1 Samuele 4:9 - Ma Jou ai Demo-demo o Totobelohoka

⁹ Hokogea manga hawana ma demo ho ahao manga hihira duru manga tentara yahigaro ato, “Ngini o Filistina ma nyawa kiani ngini ninauru la hiadono duru de nia buturungoka niaparangi onangika! De angamoi nako ko genangua ngone ahao hodadi to ona manga huhuloko imaketero hoka naa ma dekanino ona gea yodadi to ngone nanga huhuloko. Ho kiani duru de nanga domoroini haparangi abe hoka ko ma moiuahi de nanga buturungu ma gahumu hapake!”

1 Samuele 4:9 Iomraidhean Croise

2 Samuele 10:12

Ho kiani ngone homatotomoroini dika la haparangi duru de nanga buturungoka. Done ahao nanga musu gea yoboa nanga tonakino de inahibinaaha to ngone nanga nyawa mata-mata de nanga kota-kota abe Ma Jou wonahidoakoka. Ho iti to Una gea ai mau de ngone ka idadi hahikala nanga musuika gea!”

1 Korintusu 16:13

De naa ngohi tinihigaro ngini mata-mataika la nimaakokigoana. De kiani nimahiputurungu nia ngongakuoka la ufa nikelu-kelu. De kiani ngini ninauru la hiadono nia domoroini naga.

Hihira 10:7

De mangale ma titi manga datoro gea ho Una duru wangamo ai nyawaika hiadono wahidoaka ona o Filistina de o Amono ma nyawa manga kuahaika.

Hihira 13:1

De ahao o Isiraele ma nyawa yomulaengoli yodiai itotorou Ma Jou o Yawe ai himangoka ho wahohowonoli. De angamoi yotobadiaioli itotorou ho Ma Jou o Yawe wahidoaka o Filistina ma nyawa manga kuahaika de ona yapareta o Isiraele ma nyawa de ma dubuhoka o taongo moruata ma dekana.

1 Samuele 14:21

De ma dihira naga o Isiraele ma nau-nauru utu yomahisapuru o Filistina ma nyawa manga tentaraika de ngaro ahao manga gogianongoruikaoo yaparangi ma yomafikiri iti ufa ona ma hirete yohonenge. Masara naa ka de yamake o Filistina ma tentara yokala de yomangalioli to ona manga doomuika la yolio yaduhunu o Saulu de o Yonatana de manga gogianongoruika.

1 Samuele 4:8

O kokangela inadaenoka! De onagona ka idadi inaduhunu halawana o Isiraele ma nyawa manga popangao abe duru de ma buturungoka? Manga popangao nenanga igoungu ena gea abe ma dihira o Mesiiri ma nyawa yahibinaaha de o hibinaaha ma kiahonanga irupa-rupa ma oraha o Isiraele ma nyawa yoiki o tonaka ma kakaahaika.”