil |
1 Samuele 5:8
11 Iomraidhean Croise
De abe ma oraha o Isiraele manga tentara yamake o Goliata wohonengoka de ona ihiboa-boaka o lolaku ma hagaaga de ka ma moi yomapopaata yokokiuti dau ma dolauku. De yakiniiki o Filistina ma tentara abe naa yokokiloara manga poretoko. De o Isiraele ma tentara yakokidaene manga musu gea de manga ngoe yatoma. De yogila-gila yanii-niiki de yatoma ka hiadono o Gaata ma kotaika de hiadono o Ekono ma kota ma ngoranika. Ho o Filistina ma tentara manga honenge de ona abe yonabo-naboka hiadono ko idadiokaua yomangakunu yotagi naga yahikabarihi o Saraimi ma ngekomoka ka hiadono o Gaata ma kotaika de o Ekono ma kotaika.
De ona yotemo ibooto ho manga koano wiahokino o Dautu de wihingahu unangika wato, “Ngohi ahi demoino naa de duru tagou-goungu Ma Jou o Yawe ai himangoka. Abe ngohi tonietongo o nyawa abe duru toningaku ngonaika, ho nako ngohi ahi hininga tosanangi dika la homakiniiki o parangioka. Angamoi ngaro ma dihiraino abe noboaino de nohinii-niiki de hiadono ma oraha naa masara ani howono moioo de ko tamakeuahi. Masara nako ahi tentara manga hohidimono, ona gea duru yoluku la ngona nominiiki ma oraha miparangi.
De ona yomataiti yabehehongo manga haeke yamotoaika la manga popareta ma nyawa gea yokokiboa de yomakoketemoli manga hiaturu Ma Jou ai Petika. Ho ka de ona yokokiboaka o Ekono ma kotaino de yomatoomuino de naga o Ekono ma nyawa duru yomagahoko onangika ato, “Mia balu-baluhu nimihigihene, o Isiraele ma nyawa manga Jou ai Peti gea kiani nimataiti nihigilio to ena ma tonakika! Nako hokogenangua ngini nidiai de ko ngomiua dika mihonenge masara to ngomi mia nyawa mata-mata o kotaka nenanga ahao mihonenge ree-ree!” De hokogea marai yagoungu angamoi o panyake Ma Jouino duru kohadubuho de imulaengoka manga kota ma goronaka. De o hawana kohaamoko imahora-hora o kota ma amokika.
Ho de ahao o Filistina ma nyawa ato marai manga panyake gea ma titi Ma Jou ai Peti naga manga hidogoronaka ho ona duru de manga huha yotemo ato, “Ko idadiokaua o Isiraele ma nyawa manga Jou ai Peti gea hohigunoa igogere ngoneoka! Manga Jou gea duru de ai kuaha ma buturungu wonahikangela de ma dubuhoholi. Abe ngaro ngoneino de ngaro to ngone nanga pangao o Dagonika ma inakokidaene.” Hokogea manga hininga ma huha ihidemo.
De ahao ona yahokino manga pangao ma hidemo ma nyawa de ona abe yososawaro yomai-maihi. Ho ka de yomatoomuinoka o ngi moioka de yaleha onangika, ato, “Ngini naa abe minitoomuinoka nenangoka gea ma titi Ma Jou o Yawe ai Behehongo ma Peti. De abe mimahinganono nginika gea la nimihingahu abe hokokia midiai de ena gea. Ho o kia ma ngekomo ma hiaturu la ka idadi Ma Jou o Yawe ai Peti gea mihigilio to ena ma tonakika?” Hokogea yaleha.
Sanasan