1 Samuele 19:9 - Ma Jou ai Demo-demo o Totobelohoka

⁹ Masara o futu moiuku o Saulu wogogeruku ai tau ma goronaka de ai kuama naga ai giamoka de o tokata ma dorou Ma Jou o Yaweino iwibarenoli de duru iwihikangela ma oraha o Dautu wilaru ai koano abe ai totabua waragoho.

1 Samuele 19:9 Iomraidhean Croise

1 Kokoano 22:22

Una wipaluhu wato, ‘Ngohi toiki de tohiaturu la o Ahaba ai uru ma dodofanga mata-mata ka yoelu-eluku dika.’ De gea Ma Jou o Yawe wohimoteke ho wato, ‘Noiki de ai buku nale-leloro dika, de ipaha ahao ani hidee gea de ma hasiloka.’”

1 Samuele 16:14

De ma oraha gea Ma Jou o Yawe ai Womaha ko womanoakaua o Sauloka masara ai duruuru gea o tokata ma dorou abe Ma Jou o Yawe wohidingoto la iwihikangela o Saulika hiadono ai hininga duru de ma huhaka de iwilufungoka de o hawana.

1 Samuele 16:15

De naga o nyawa abe iwileleani o Saulu yotemo, ato, “Mia koano, duru itararono abe ena inihihuha gea marai o tokata Ma Jouoka de aino!

1 Samuele 16:16

Ho irahai mia baluhu nahibehehongo ani duduhunika abe ka ihikaika naga yomahidiaioka ani datekoka la iniduhunu. Nahibehehongo onangika la yolingiri o nauru womatengo abe duru wososawaro o totabua woragoho. De ahao ma oraha ani hininga duru ihuha de ka idadi una gea ai totabua waragoho de ma ilingi inihitogumu ani huhaino.” Hokogea ona iwihigaro o Saulika.

1 Samuele 19:8

De ipaha de ahao ona de o Filistina ma nyawa ka yomaketeparangiokali de o Dautu ai tentara wahihira-hira la yaparangioli o Filistina ma tentaraika. De una wohiaturu la yangika duru de manga bobuturungu hiadono manga musu manga houohi yokokiloara.

1 Samuele 22:6

De o Dautu ko iwitedekanuahi ma fonganoka gea de o Saulu woihene ma abari ma titi una. Abe naga o nyawa yamake o Dautu de ona abe yomakiniiki de una de ahao ona iwihingahu manga koano o Saulika. De ma oraha abe o Saulu woihene ma abari de una naga wogogeruku o gota ma amoko ma timiuku, abe gea imanoa o lokuoka moi o Gibea ma tonakoka. De gea wogogeruku de wasoino ai kuama ai giamoka, de to una ai tentara ma nyawa manga hae-haeke naga yomatoomuino unangoka.