San Mateo 24:4 - Mixtec San Juan Colorado

⁴ Tacan tan nacaha̱n ra Jesús: ―Ja̱ha vaha ndo cuenda coto jandavi ñaha nyɨvɨ tsi ndo.

San Mateo 24:4 Iomraidhean Croise

Marcos 13:22

Tyin cua quitsi nyɨvɨ jandavi ñaha tan cua catyi ñi tyin ra Cristo cuví ñi. Cua catyi ñi tyin ndusu yuhu Nyoo cuví ñi. Maa tyin ña nditsa ñi. Cua javaha ñi tsa nyityi, tan tsa iyo nahnu tyin cua jandavi ñaha ñi nda cuanda nyɨvɨ nacatsi̱ maa Nyoo, tatun cunyee ñi javaha ñi tacan.

Lucas 21:8

Tacan tan catyí ra Jesús: ―Ja̱ha vaha ndo cuenda, coto jandavi ñaha nyɨvɨ tsi ndo. Tyin cuaha xaan ra cua quitsi, tan cua cuatyiñu ra naha sɨvɨ yu, tan cua catyi ra naha: “Yuhu cuví Cristo, ra tsa jaquitsi̱ Nyoo. Tyin tsa cuñí naa ñuu ñayɨvɨ”, cua catyi ra. Maa tyin ña cunyicun ndo tsi ra naha.

Gálatas 6:3

Tatun ndáa yo cuñí maa yo tyin cahnu nyɨvɨ cuví yo, tan nduve náa cuví yo, juvin ñi tsi maa yo jandaví ñaha yo.

Efesios 4:14

Tacan tan ña cua cuvi ca yo tumaa tsa nyihi. Tyin tsa nyihi yatyi xaan tsinú iñi tsi náa luxu tsa ñihí tuhun tsi. Tan na ña cuvi yoo tacan tyin coto jandavi ñaha nyɨvɨ tsi yo.

Efesios 5:6

Ña cu̱hva ndo tsa jandavi ñaha nyɨvɨ tsi ndo tsihin tuhun tsa nduve yahvi nyaá tsa caahán ñi tyin tsa cuenda tandɨhɨ tsa ña vaha can cua tatsi tuñi Nyoo tsi nyɨvɨ tsa ña tyaá yahvi tsi ra.

Colosenses 2:18

Ña cu̱hva ndo tsa casɨ nyɨvɨ nu naquihin ndo tsa tsahá Nyoo tsi ndo. Tyin ndaahvi jahá ñi tsi ñi nu Nyoo, maa tyin ña nditsa ñi. Jacahnú ñi tsi ángel, tan catyí ñi tyin cuaha tsa vaha janahá Nyoo tsi ñi tan ña nditsa, tyin tsa tsicá iñi ñi maa ñi nduyaá ñi tsihin can.

Colosenses 2:8

Ja̱ha ndo cuenda tsi ndo coto jandavi ñaha nyɨvɨ tsa caahán tsa ña nditsa tsi ndo. Tyin ñi ican ña nacoto ñi tsi ra Cristo. Tyin maa ñi cuhva iyó nyɨvɨ tsitó ñi tan tsiñú iñi ñi cuhva tsicá iñi nyɨvɨ.

II Tesalonicenses 2:3

Ndi iin tsaha tan ña cuhva ndo jandavi ñaha nyɨvɨ tsi ndo. Tyin tsa ndi cumañi ca tahan tsi quɨvɨ quitsi Jutu Mañi yo, cuaha xaan nyɨvɨ, xaan cua cuñi ñi nyehe ñi tuhun Nyoo, tan cua quituvi rayɨɨ tsa nduve ley Nyoo iyó añima, ra tsa nyaá maa cuhun anyaya.

I San Juan 4:1

Nyooho yañi tsa cuñí xaan yu, ña tsi̱nu iñi ndo tsa caahán nyɨvɨ catyí tyin tuhun Nyoo caahán ñi. Nye̱he jihna ndo tatun nacatsí tahan tsa caahán ñi tsihin tuhun Nyoo. Tyin vityin cuaha xaan nyɨvɨ jandaví ñaha iyó. Catyí ñi tyin Nyoo caahán tsa caahán ñi tan ña nditsa ñi.