San Mateo 2:2 - Mixtec San Juan Colorado

² Tsica̱ tuhun ra naha tsi nyɨvɨ tan catyí ra naha: ―¿Nu maa nyií ra cuví rey cuenda nyɨvɨ Israel? Tyin ityi nu caná ñicanyii nyehe̱ ndi tiñuu tsa tsahá cuenda tyin cacu̱ ra ityi ihya. Tan vatsí ndi vatsí jacahnu ndi tsi ra ―catyí ra naha.

San Mateo 2:2 Iomraidhean Croise

San Mateo 2:3

Quɨvɨ tsa tsito̱ ra rey Herodes tsa caha̱n ra can naha ra, tuñu xaan cuñí ra cuvi̱. Tacan tucu tandɨhɨ nyɨvɨ ñuu Jerusalén can.

San Mateo 21:5

Ca̱han ndo tsihin nyɨvɨ ñuu Sión: “Nye̱he ndo, vatsí rey ndo nu iyó ndo. Ndaahvi ñi vatsí ra yosó ra iin urru luhlu, sehe iin quɨtɨ tsa tuhvá nyisó carga”, catyi̱ ra cuvi̱ ndusu yuhu Nyoo can.

San Mateo 27:11

Tsindaca̱ ra mandoñi can naha ra tsi ra Jesús nuu ra ndacá ñaha, tan ra can tsica̱ tuhun ra tsi ra, tan catyí ra: ―¿A yooho cuví rey cuenda nyɨvɨ Israel? Tan ra Jesús catyí ra tsihin ra: ―Juvin yu, tumaa cuhva catyí maa un.

Lucas 19:38

Tan catyí ñi: ―¡Na jacahnu yo tsi ra Rey ihya tyin vatsí ra tsihin sɨvɨ Nyoo Jutu yo! ¡Tan na coo tsa taxin andɨvɨ! ¡Tan na jacahnu yo tsi Nyoo! ―catyí ñi.

Lucas 2:11

Vityin nda ñuu ra David cacu̱ iin ra cua jacacu tsi nyɨvɨ. Cuví ra Cristo, ra cuví Jutu Mañi yo.

Lucas 23:3

Tacan tan ra Pilato tsica̱ tuhun ra tsi ra Jesús: ―¿A yooho cuví Rey cuenda nyɨvɨ Israel? ―catyí ra. Tan nacaha̱n ra Jesús tan catyí ra: ―Juvin, tumaa catyí maa un.

Lucas 23:38

Tan jiñi cruu nu nyaá ra Jesús nyaá iin tsa tyaa̱ ra Pilato tsihin sahan griego, sahan latín, tan sahan hebreo. Tyehen caahán letra can: “Juvin ra ihya cuví Rey cuenda nyɨvɨ ñuu Israel” ―catyí letra can.

Juan 1:49

Tacan tan quitsaha̱ catyí ra Natanael: ―Jutu Mañi yu, yooho cuví Sehe Nyoo. Tan juvin un cuví rey cuenda nyuhu tsa cuví yo nyɨvɨ Israel.

Juan 12:13

Tacan tan tsahnya̱ ñi ndaha ndicaha tan cuahán ñi cua jatahan ñi tsi ra Jesús. Tan caná tsaa ñi, tan catyí ñi: ―¡Cahnu xaan cuví Nyoo! ¡Nasoco xaan Nyoo tsi ra vatsí ihya tsihin tunyee iñi Nyoo! ¡Nasoco xaan Nyoo tsi Rey cuenda yo nyɨvɨ Israel! ―catyí ñi, caná tsaa ñi.

Juan 18:37

Tacan tan catyí ra Pilato tsihin ra: ―¿Tun tacan, rey cuví maa un? ―catyí ra Pilato tsihin ra Jesús. Tan nacaha̱n ra Jesús tan catyí ra: ―Rey cuví yu tumaa tsa caahán maa un. Yacan cuenda cacu̱ yu tan vatsí yu nu ñuhu ñayɨvɨ ihya, tyin cahan yu tsa nditsa. Tandɨhɨ nyɨvɨ tsa tyaá yahvi tsa nditsa, tyaá soho ñi tsa caahán yu ―catyí ra Jesús.

Juan 19:19

Tan tava̱ tyiñu ra Pilato na cunyaa letra jiñi cruu can. Tan catyí tsi tyehen: “Ra Jesús ra ñuu Nazaret, Rey cuenda nyɨvɨ ñuu Israel.”

Juan 20:28

Tacan tan nacaha̱n ra Tomás tan catyí ra: ―¡Jutu Mañi yu! ¡Tan Nyoo yu! ―catyí ra Tomás.

Juan 5:23

Tacan icá Nyoo Jutu yu tsa cuñí ra jacahnu nyɨvɨ tsi Sehe ra tumaa tsa jacahnú maa ñi tsi maa ra. Nyɨvɨ tsa ña jacahnú tsi yuhu tsa cuví yu Sehe Nyoo, ndi Jutu yu tan ña jacahnú ñi. Tyin maa ra jaquitsi̱ tsi yu.

Juan 9:38

Tacan tan tsicuɨñɨ̱ tsɨtɨ ra tsaha ra Jesús tan catyí ra tsihin ra: ―Tsinú iñi yu tsi un, Jutu Mañi yu ―catyí ra tsihin ra Jesús.

Hebreos 1:6

Maa tyin quɨvɨ jaquitsi̱ Nyoo tsi Sehe mañi ra nu ñuhu ñayɨvɨ, catyi̱ ra: Tyin tandɨhɨ ángel ra taahán tsi jacahnu ra naha tsi Sehe ra.

El Apocalipsis 22:16

Tan catyí tucu Jutu Mañi yo: ―Yuhu ra Jesús, jacuhun yu ángel yu tyin jacoto ra tandɨhɨ tuhun ihya tsi nyɨvɨ tsicá vehe ñuhu. Yuhu cuví nyɨvɨ tsahnu ra rey David. Tan cuví tucu yu tata ra. Tan cuví tucu yu tiñuu cahnu tsa xiñu xaan, tsa caná tsa naa ca ―catyí ra.