Lucas 5:14 - Mixtec San Juan Colorado

¹⁴ Tacan tan catyí ra Jesús tsihin ra: ―Coto catyi tuhun un tsihin nyɨvɨ. Intuhun ñi tsa cua cahan yu tsihin un, cu̱aahan nu nyaá ra cuví jutu. Tan ja̱naha tsi un tsi ra. Tan cu̱hva tsa taahán tsi jamañi un tumaa tsa caahán ley tsa tyaa̱ ra Moisés, tan cua cuvi tsi iin tsandaa tsi ra jutu can tan tsi nyɨvɨ tyin tsa nduvaha̱ un ―catyí ra Jesús tsihin ra.

Lucas 5:14 Iomraidhean Croise

San Mateo 10:18

Tan tsa cuenda yuhu, cua cundaca ñi tsi ndo nuu ra ndacá ñaha tan nuu rey. Tacan tan cuví cahan ndo tuhun yu nuu ra naha tan nuu nyɨvɨ tsa ñavin nyɨvɨ Israel cuví.

San Mateo 12:16

Tan catyí ra tsihin ñi tyin na ña catyi tuhun ñi yóo ra cuví ra.

San Mateo 8:4

Tacan tan catyí ra Jesús tsihin ra: ―Jihna, coto ñahñi ca̱tyi tuhun un tsihin nyɨvɨ. Maa tyin cu̱aahan nu nyaá ra cuví jutu, tan ja̱naha un tsi un tsi ra. Tan cu̱hva un tsa taahán tsi jamañi un nuu Nyoo tumaa catyí ley Nyoo tsa tyaa̱ ra Moisés. Tan cua cuvi tsi iin tsa ndaa tsi ra jutu can tan tsi nyɨvɨ tyin tsa nduvaha̱ un.

San Mateo 9:30

Tan nduvaha̱ tinuu ra naha. Tan catyí ra Jesús tsihin ra naha: ―Coto ñahñi catyi tuhun ndo tsihin ndi intuhun nyɨvɨ.

Marcos 1:44

―Coto ca̱tyi tuhun un tsihin nyɨvɨ yóo janduvaha̱ tsi un. Maa tyin cu̱aahan nu nyaá ra cuví jutu, tan ja̱naha un tsi un tsi ra. Tan cu̱hva tsa catyi̱ ra Moisés tyin cuhva ndo tsa cuenda tsa nduvaha̱ ndo tun cuhvi̱ ndo. Yacan cua cuvi tsa ndaa tsi ra jutu tan tsi nyɨvɨ tyin tsa nduvaha̱ un ―catyí ra Jesús tsihin ra.

Marcos 6:11

Tan tatun tsaa ndo iin ñuu tan ña naquihin cuenda nyɨvɨ iyó ñuu can tsi ndo, tan ña cuñi ñi tyaa soho ñi tsa cua cahan ndo, qu̱ita ndo ican tan na̱quɨsɨ ndo nyaca tsaha ndo tan yacan janaha tyin ndoo cuatyi ñi sɨquɨ ñi. Tsa nditsa catyí yu tsihin ndo, tyin quɨvɨ cua tatsi tuñi Nyoo tsi nyɨvɨ, ñihi ca cua tatsi tuñi ra tsi ñi can tan ñavin ca nyɨvɨ ñuu Sodoma tan ñuu Gomorra ―catyí ra Jesús tsihin ra naha.

Lucas 17:14

Tan tsa nyehe̱ ra Jesús tsi ra naha tan catyí ra tsihin ra naha: ―Cu̱aahan ndo, cujanaha ndo tsi ndo tsi ra jutu tyin tsa nduvaha̱ ndo. Tacan tan cuahán ra naha. Tan ityi cuahán ra naha tan nduvaha̱ ra naha.

Lucas 5:13

Tacan tan tyiso̱ ndaha ra Jesús jiñi ra cuuhví can, tan catyí ra: ―Cuñí yu janduvaha yu tsi un. Cua nduvaha un vityin ―catyí ra Jesús tsihin ra cuuhví can. Tan iin yaha ñi nduvaha̱ ra.

Lucas 9:5

Tan nu ña cuñí nyɨvɨ tyaa soho ñi tsa caahán ndo, qu̱ita ndo ñuu ican. Tan na̱quɨsɨ ndo nyaca ñuhu tsaha ndo. Tan yacan janahá tyin ndoó cuatyi ñi sɨquɨ ñi ―catyí ra Jesús tsihin ra naha.