1 Samuele 4:8 - Ma Jou ai Demo-demo o Totobelohoka

⁸ O kokangela inadaenoka! De onagona ka idadi inaduhunu halawana o Isiraele ma nyawa manga popangao abe duru de ma buturungoka? Manga popangao nenanga igoungu ena gea abe ma dihira o Mesiiri ma nyawa yahibinaaha de o hibinaaha ma kiahonanga irupa-rupa ma oraha o Isiraele ma nyawa yoiki o tonaka ma kakaahaika.”

1 Samuele 4:8 Iomraidhean Croise

Huhupu 15:14

O nyawa ahao yaade-ade abe o heheranga nodiaioka, Hiadono o nyawa manga dutu mata-mataika ahao yoihene, Ka de yoihene gea Ngona nodiaioka de ona yofafara, Ho yalufungoka o hawana ma dorou o Filistina ma nyawaoo.

Huhupu 7:5

De hokogea tahimatoko o Mesiiri ma nyawaika ahi buturungu abe ka de o Isiraele ma nyawa tahihupu o Mesiiri ma nyawa manga tonakino de ona ahao yomangaku Ngohi tokokurutiye, Ngohi Ma Jou o Yawe.” Hokogea Ma Jou ai hidee wihingahu o Musaika.

Huhupu 9:14

De nako ngona ka nolukohi ahi behehongo naa de ahao ngohi o bodito ma kokangela moioli tohidingoto. De ma kokangela gea duru itubuho ani kokawaahaika o Mesiiri ma tonaka mata-mataika ka hiadono ngona de ani duduhunoo niaborimake ma kangela gea la ngini mata-mataika duru nihihioriki Ngohi Ma Jou. Hokogea Ngohi todiai la duru tomahitaana nginika abe o duniaka naa ko moiua naga ma pangao la yakunu ihihikala naa Ngohi.

Himatoko 11:6

De ona yahinooto gea naga de manga kuahaka la daku ma hoanino yatatoko ho ko iawanokauahi abe hokokia ma dekanino ona yahingahu-ngahu o nyawaika Ma Jou ai Demo-demoino. De onangoka naga manga kuahaoo la o akere yahidadi o awunu, de ka idadioo o kangela eko o huha o kia dika naga adaene manga hininga, ma gea ka idadi o dunia ma nyawaika yahipoha de ma kangela gea. De ona yahinooto ngaro manga hininga la ato ihigali-galioli yahipoha de o kangela gea, ma ka idadi yodiai.

1 Samuele 4:7

Ka de o Filistina manga tentara yoihene ma abari gea de duru yalufungoka de manga hawana ho hiadono yotemo ato, “Naga manga popangao iboainoka doka manga dodogumu ma ngioka la ahao yaduhunu o parangioka. Naa hoboditoka abe ko ma moiuahi naga hokonaa idadi hiadono ngone hohimanga o popangao o parangi ma goronaka.

1 Samuele 4:9

Hokogea manga hawana ma demo ho ahao manga hihira duru manga tentara yahigaro ato, “Ngini o Filistina ma nyawa kiani ngini ninauru la hiadono duru de nia buturungoka niaparangi onangika! De angamoi nako ko genangua ngone ahao hodadi to ona manga huhuloko imaketero hoka naa ma dekanino ona gea yodadi to ngone nanga huhuloko. Ho kiani duru de nanga domoroini haparangi abe hoka ko ma moiuahi de nanga buturungu ma gahumu hapake!”

1 Samuele 5:7

Ho de ahao o Filistina ma nyawa ato marai manga panyake gea ma titi Ma Jou ai Peti naga manga hidogoronaka ho ona duru de manga huha yotemo ato, “Ko idadiokaua o Isiraele ma nyawa manga Jou ai Peti gea hohigunoa igogere ngoneoka! Manga Jou gea duru de ai kuaha ma buturungu wonahikangela de ma dubuhoholi. Abe ngaro ngoneino de ngaro to ngone nanga pangao o Dagonika ma inakokidaene.” Hokogea manga hininga ma huha ihidemo.