1 Samuele 19:1 - Ma Jou ai Demo-demo o Totobelohoka

¹ De o Saulu wahigaro ai nyawaika, abe duru ai datekoka iwileleani, la kiani yolingiri ma ngekomo la ka idadi o Dautu iwitoma. De ka hiadono ai ngofaka o Yonatanika unangoo wihigaro hokogea masara o Yonatana duru woigo la o Dautu widuhunu dika angamoi duru yomaketedodiawo ma gou-goungu.

1 Samuele 19:1 Iomraidhean Croise

Dodadi 37:18

De o Yusupu ko ai gurutikahi de ai ria-riaka iwimake abe woboaino de ona yomahikokagaro iwihidee ato iwitoma.

2 Samuele 4:8

De ipaha yomahiadono o Heboronika de yoboa o Dautu ai himangino de iwihimatoko o Isibosete ai pea unangika. De gea ona yotemo ato, “Abeika ani musu o Saulu ai ngofaka ai pea naa! Abe ma dihiraino de ani musu gea wohitaili wonihohonenge ngonaika, masara o wange naa de Ma Jou o Yawe wohiaturoka la ngona ani hibalaha namakeoka. Ho o Saulu de ai tau ona mata-mata yokokihonengoka!”

1 Samuele 18:1

O Goliata gea witomaka de ahao o Dautu de ai koano o Saulu yomakoketemo. De ona yomakoketemo ibooto de ahao o Dautu yomakamake de o Saulu ai ngofaka o Yonatana de o Yonatana duru ai hininga adaene o Dautika hiadono ona yomaketedodiawo duru irahai abe manga gogao ihititi o dora ma gou-goungino.

1 Samuele 18:25

De ma koano wahingahu wato, “Nako hokogea to una ai demo de ngini niwitutumoli de niwihingahu abe to muna ami ija duru igapanga abe gea o Filistina ma nau-nauru yaratuhu moi natoma la manga honengino manga mamaleke ma kai naluiti de ena gea mata-mata nohihidoaka ngohino la idadi ami bobangu. Abe ngohi tomagahoko o hibalaha ahi musuika dika.” Hokogea o Saulu ai demo masara abe duru womahinganono la gea o Dautu ma oraha wohingounu ai behehongika gea de waparangi o Filistina ma nyawaika ka onangohi yoputurungu hiadono o Dautu iwihohonenge.

1 Samuele 18:3

De o Yonatana widora o Dautika imaketero hoka to una ma hirete ai roehe wodora ho una woigo la ona yahinooto yomahiketehibehehongo abe duru ko iwa moi abe o nyawa yakunu ihirusaka manga gogao ma rorahai gea.

1 Samuele 18:8

De o Saulu ko wosanangiua manga higiriiri ma nyanyiangika gea ka hiadono duru wongamo, wato, “Adodoa hokogea yonyanyi ato ngohi yosana dika abe tahohonenge masara o Dautu wahohonenge nanga musu utuohi yofoloi manga sana? Done ahao yoigo una iwigorakiyeoli hiadono iwihidadi manga koano!” Hokogea o Saulu ai hininga ma oraha gea.

1 Samuele 18:9

Ho o Saulu ai daleanoo imulaenge ipuda o Dautika de ahao ka ihikaika o Dautu wigoana de wolingiri ai howono.

1 Samuele 19:2

Ho naa o Yonatana wihingahu o Dautika abe ai baba wihidee itorou de wihitiari wato, “Itebini duru o ngorumino de kiani ngona nomagogono o ngioka gea abe o nyawa utu ko ihiorikua nanga kota ma hoanoka.

1 Samuele 20:1

De o Dautu woaroli ho o Naioto wanoaikali de woiki o Yonatanika de wileha ai dodiawoika, wato, “Ngohi o kia todiai ani babaika hiadono ai hininga kuranga ngohino ma amokoholi? O kia ahi howono? Una naa ai hininga ka moi dika de gea wato kiani wohitoma.”

1 Samuele 20:19

De ahao hinootoka duru o bobimaowaka de kiani ngona naga o gogogono ma ngioka abe ma dihiraino nomagogono genangoka. Abe ngona kiani naga o hakaru ma doomu ma datekoka abe ma dihira o nyawa o hakaru ma ngoe yaumo genangika.