1 Samuele 10:2 - Ma Jou ai Demo-demo o Totobelohoka

² De naa bootino homakitingaka de ka ngona dika nogila-gila o ngekomo nenanga dika naniiki. De ma oraha ngade-ngade nomahiadono o Benyamini ma nyawa manga tonaka ma batingika de naga genangoka o lungunu ma dodunguu abe ma dihira to ngona ani tofora o ngo Rahele imilungunu genangoka o Selasa ma kotaka. De genangoka ahao namake o nauru yahinooto de ona inihingahu ngonaika abe nia keledai yamakeokau de naa ani baba wohuha ma titi ka ngona dika done inihihangoka hiadono waleha-leha o nyawaika wato, ‘Sarakia ngini niwimake ahi ngofaka o Saulu?’”

1 Samuele 10:2 Iomraidhean Croise

Dodadi 35:16

De o Beteloka gea yosobo masara o ngo Rahele de ami badangoka abe ami dodubuhoka. Manga dumutu o Efaraata masara ka manga gurutikahi de o ngo Rahele ami gahe adonoka momagerewoto de ami kangela ilamokoholi.

Dodadi 48:7

De o tonakoka gea naga ngoni meme ami lungunu. Abe ma oraha o Padana-Arama ma tonaka tanoa de tolio o Kananika de ahi dodagi ma goronaka de o ngo Rahele mohonenge. De ngohi ahao genangoka tomilungunu o ngekomo ma datekoka abe ma ngekomo gea ma dumutu o Efaraatika. De ma ngi gea naga ma romanga moioli abe o Beteleheeme.”

Yeremia 31:15

Hokonaa Ma Jou o Yawe wonahingahu wato, “Ona o Rama ma kapongoka manga huha ihigari, Ona o ngo Rahele ami totoforauku manga huha ma gari. De manga gari gea duru kohaamokiye, Angamoi gea manga ngofa-ngofaka yagari, De ngaro o nyawa yalaru ma ko yomatogumua yoari, Angamoi manga ngofa-ngofaka gea ko yaiwaka.”

1 Samuele 10:16

De o Saulu wihingahu wato, “Una womihingahu abe mia keledai o nyawa yamakeoka.” Hokogea wopaluhu masara ko wihingahua ai amaika hokokia o Samuele wihitunguuoka wato una ahao wodadi o Isiraele ma nyawa manga koano.