1 Samuele 16:2 - Ma Jou ai Demo-demo o Totobelohoka

² De o Samuele wopaluhu de ai hawana, wato, “Masara, ahi Jou, nako hokogea todiai de ahao o Saulu woihene! De una marai wongamo ka hiadono wohitoma ngohi!” De Ma Jou o Yawe wopaluholi wato, “Hokonaa ani ngekomo, ngona noiki de nao o huhuba ma hapi abe ma beka ka ma goohi, de ma oraha nomahiadono o Beteleheemika de nahingahu manga dimo-dimonika, nato, ‘Ngohi naa toboa nginino de ahi huhuba ma hapi nenanga la ngone homahihuba Ma Jou o Yaweika.’

1 Samuele 16:2 Iomraidhean Croise

Huhupu 3:11

Masara o Musa womademo Ma Jouika wato, “Ahi Baluhu, mode ngohi naa onaguna ho hiadono ka idadi tihimanga o Firaunu de ka idadi tahihupu o Isiraele ma nyawa o Mesiiri ma tonakino?”

Matiusu 10:16

De o Yesusu ka wohigila-gilahi ai behehongo ma demo abe iwitobanii-niiki yangimoi de yahinootoika wato, “De naa abeika nitotoihene to Ngohi ahi demoino, angamoi naa tinihitiari nginika abe ma titi ahao hokokia idadi nginika. De ngini naa tinihidingoto o nyawaika la nihiabari ma titi abe ma oraha itigioka Ma Jou wahikoano ai nyawaika. Masara tinihiketero ngini abe ngade-ngade hoka o domba abe duru imura, de naa tinihidingoto o fuhuku ma kaho ma ngi-ngiika, ho kiani duru ngini nimahidodiai onangoka. Abe kiani nimahidodiai ma titi nia demoino de nia wowango ma datorino la ufa niaruwae onangika abe yototualono, done ahao inihikangela nginika. De gea nia datorino kiani nihidodiai la nia sosawaroino niapake de abe nia hiningaka de duru niabole-bole o nyawaika.

Lukasa 1:34

De o ngo Maria mopaluhu o malaekatika mato, “Masara ngohi ko ma moiuahi mimahigelenga de o nauru, ho done sarakia tamake o ngofaka gea?”

1 Samuele 16:3

De kiani o Isai unangoo niahoko la unangoo waniiki nia huhuba ma doomu. Hokogea nodiai ibooto de ahao Ngohi tonihingahuoli ahi hiaturu utuohi abe kiani nodiai. De una gea abe ahao tihidumutu ngonaika nihitunguu abe nihituagi de o minya la una gea nidingakoka Ngohino.” Hokogea Ma Jou wihidailako o Samuele ai ngekomo la ka idadi wodiai abe wihibehehongoka.

1 Samuele 20:29

De woiki mangale ma titi waniiki ona o tau moi manga huhuba yodiai. De angamoi ai riaka wihuloko unangika abe kiani unangoo naga ho ngohi tihingahu o Dautika abe ka idadi woiki waniiki. De hokogea ma titi hiadono una ko iwiwa nenangoka.” Hokogea o Yonatana ai demo.

1 Samuele 9:12

De ona yopaluhu ato, “Ngini nianiiki o ngekomo nena dika hiadono o kota ma ngoranika angamoi kangano dika una gea woboa genangino la nanga kota ma kokawaaha manga huhuba Ma Jouiye waniiki abe yodiai daku o lokuoka.