1 Samuele 19:7 - Ma Jou ai Demo-demo o Totobelohoka

⁷ De ahao o Yonatana wiahoko o Dautika de manga demo gea wihingahu unangika. De ahao o Dautu wingotaka ai baba ai himangino ho mata-mata idadiokali imaketero hoka ma dodihirali ho o Dautu wileleanioli ai koano o Saulu ai tauoka.

1 Samuele 19:7 Iomraidhean Croise

Dodadi 31:2

De wamake o Labanoo ai hininga waturuuru unangika hiadono womatemo wato, “Marai ahi toroa womulaenge ko wohisanangiokaua ngohino.”

Huhupu 4:10

Masara o Musa womahiaka Ma Jou o Yaweika wato, “Ahi Baluhu, marai ngohi ko tadadiua angamoi ka ma dodihirainohi de ngohi totemo-temo ko itiaiua de hiadono ma oraha naa ahi akiri ma dubuhohi.” Hokogea o Musa womahiaka.

1 Samuele 16:21

Hokogea hiadono o Dautu womaturuuru o Saulu ai tauika de wileleani ai koano de ai totabua abe wotobarago-ragoho la o Saulu wihiriidi. De o Saulu duru wiigo o Dautika de ika-ika o Dautu wihikarajaangoli la waniiki ona abe o Saulu ai parangi ma dae de ma dadatoko yatobaao ho ahao o Dautu watobaniiki onangika.

1 Samuele 18:10

De duru ma dawangeino dika de o tokata ma dorou Ma Jouino gea iwidutukoli o Saulika de duru iwihikangela hiadono wohidogohanga wopoa-poaka. De hoka ma dihiraino nako ai koano wokangela hokogea de o Dautu waleino ai totabua de waragoho la wihilaru hiadono ai hiningaka wohiriidi. Masara kangano ka de o Saulu womulaenge wohidogohanga wopoa-poaka de wasoino o kuama o hokiiki.

1 Samuele 18:13

Ho ma bahaika o Saulu womaputuhu abe ko idadiokaua una de o Dautu yomahingi moi ho o Dautu wihitagongo la waparangi manga musuika de wihidoaka ai tentara yasana moi abe o Dautu ka ihikaika wahihira-hira. De gea duru ai tagongo wao itiai abe ona ihigali-gali yoiki manga musu yaparangi.

1 Samuele 18:2

De ma wangeoka gea de o Saulu womaputuhu wato o Dautu ko wihigunoakaua wolio ai babaika ma kiani wogogere unangoka duru o koano ai tauoka dika.

1 Samuele 19:6

De o Saulu wihigihene o Yonatanika de wihibehehongo wato, “Ngohi naa tonihibehehongo de ahi behehongo ma demo duru igoungu angamoi tomahikoboto de tapake Ma Jou o Yawe ai romanga, ho duru imaketero hoka Ma Jou igoungu wowango, to ngohi ahi behehongo ma demo nenanga enangoo duru ma gou-goungu. De ngohi naa tonihibehehongo abe o Dautu ahao ko iwitomauali.” Hokogea yomakoketemo ibooto de o Saulu wolio.

1 Samuele 19:8

De ipaha de ahao ona de o Filistina ma nyawa ka yomaketeparangiokali de o Dautu ai tentara wahihira-hira la yaparangioli o Filistina ma tentaraika. De una wohiaturu la yangika duru de manga bobuturungu hiadono manga musu manga houohi yokokiloara.