1 Samuele 21:1 - Ma Jou ai Demo-demo o Totobelohoka

¹ De ahao o Dautu woara o Nobo ma kapongika la ka idadi witutumu o Ahimeleke, abe una gea manga hidemo ma nyawa Ma Jouika. Masara ka de una wimake o Dautu de duru iwitodokana hiadono wofafara. De una wileha o Dautika wato, “Ho done ma titi o kia ngona nomatengo dika noboaino?”

1 Samuele 21:1 Iomraidhean Croise

1 Samuele 14:3

De o Sauloka nagali o Ahia abe una manga hidemo ma nyawa Ma Jouika, de una womahinoaukuoka ai baju abe ma romanga o efodo. De o Ahia una gea ai baba ai romanga o Ahitubu. De o Ahitubu una de ai dodoto o Ikaboto onangoli manga baba o Pinehasa. De iyeoli o Pinehasa ai baba o Eli. De ma dihiraino de o Eli unangoo wodadi manga hidemo ma nyawa Ma Jouika ma oraha ona mata-mata naga o Silo ma kotaka. Ho ngaro o nyawa manga ngoe naga genangoka masara ko moiua ihioriki abe o Yonatana wosoboka abe manga dodogumu ma ngikoa de waika ma hoanika.

1 Samuele 16:4

Ho o Samuele ai behehongo Ma Jou o Yaweino gea waniiki itiai. Masara ma oraha woboa o Beteleheemino de o kota ma dimo-dimono ka de iwimake o Samuele de yohawana ho iwileha o Samuelika, ato, “Mia baluhu, o kia ma howono nenangoka hiadono naa noboa nomitutumu? Eko sarakia, ngona naa noboa o dame dika nomigao?” Hokogea yotemo de manga hininga ma hawanoka.

1 Samuele 23:18

De gea wotemo ipaha de ahao ona yahinooto yomahiketehibehehongokali Ma Jou o Yawe ai himangoka la yomakao irahai dika. De ipaha ahao o Yonatana una wolio ai tauika masara o Dautu ka womanoahi o Horesoka gea.