1 Samuele 26:6 - Ma Jou ai Demo-demo o Totobelohoka

⁶ De o Dautu womalega o Saulu ai ngingiduika de ahao waleha ai nyawa yahinooto abe yomakiniiki de una. Abe ona yahinooto gea naga o Ahimeleke abe o Hete ma nyawa de nagali o Abisai abe una o ngo Seruya ami ngofaka de o Yoaba ai dodoto. Ho o Dautu waleha ona yahinootoika wato, “Onagona yosanangi dika ihiniiki la homakutuono hangohama manga dodogumu ma ngi gea ma goronaika?” De gea o Abisai wipaluhu unangika wato, “Ngohi ka tomodeke toniniiki dokaika.”

1 Samuele 26:6 Iomraidhean Croise

Dodadi 10:15

De o Haama ai ngofaka o Kanani ahao to unangoo ai ngofaka o riaka o Sidono de ai ngofaka o dodoto o Hete.

Dodadi 23:3

Gea o Abarahaama womigari ibooto de ahao womaokoiyeoka ami honenge ma datekoka de ahao wohupu woiki watutumu o Hete ma nyawaika abe yomatoomuinoka o kota ma ngoranoka la ka idadi wotemo onangika.

Dodadi 26:34

De o Isaka ai ngofaka o Esau adonoka ai ngumuru ai taongo moruata de woilaka abe waleino ngoi fekata yahinooto o Hete ma nyawa. Ngoi fekata momatengo ami romanga o ngo Yuditi ami baba o Beri. De ngoi fekata momatengoli o ngo Basemata ami baba o Elono.

2 Samuele 11:21

Sarakia, ngini niawohangoka ma oraha o Tebesoka abe o Gideono ai ngofaka o Abimeleke wohonenge? Gea o ngofeka dika mihohonenge una gea! Abe muna daku o kota ma dadaduhu ma poretoka de o ngengedere ma hakaru ma amoko midotumo unanguku de iwidaene! Hokogea ma bodito irupa-rupa onangino gea angamoi ona duru yoduhunu manga kota ho ufa ngini nimahitigiholi manga kota ma dadaduhika!’ Marai hokogea nanga koano wonitaere ma oraha nitutumu de ahao kiani nipaluhu unangika nato, ‘O koano, ani gilaongo o Uria, o Hete ma nyawa gea, unangoo wohonengoka.’” Hokogea o Yoaba widotoko abe una wotobaao-ao o abari wihidingoto o Dautika.

2 Samuele 11:24

De genangoka ngomi mimahiadono de nanga musu abe yotobatoimi naga daku manga kota ma dadaduhu ma poretoka de duru yatoimi ani tentarauku hiadono manga hihiipi yadaene hiadono utu yohonengoka. De ani gilaongo o Hete ma nyawa abe o Uria, unangoo wohonenge genangoka.” Hokogea ai hingahu o Dautika.

2 Samuele 11:6

Ho o Dautu ami hingahu gea ka de wamake de ai behehongo wohidingoto manga tentara manga hidimono o Yoabika wato, “Ngohi ani koano togahoko la o Uria, o Hete ma nyawa gea, nihidingoto ngohino.” De o Yoaba wiahoko o Uriaika de wihidingoto o Dautika.

2 Samuele 12:9

Masara abeika ngona nahohedu dika to Ngohi Ma Jou o Yawe ahi demo-demoika abe ma oraha naa ngona nodiai itorou ahi himangoka. Adodoa ho hokogea ngona nodiai? Abeika ani howono Ngohino, abe o Uria, o Hete ma nyawa, una gea ngona ma hirete nitoma de napake o Amono ma nyawa manga dae. Hokogea ngona nodiai la to una ngoi fekata ngona nomagora de nomihidadi to ngonali ngoni fekata.

2 Samuele 2:18

De o Dautu ai tentara ma nyawaino naga o ngo Seruya ami ngofaka yahangeika, abe o Yoaba de o Abisai de o Asaele. De nako o Asaele, una gea duru wopalesa womapopaata, abe una ai palesa imaketero hoka o luadanoli ma palesa.

Yosua 3:10

de una wato, “Ngini kiani nihikokioriki abe Ma Jou Wowango-wango Una naga wininiiki nia hidogoronaka de gea Una abe ahao o nyawa mata-mata abe yogogere o Kanani ma tonakoka wakiniiki hiadono manga tonaka idadiokali ti ngini nia tonaka. Ho ona o Kanani ma nyawa, de o Hete ma nyawa, de o Hewi ma nyawa, de o Ferisi ma nyawa, de o Giragasi ma nyawa, de o Amori ma nyawa, de o Yebusi ma nyawa ona mata-mata wakiniiki ma tonakino naa.

1 Samuele 26:7

Ho ma futu gea dika de ona yahinooto yomatohiki yowohama ma dodogumu gea ma gogoronaika de iwimake o Saulu iwikiooko genangoka. De nagali o Abanera de ma tentara ma nyawa utuoli manga ngoe abe yahigororomino manga koano, masara onangoo yakokikiookoka. De kanganohi o Saulu wohibeloho ai kuama ma tonakuku, ho gea naga imaokoino duru ai pea ma datekoka.