Lucas 3:14 - Mixtec San Juan Colorado

¹⁴ Tacan tan tsica̱ tuhun tucu andaru naha ra tsi ra: ―Tan nyuhu tucu, ¿nácaa javaha ndi? ―catyí ra naha. Tan nacaha̱n ra Juan tan catyí ra: ―Ña qu̱inyaa ca ndo tsa tsii nyɨvɨ. Tan ña ja̱yuhvi ca ndo tsi ñi. Ña tya̱a ndo cuatyi tsi ñi tatun nduve cuatyi ñi. Tan ndo̱o ndo vaha tsihin yahvi ndo ―catyí ra Juan.

Lucas 3:14 Iomraidhean Croise

San Mateo 8:5

Quɨvɨ tsa tsaa̱ ra Jesús ñuu Capernaum, iin ra cuví capitán, ra ñuu Roma, tsaa̱ ra nu nyií ra Jesús tan caahán ndaahvi ra tsihin ra,

Lucas 19:8

Tan nu nyecú ra naha tsitsi vehe, ra Zaqueo tsinyaa̱ nyityi ra. Tan catyí ra tsihin ra Jesús: ―Jutu Mañi yu, yuhu cua cuhva yu sava tsa iyó tsi yu tsi nyɨvɨ ndaahvi. Tan tatun jandavi̱ ñaha yu tsi nyɨvɨ tan suhu̱ yu tsa tsii ñi, vityin cua nacuhva cuenda yu cumi taahan ca tsaha tsi ñi ―catyí ra tsihin ra.

Lucas 3:10

Tacan tan nducu̱ tuhun ñi tsi ra tan catyí ñi: ―¿Tan nácaa javaha ndi? ―catyí ñi.

Lucas 3:13

Tan catyí ra Juan tsihin ra naha: ―Cuhva catyí ley ñi ta̱va ndo xuhun. Tan ña jandaa ca ndo yahvi.

Los Hechos 10:7

Tsa yaha̱ cuahán ángel can, ra Cornelio cana̱ ra tsi uvi taahan musu ra, tan tsihin iin andaru tsa jahá cuenda tsi ra. Tan yɨhɨ́ andaru can cuenda Nyoo.

Filipenses 2:15

Tacan tan ña cua coo cuatyi ndo. Taahán tsi cuvi ndo nyɨvɨ cuɨtɨ iyó, taahán tsi cuvi ndo nyɨvɨ nduve cuatyi, tumaa tsa taahán tsi coo nyɨvɨ cuenda Nyoo tyañu nyɨvɨ caquiñi ihya. Cuñí tsi tsa cuví ndo tumaa iin ñuhu̱ tsa jandunditsín nu naa nu ñuhu ñayɨvɨ ihya.

Filipenses 4:11

Ñavin tyin iyó tsa tsiñí ñuhu tsi yu tan caahán yu tsihin ndo, tyin yuhu tsa cutuhva̱ maa yu tsa cusɨɨ iñi yu tsihin náa tsa iyó tsi yu.

Tito 2:3

Tan tacan tucu ñiñaha tsahnu. Ca̱han tsihin ñi na coo ñi tumaa taahán iñi maa Nyoo. Tan ña cahan ñi cuendu. Ña coho ñi nyixi. Na janaha ñi tsa vaha tsi nyɨvɨ tsihin cuhva iyó ñi.

El Apocalipsis 12:10

Tacan tan tsiñi̱ yu iin ndusu ñihi xaan ityi andɨvɨ, tan catyí tsi: ―Vityin tsa tsaa̱ quɨvɨ tsa jacacú Nyoo tsi nyɨvɨ. Tsa jaha̱ canaa tunyee iñi Nyoo. Maa ra tan ra Cristo, Sehe ra, ndacá ñaha ra naha tyin tsa tava̱ ra naha tsi nu tsa tyaa̱ xaan cuatyi sɨquɨ ñi nuu ra naha nduvi tan ñiñu.