1 Samuele 21:4 - Ma Jou ai Demo-demo o Totobelohoka

⁴ De o Ahimeleke wipaluhu wato, “Tomahilooa masara nako o roti biaha ko iwa ngomioka. Masara naga o roti abe iwihidingakoka Ma Jouika, ho tanu ngomi dika o hidemo ma nyawa ka idadi miaolomo. Ho kiani tonilehahi, ani nyawa abe initobanii-niiki ngonaika, naa ma duru ona yomaidu de o ngofeka? Abe nako hokogea de ahao ko idadiua ma roti naa yaolomo. Masara nako hokogenangua de ahao ka idadi tonihidoaka la niaolomo.”

1 Samuele 21:4 Iomraidhean Croise

Huhupu 19:15

De wahingahu onangika wato, “Kiani ngini mata-mata nimatingaka Ma Jouika la ma wange ma hangeoka ka idadi nimahuba Ma Jouika ho ngaro niilakoka ma ko tinihigunoauahi nimaidu de nia fekata.” Hokogea wahuloko ho ona yomahidiai.

Huhupu 25:30

De o meja gea ma lokuoka kiani ka ihikaika o roti naga niakelenga to Ngohi ahi himangoka la gea idadi o dodunguu ma roti abe Ngohi, Ma Jou naga ka ihikaika nginioka.” Hokogea Ma Jou wihibehehongo o Musaika ai meja ma hiaturu de ma duduga.

1 Korintusu 7:5

Ho nako o giabereki de yomatengo yoigo yomatoomu, gea ibootohi nioluku ngini o giabereki nimaidu. De masara nako ahao naga ma moi ma moi abe o giabereki duru yamao abe koaho duru yomaniata Ma Jouiye, de gea ma rokata de ngoi fekata mata-mata yomaketehiningamoi abe koaho duru yomaniata Unangika. Nako hokogea ona o giabereki yakokiputuhu, gea de ahao ka idadi yomatongohono abe hokokia ma dekana, masara kalioli itedekana yomatongohono, done o Ibilihi yahiata-atara de ona ko idadiokaua yomatongohono de hiadono yahowono. De abe ma oraha yomaniata ipaha de koaho ona yomatoomuoli hoka ma dihirali.

1 Samuele 21:3

Ho naa marai tonileha ngonaika, naga ani inomo ngonaka? Abe tomagahoko nohihidoaka iti o roti motoa, eko o inomo utu o kia dika abe naga naangoka.”

1 Samuele 21:6

Ho mangale ma titi o roti biaha ko iwa unangoka ho o hidemo ma nyawa gea wihidoaka ma roti abe iwihidingakoka Ma Jouika. Ma roti gea ma dihiraino de yakelenga o mejaka doka Ma Jou ai Tau o Ngoerino ma goronaka, de ahao kanganoino de yaturuuru de o roti ma hungi. Ho ma roti abe yagoraka ma mejaka de aino, ena gea iwihidoaka o Dautika.