Lucas 22:33 - Mixtec San Juan Colorado

³³ Tan ra Simón catyí ra tsihin ra: ―Jutu Mañi yu, tsa ndu̱ iin vaha iñi yu tsa cuhun yu tsihin un vasu vehe caa, vasu cúu yu tsihin un ―catyí ra.

Lucas 22:33 Iomraidhean Croise

San Mateo 20:22

Maa tyin nacaha̱n ra Jesús tan catyí ra: ―Nyooho ña tsitó ndo tsa tsicán ndo. ¿A cuví nyehe nyooho tundoho tsa cua nyehe yuhu? ¿A cuví cuhun ndo tuhun tsiihí tumaa cua cuhun yuhu? ―catyí ra. Tan nacaha̱n ra naha tan catyí ra naha: ―Cuví maa.

Marcos 14:29

Tacan tan catyí ra Pedro tsihin ra: ―Vasu ndi maa nacoo ihñi tandɨhɨ ra naha tsi un, maa tyin yuhu ña cua nacoo ihñi maa yu tsi un ―catyí ra tsihin ra Jesús.

Marcos 14:31

Maa tyin jañiñi̱ ra Pedro tan catyí ra: ―Vasu ndi maa cúu yu tsihin un, maa tyin ña cua catyi yu tyin ña nacotó yu tsi un ―catyí ra Pedro. Tan juvin ñi tacan catyí tandɨhɨ ca ra naha.

Lucas 22:34

Tacan tan catyí ra Jesús tsihin ra: ―Pedro, catyí yu tsihin un tyin vityin tsa ndi cumañi ca vacu tsitooho, yooho cua catyi un uñi tsaha tyin ña nacoto un tsi yu ―catyí ra Jesús tsihin ra.

Lucas 22:57

Maa tyin ra Pedro catyí ra: ―Yuhu ña nacotó yu tsi ra can.

Juan 13:38

Tan nacaha̱n ra Jesús tan catyí ra: ―¿A nditsa tsa cuhva un ñayɨvɨ un tsa cuenda yu? Tsa nditsa catyí yu tsihin un, tyin tsa ndi cumañi ca vacu tsaa tsitooho, yooho cua cahan un uñi tsaha tyin ña nacotó un tsi yu ―catyí ra Jesús tsihin ra Pedro.

Los Hechos 21:13

Maa tyin ra Pablo catyí ra: ―¿Nacuenda tsacú ndo tan janducuiihyá ndo iñi yu? Yuhu nduve cuenda yu. Ndi maa tsa cua cunuhñi yu, ndi maa cahñi ra naha tsi yu, maa tyin cuhun yu tyiñu tsa cuenda Jutu Mañi yo Jesús ―catyí ra tsihin ndi.