1 Samuele 2:2 - Ma Jou ai Demo-demo o Totobelohoka

² Duru ko iwa utu yotebi-tebini hoka Ngona Ma Jou o Yawe, Ko iwa Ma Jou utu, duga-duga Ngona ka Nomatengo dika, Ko iwa utu de ma buturungoka abe hoka nanga Jouoli ai buturungu, Ka Ngonaka dika mimahitatoko de ko moiua la ka imidaene.

1 Samuele 2:2 Iomraidhean Croise

2 Samuele 22:32

Angamoi abeika, nako ko Ngona o Yaweua, ka onagonali yodadi ahi Jou? De nako ko ahi Jouua, ka onagonali yodadi ahi hakaru abe ko ihelo-helorua? Utu duru ko iwa!

2 Samuele 7:22

“Ho Ngona igoungu Ma Jou o Yawe abe duru nokokurutiye angamoi duru ko iwa utu abe imaketero hoka Ngonali. De ko iwa utu Ma Jou angamoi ka Ngona dika nomatengoka. Abe ma dihiraino de ngomi o Isiraele ma nyawa minihiorikoka abe ka Ngona dika Ma Jou.

Higiriiri 18:2

Ngona o Yawe duru nomaketero hoka ahi loku ma tubu angamoi ko nokelu-kelua. Abe ngona nodadioka ahi dadatoko ma ngi abe genangoka duru ko idadiua ihihikala! De Ngona dika abe nohiduhunu hiadono o bodito ko ihidaenua, de gea ma titi abe Ngona duru de ani bobuturungoka, ho ngohi ka idadi tomahitatoko Ngonaka!

Higiriiri 18:31

Angamoi abeika, nako ko Ngona o Yaweua, ka onagonali yodadi ahi Jou? De nako ko ahi Jouua, ka onagonali yodadi ahi hakaru abe ko ihelo-helorua? Utu duru ko iwa!

Higiriiri 89:6

De ngohi tomangaku Ma Jou o Yaweika tato, “Abeika ona mata-mata o Horogaka inihigiriiri Ngonaika ma titi ani heheranga ma datoro, de ngaro ona o jou-jou abe yomatoomuino Ngonaka, masara onangoo inihigiriiri angamoi Ngona natobagou-goungu mata-mataika.

Higiriiri 89:8

Angamoi o jou mata-mata abe yomatoomuino o Horogaka, ona duru iwihoromati ka Ma Jouika dika, de nanga Jou Una gea ai bobuturungu de ai kuaha duru atilakuru ona mata-mata manga kuaha abe iwihigororomino.”

Huhupu 15:11

“O nyawa yomahinganono manga popangaoika, Masara moioo de ko iwa de ma buturungu hoka Ngonali. Mangale ma titi Ngona Ma Jou o Yawe, Ngona duru notebi-tebini ho ka Ngonahi nokokurutiye, De ani dararono ihohailoaholi to Ngona ani gogeroka. Ho mia higiriiri Ngonaika mata-mata mia hawanoka de aino, Ngona nomihiheranga abe notobadiai o heheranga ma amoko.

Yesaya 40:18

Ho naa tonaleha, ka onagonaika ka idadi hahiketero de Ma Jou? Eko ma hapa o kia ka idadi hoduru la ma rupa hoka Unangoli ai rupa?

Yesaya 57:15

Abeika nitotoihene Unangika abe duru Wokokurutiye, abe Una wohikoano ka hiado-adonika de ai romanga duru ma debi-debini. Abe hokonaa to Una ai demo, wato, “Ngohi naa ahi gogere o ngioka abe duru ikokurutiye de duru itebi-tebini, masara Ngohi togogeroo o nyawa manga hidogoronaka abe manga hininga duru ihuha de abe yomahitipokouku. De gea togogere onangoka la tahiwangoro ona manga hininga ma dodipokouku, la tahigaro ona manga hininga ihu-huha hiadono manga domoroini ka ilioli.

Yesaya 6:3

De ma serafa gea yomakokoboaka ato, “Ma Jou o Yawe abe wahipareta o Horogaka ma tentara, Una gea duru ko ai medebini! De o dunia ma amokika aomangoka de to Una ai medebini ma dararono!”

Roma 15:4

De gea Ma Jou ai Demo-demo mata-mata abe ma dodihiraino de ihitulihukuoka, gea ma dumutu ka moi. Abe gea ihitulihuku la ma titi genangino de ka idadi wonadotoko ngoneino. De gea Ma Jou ai hininga la to Una ai Demo-demoino de duru inahigaro nanga hiningaka de hiadono nanga dongohono ka idogo. De ahao genangino naga ihihofoko nanga nganganono abe duru hohioriki ahao ma oraha adonoka de hamake o kia dika abe Ma Jou wonahibehehongoka wato wonahidoaka.

Roma 4:8

De nako hiadono Ma Jou ko wohiningakauali o nyawa manga howo-howono, ona gea ka idadi duru yogarago de yoriidi manga hiningaka.” Hokogea to Dautu ai demo ma dodihiraino. De genangino ka idadi hamake abe duru Ma Jouoka dika ma titi hiadono waetongo o nyawaika yototiai ho wato manga howono ko wolegaikakauali. Abe gea duru ko ma titiua onangoka hiadono Ma Jou waofi to ona manga howo-howono. De o Dautu ai demo gea duru imakiniiki de to Abarahaamoli ai wowango, angamoi unangoo ko wokarajaangua la womamake ai totiai, masara ka wingaku dika Ma Jouika de ahao Una waofi ai howono de wietongo unangika wato wototiai, de gea mata-mata Ma Jou ka wihidoaka dika unangika.

Higalioli 3:24

‘Mia Baluhu idodutu o Yawe, ngohi duru tohioriki abe to Ngona ani datoro duru de ma kuaha kohaamoko de abe ani giama duru kohabuturungu. Abe ani datoro gea utu ngohi ani huhuloko tamakeoka masara duru tonganono abe nagahi ani datoro abe utuohi ikokurutiye de ihohailoa. De boteua ko iwa o jou utuoli o Horogaka ekola naa o duniauku abe yakunu yodiai manga datoro abe hoka to Ngonali ani datoro!

Higalioli 32:20

Ho Una wotemo wato, ‘Ngohi naa kiani tomaidulu onangoka de aino, abe ma oraha naa ka toluku taduhunohi ona gea, ho abeika ahao hamake hokokia manga baha idadi onangika. Angamoi ona naa manga hininga hoka ikokifuludioka, de ko iwaka manga hingounu onangoka.

Higalioli 32:39

Ho naa abeika nimalega Ngohino la duru nihioriki Ngohi naa o Yawe! De duru ko iwa o jou utu yomakadaene hoka Ngohioli! Abe Ngohi dika ka idadi tahohonenge de tohiwango, de ka Ngohi dika takunu tahiodiri de ahao tahitogumoli. Nako hiadono ahi kuaha itagioka, moioo de ko iwa ka idadi ihitatoko eko ihilawana Ngohi.

Higalioli 32:4

De nanga Jou Una hoka o lokuhakaru moi abe ai datorino de duru ko iwa ma howono, de to Una ai hidee mata-mata ka ma totiai dika. Ho duru ka idadi homahinganono nanga Jouika, angamoi duru ko ma iwa abe waputuhu ihowono masara watobagou-goungu de wotobatotiai dika.

Higalioli 4:35

De ai datoro gea winihimatoko la genangino de winidotoko nginika abe nanga Jou Una gea o Yawe de duru ko iwa o jou utuoli abe yagou-goungu Ma Jou.

Higalioli 4:39

“Ho o wange naa ngini kiani niongano-nganono de ufa niawohangika abe nanga Jou o Yawe ka Una dika Ma Jou o Horogaka de o duniauku naa. Duru ko iwa utu nanga Jou!

1 Peturusu 1:16

De hokogea kiani niwango la nianiiki to Una ai demo abe ma dodihirainohi de ihitulihukuoka, abe Una wotemo wato, “Ngini kiani niwango nitebi-tebini angamoi Ngohioo naa totebi-tebini.” Hokogea to Ma Jou ai demo ma dodihiraino, ho ngone kiani homaribuutu la howango hotebi-tebini abe hoka itiai ai ngofa-ngofaka yowango.